လံာ်ကွဲးနီၣ်တၢ်အခီၣ်ထံးတဘ့ၣ် 16:4 - Sgaw Karen Common Bible

⁴ စီၤဒၤဝံးဃုထၢပာ်ပှၤလ့ၤဝံဖိတနီၤလၢကဆှၢတၢ်ဘူၣ်ထီၣ်ဘါ ထီၣ်ယွၤ, အံၣ်စရ့လးအကစၢ်ယွၤလၢတၢ်အၢၣ်လီၤအီလီၤအတလါစီဆှံအမဲာ် ညါ, ခီဖျိတၢ်သးဝံၣ်ဒီးတၢ်စံးထီၣ်ပတြၢၤအီၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:4 Iomraidhean Croise

လံာ်တၢ်ကဲထီၣ်အခီၣ်ထံး 17:7

ယကဟံးဃာ်ယတၢ်အၢၣ်လီၤအီလီၤဒီးနၤ, ဒီးနစၢၤနသွဲၣ်လၢခါဆူညါအစိၤသ့ၣ်တဖၣ်ဒ်တၢ်အၢၣ်လီၤအီလီၤ အထူအယိာ်တမံၤအသိးန့ၣ်လီၤ. ယမ့ၢ်နကစၢ်ယွၤဒီးပှၤလီၤစၢၤလီၤသွဲၣ်လၢနၤတဖၣ်အကစၢ်ယွၤန့ၣ် လီၤ.

လံာ်တၢ်ကဲထီၣ်အခီၣ်ထံး 32:28

ဒီးပှၤတဂၤန့ၣ်စံးဘၣ်အီၤ, “နမံၤတမ့ၢ်လၢၤဘၣ်စီၤယၤကိာ် ဘၣ်. နဂဲၤပျုၢ်ပြၢလိာ်တ့ၢ်နသးဒီးကစၢ်ယွၤဒီးပှၤကညီ, ဒီးနမၤနၢၤလံတၢ်လံ. အဃိဒီးနမံၤကမ့ၢ်စီၤအံၣ်စရ့လးလီၤ.”

လံာ်တၢ်ကဲထီၣ်အခီၣ်ထံး 33:20

ဒီးဖဲန့ၣ်မၤထီၣ်ဝဲတၢ်လုၢ်လီၢ်တခါဒီးကိးဝဲအမံၤလၢ “အ့ၤလံ,” ဒ်ပစံးတၢ်အသိး, “အံၣ်စရ့လးအကစၢ်ယွၤ” န့ၣ်လီၤ.

လံာ်စီၤပၤအခီၣ်ထံးတဘ့ၣ် 8:15

အဝဲစံးဝဲ, “စံးထီၣ်ပတြၢၤယွၤ, အံၣ်စရ့လးအကစၢ်ယွၤန့ၣ်တ က့ၢ်. အဝဲဟံးဃာ်ဂၢၢ်ကျၢၤအတၢ်အၢၣ်လီၤလၢအမၤတ့ၢ်ဒီးယပၢ်စီၤဒၤဝံး, ဖဲအဝဲစံးဘၣ်အီၤ,

လံာ်ကွဲးနီၣ်တၢ်အခီၣ်ထံးတဘ့ၣ် 15:16

စီၤဒၤဝံးမၤလိာ်ပှၤလ့ၤဝံဖိအခိၣ်အနၢ်တဖၣ်လၢကဟ့ၣ်မူဟ့ၣ် ဒါပှၤလ့ၤဝံဖိတဖၣ်ဒ်သိးကသးဝံၣ်တၢ်အိၣ်ဒီးတၢ်ဒ့တၢ်အူ အပီးအလီ အကလုာ်ကလုာ်လၢအမ့ၢ်သီတူၢ်တဖၣ်တနၢ်တဖၣ်ဒီးစှၢၢ်စှံး တဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:3

ဒီးနီၤဟ့ၣ်လီၤတၢ်အီၣ်တၢ်အီဆူအဝဲသ့ၣ်ခဲလၢာ်အအိၣ်န့ၣ်လီၤ. အဝဲဟ့ၣ်စ့ၢ်ကီးအံၣ်စရ့လးအပှၤပိာ်ခွါဒီးပိာ်မုၣ်တဂၤစုာ် စုာ်လၢကိၣ်တဂၤတလိၣ်, တၢ်ညၣ်အဟၢမံတဂၤတလိၣ်ဒီးစပံးသၣ်အဃ့တနီၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:5

စီၤအၤစာ်မ့ၢ်ပှၤလၢအဘၣ်တၢ်ဃုထၢပာ်လီၤအီၤလၢပှၤအခိၣ်အိၣ် ဒီးစီၤစကၤရယၤဒ်ပှၤလၢကမၤစၢၤအီၤအသိးန့ၣ်လီၤ. စီၤယံၤအ့လး, စီၤၡမံၤရမိး, စီၤယဃံအ့လး, စီၤမးတံးသယၤ, စီၤအလံအာ်, စီၤဧိၤဘ့းအ့ဒိၣ်ဒီးစီၤယံၤအ့လးတဖၣ်မ့ၢ်ပှၤ ဘၣ်ဒ့သီတူၢ်တဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:8

ဟ့ၣ်ယွၤလၢတၢ်စံးဘျုးစံးဖှိၣ်, ဒုးဟူထီၣ်သါလီၤအတၢ်ဒိၣ်တၢ်မုၢ်, တဲဘၣ်ပှၤကလုာ်တဖၣ်တၢ်လၢ အဝဲမၤတ့ၢ်ဝဲန့ၣ်တက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 24:3

စီၤဒၤဝံးကရၢကရိထီၣ်စီၤအၤဟရိၣ်အစၢၤအသွဲၣ်တဖၣ်ဆူ ကရူၢ်တဖၣ်, ဒ်အမူအဒါတဖၣ်အိၣ်ဝဲအသိးန့ၣ်လီၤ. အဝဲဘၣ်တၢ်မၤစၢၤအီၤလၢတၢ်မၤအံၤအဂီၢ်လၢစီၤစၤဒိး, စီၤအလၤဧစၢ်အစၢၤအသွဲၣ်တဂၤ, စီၤအဃံၤမ့လ့း, စီၤအံသမၢ်အစၢၤအသွဲၣ်တဂၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 25:1

စီၤပၤဒၤဝံးဒီးပှၤလ့ၤဝံဖိအခိၣ်အနၢ်တဖၣ်ဃုထၢထီၣ်ဝဲပှၤ လ့ၤဝံဖိစီၤအၤစာ်, စီၤဟ့မၣ်ဒီးစီၤယဒူသူၣ်အဒူၣ်ထၢတဖၣ် အပှၤခိၣ်ပှၤနၢ်တဖၣ်ဒ်သိးကဆှၢတၢ်ဘူၣ်ထီၣ်ဘါထီၣ်အတၢ်မၤတဖၣ် န့ၣ်လီၤ. အဝဲသ့ၣ်ကဘၣ်ဒုးဟူထီသါလီၤကစၢ်ယွၤအတၢ်ကစီၣ်တဖၣ် အိၣ်ဒီးစှၢၣ်စှံးဒီးသီတူၢ်အတၢ်သူၣ်ဝံၣ်သးဆၢတဖၣ်န့ၣ်လီၤ. အအံၤမ့ၢ်ပှၤဘၣ်တၢ်ဃုထၢဒ်အတၢ်မၤဒၣ်ဝဲအကလုာ်တဖၣ် အတၢ်ကွဲးနီၣ်ကွဲးဃါလၢကဆှၢတၢ်ဘူၣ်ထီၣ်ဘါထီၣ်ယွၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 6:31

ပှၤတဖၣ်အံၤမ့ၢ်ပှၤလၢစီၤပၤဒၤဝံးပာ်ဝဲလၢပှၤသးဝံၣ်တၢ်ဖိ အခိၣ်လၢတၢ်ဘူၣ်ထီၣ်ဘါထီၣ်ယွၤအလီၢ်လၢဝ့ၢ်ယရူၤၡလ့ၣ်အပူၤ, ဖဲတၢ်အၢၣ်လီၤအီလီၤအတလါဘၣ်တၢ်ဆှၢနုာ်အီၤဖဲန့ၣ်ဝံၤအလီၢ် ခံန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 5:13

ပှၤသးဝံၣ်တၢ်ဖိတဖၣ်သးဝံၣ်တၢ်အိၣ်ဒီးတၢ်ဃူဃီၣ်လီၤပလိာ်အလၢ အပှဲၤလၢအမုာ်မးဘၣ်လိာ်ဖိးဒ့လိာ်အသးဒီးကွဲၤတဖၣ်, စှၢၣ်စှံးတဖၣ်ဒီးတၢ်ဒ့တၢ်အူအပိးအလီအဂၤတဖၣ်အသီၣ်, ဖဲအဝဲသ့ၣ်သးဝံၣ်စံးထီၣ်ပတြၢၤယွၤဒီးစံး, “စံးထီၣ်ပတြၢၤယွၤတက့ၢ်. အဂ့ၢ်ဒ်အံၤ, အဝဲဒၣ်န့ၣ်ဂ့ၤဝဲလီၤ. ဒီးအဝဲအတၢ်အဲၣ်န့ၣ်မ့ၢ်တၢ်အဲၣ်အထူ အယိာ်လီၤ.” သတူၢ်ကလာ်တၢ်လုၢ်ဟံၣ်န့ၣ်ဘၣ်တၢ်မၤပှဲၤအီၤဒီးတၢ် အၢၣ်လၢအကပီၤဝဲဒီးယွၤအတၢ်အိၣ်ဝဲအတၢ်ကပြုၢ်ကပြီၤန့ၣ်လီၤ.

လံာ်စီၤဧ့စြၤ 3:10

တုၤပှၤတဖၣ်န့ၣ်စးထီၣ်ပာ်လီၤတၢ်လုၢ်ဟံၣ်အလၢၢ်သနၢၣ်ဒီးပှၤလုၢ် တၢ်အခိၣ်လၢအအိၣ်ဒီးအဆ့ကၤဒိၣ်တဖၣ်ဟံးန့ၢ်အလီၢ်အိၣ်ဒီးကွဲၤ တဖၣ်လၢအစုပူၤ, ဒီးပှၤလ့ၤဝံဖိတဖၣ်လၢစီၤအၤစာ်အဒူၣ်အထၢတဖၣ်ဆၢထၢၣ်ဖဲန့ၣ် အိၣ်ဒီးအစှၢၣ်စှံးတဖၣ်န့ၣ်လီၤ. အဝဲသ့ၣ်စံးထီၣ်ပတြၢၤယွၤဒ်တၢ်မၤလိာ်လၢအဘၣ်တၢ်ဟ့ၣ်လီၤတ့ၢ် အီၤလၢစီၤပၤစီၤဒၤဝံးအစိၤအသိးန့ၣ်လီၤ.

လံာ်စီၤနဃ့မယၤ 12:24

လၢစီၤဃၡၤဘယၤ, စီၤၡ့ရ့ဘယၤ, စီၤယ့ၤၡူ, စီၤဘံနူၤ, ဒီးစီၤကးမံၤအ့လးအတၢ်နဲၣ်ကျဲအပူၤန့ၣ်ပှၤလ့ၤဝံ ဖိတဖၣ်ဘၣ်တၢ်နီၤလီၤအီၤလၢအကရူၢ်တဖၣ်န့ၣ်လီၤ. ဒ်အလီၤပလိာ်ဝဲဒီးယွၤအပှၤကညီစီၤပၤဒၤဝံးအတၢ်သိၣ်လိနဲၣ် ယုၤတဖၣ်အသိး, တဘျီန့ၣ်ပှၤအိၣ်ဝဲခံဖုလၢကသးဝံၣ်ခီဆၢတၢ်စံးထီၣ်ပတြၢၤ ကစၢ်ယွၤဒီးတၢ်ဟ့ၣ်အီၤတၢ်စံးဘျုးအဂီၢ်န့ၣ်လီၤ.

စံးထီၣ်ပတြၢၤ 103:2

ယသးဧၢ, စံးထီၣ်ပတြၢၤယွၤတက့ၢ်. ဒီးအတၢ်မၤဂ့ၤတဖၣ်န့ၣ် မ်နသုတသးပ့ၤနီၣ်နီတမံၤတဂ့ၤ.

စံးထီၣ်ပတြၢၤ 105:5

သ့ၣ်နီၣ်ထီၣ်က့ၤတၢ်လီၤလးတဖၣ်လၢအမၤတ့ၢ်ဝဲ, အတၢ်မၤလီၤလးတဖၣ်, ဒီးတၢ်စံၣ်ညီၣ်လၢ အဟ့ၣ်လီၤဝဲန့ၣ်တက့ၢ်.

စံးထီၣ်ပတြၢၤ 106:48

စံးထီၣ်ပတြၢၤယွၤ, အံၣ်စရ့လးအကစၢ်ယွၤတက့ၢ်. စံးထီၣ်ပတြၢၤအီၤခဲအံၤဒီးလီၤထူလီၤယိာ်တက့ၢ်. မ်ပှၤခဲလၢာ်စံးဝဲ, “အၤမ့ၣ်တက့ၢ်.” စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 37:1

တဘၣ်ကိၢ်တၢ်လၢပှၤအအၢအသီအဃိန့ၣ်တဂ့ၤ. တဘၣ်သူၣ်က့ၣ်သးက့ၣ် ပှၤလၢအမၤကမၣ်တၢ်တဂ့ၤ.

စံးထီၣ်ပတြၢၤ 70:1

ကစၢ်ယွၤဧၢ, မၤပူၤဖျဲးယၤတက့ၢ်. ယွၤဧၢ, မၤချ့ချ့လၢနကမၤစၢၤယၤတက့ၢ်.

စံးထီၣ်ပတြၢၤ 72:18

စံးထီၣ်ပတြၢၤယွၤ, အံၣ်စရ့လးအကစၢ်ယွၤ လၢအမၤတၢ်လီၤလးထဲတဂၤဧိၤန့ၣ်တက့ၢ်.