လံာ်ကွဲးနီၣ်တၢ်အခီၣ်ထံးတဘ့ၣ် 16:9 - Sgaw Karen Common Bible

⁹ သးဝံၣ်စံးထီၣ်ပတြၢၤယွၤ, တဲတၢ်လီၤလးတဖၣ်လၢအဝဲမၤတ့ၢ်ဝဲန့ၣ်တက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 16:9 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 16:10

သးခုလၢပဘၣ်ဃးဒီးအီၤ မ်ပှၤခဲလၢာ်လၢအဘူၣ်ထီၣ်ဘါထီၣ်အီၤသူၣ်ဖှံသးညီတက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 16:24

ဒုးဟူထီသါလီၤအဝဲအလၤကပီၤဆူပှၤကလုာ်တဖၣ်, အတၢ်မၤအဒိၣ်အမုၢ်တဖၣ်ဆူကယဲၢ်ပှၤဂီၢ်မုၢ်ခဲလၢာ်န့ၣ်တက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 16:8

ဟ့ၣ်ယွၤလၢတၢ်စံးဘျုးစံးဖှိၣ်, ဒုးဟူထီၣ်သါလီၤအတၢ်ဒိၣ်တၢ်မုၢ်, တဲဘၣ်ပှၤကလုာ်တဖၣ်တၢ်လၢ အဝဲမၤတ့ၢ်ဝဲန့ၣ်တက့ၢ်.

လံာ်စီၤယိၤဘး 36:24

သ့ၣ်နီၣ်ထီၣ်က့ၤလၢနကဘၣ်ပာ်ဒိၣ်အတၢ်မၤလၢပှၤကိးဂၤဒဲး အဂီၢ်ဒီးစံးထီၣ်ပတြၢၤအီၤလၢတၢ်သးဝံၣ်န့ၣ်တက့ၢ်.

စံးထီၣ်ပတြၢၤ 145:12

ဒ်သိးပှၤကိးဂၤဒဲးကသ့ၣ်ညါနတၢ်မၤဖးဒိၣ်တဖၣ် ဒီးနဘီနမုၢ်အတၢ်ကဟုကညီၢ် အလၤကပီၤန့ၣ်လီၤ.

စံးထီၣ်ပတြၢၤ 40:10

ယတပာ်ခူသူၣ်နတၢ်မၤပူၤဖျဲးအဂ့ၢ်လၢ ယသးပူၤန့ၣ်ဘၣ်. ယစံးဘၣ်တဲဘၣ်လံယဲနတၢ်သူၣ်တီသးလိၤဒီး နတၢ်မၤပူၤမၤဖျဲးအဂ့ၢ်န့ၣ်လံ. ယတပာ်ခူသူၣ်နတၢ်အဲၣ်ဂၢၢ်ကျၢၤဒီး နတၢ်သူၣ်တီသးလိၤအဂ့ၢ် လၢပှၤဂီၢ်မုၢ်အတၢ်အိၣ်ဖှိၣ်ရိဖှိၣ်န့ၣ်ဘၣ်.

စံးထီၣ်ပတြၢၤ 71:17

ကစၢ်ဧၢ, လၢယသးစၢ်လံၤလံၤနသိၣ်လိတ့ၢ်ယၤလံ, ဒီးယဒုးနဲၣ်နမၤတၢ်လီၤလးတဖၣ် တုၤခဲကနံၣ်အံၤလီၤ.

လံာ်မၤလကံ 3:16

တုၤနုၤတစု, ပှၤလၢအပျံၤယွၤန့ၣ်စံးလိာ်အသးတဂၤဒီးတဂၤ, ဒီးယွၤဒိကနၣ်, ဒီးနၢ်ဟူတၢ်လၢအဝဲသ့ၣ်စံးဝဲဒၣ်န့ၣ်လီၤ. လၢအဝဲအမဲာ်ညါန့ၣ်, တၢ်ကွဲးနီၣ်အိၣ်ကွဲးလီၤအသးလၢလံာ်တဘ့ၣ် အပူၤဘၣ်ထွဲဒီးပှၤလၢအပျံၤယွၤဒီးယူးယီၣ်ပာ်ကဲအီၤန့ၣ်လီၤ.

လံာ်မးသဲ 26:30

ဝံၤဒီးအဝဲသ့ၣ်သးဝံၣ်ထါသးဝံၣ်တယုၢ်, ဒီးလဲၤထီၣ်ဝဲဆူကစၢၢ်သ့ၣ်စၤယံးအလိၤန့ၣ်လီၤ.

အ့းဖ့းစူး 5:19

ကတိၤလိာ်သုသးတဂၤဒီးတဂၤလၢထါစံးထီၣ်ပတြၢၤ, ထါသးဝံၣ်, ဒီးတၢ်ဘူၣ်တၢ်ဘါအတၢ်သးဝံၣ်တဖၣ်အတၢ်ကတိၤတက့ၢ်. သးဝံၣ်ထါသးဝံၣ်, ဒီးထါစံးထီၣ်ပတြၢၤတဖၣ်အိၣ်ဒီးတၢ်စံးထီၣ်ပတြၢၤကစၢ်လၢ သူၣ်ကံၢ်သးလဲအပူၤတက့ၢ်.

ကလီးစဲ 3:16

ခရံာ်အတၢ်ကစီၣ်မ်အမူလၢသုပူၤထူးထူးတီၤတီၤတက့ၢ်. သိၣ်လိသီလိဒီးသိၣ်က့ၤသီက့ၤလိာ်သုသးလၢတၢ်ကူၣ် သ့ကူၣ်ဘၣ်အပူၤတက့ၢ်. သးဝံၣ်ထါစံးထီၣ်ပတြၢၤဒီးထါသးဝံၣ်, ဒီးတၢ်ဘူၣ်တၢ်ဘါအတၢ်သးဝံၣ်အိၣ်ဒီးတၢ်စံးဘျုးစံးဖှိၣ် ကစၢ်ယွၤလၢသုသူၣ်ကံၢ်သးလဲအပူၤတက့ၢ်.

ယၤကိာ် 5:13

ပှၤလၢသုကျါတဂၤဂၤဘၣ်တၢ်ကီတၢ်ခဲဧါ. အဝဲကြၢးဃ့ဘါထုကဖၣ်တၢ်လီၤ. မ့ၢ်အသူၣ်ဖှံသးညီတဂၤဂၤဧါ. အဝဲကြၢးသးဝံၣ်စံးထီၣ်ပတြၢၤကစၢ်ယွၤလီၤ.