လံာ်ကွဲးနီၣ်တၢ်အခီၣ်ထံးတဘ့ၣ် 16:39 - Sgaw Karen Common Bible

³⁹ ပှၤလုၢ်တၢ်အခိၣ်စီၤစၤဒိးဒီးပှၤလုၢ်တၢ်အခိၣ်သကိးသကိးဒီး အီၤတဖၣ်မ့ၢ်ပှၤအခိၣ်လၢတၢ်ဘူၣ်ထီၣ်ဘါထီၣ်ယွၤဖဲဝ့ၢ်ကံးဘိၣ် န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:39 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 8:17

စီၤအဃံတူာ်အဖိခွါစီၤစၤဒိးဒီးစီၤအ့ဘယၤသၢ်အဖိခွါစီၤ အဃံၤမ့လ့းမ့ၢ်ပှၤလုၢ်တၢ်အခိၣ်တဖၣ်န့ၣ်လီၤ. ဒီးစီၤစရါယၤမ့ၢ်ကွီၢ်ဘျီၣ်အပှၤကွဲးလံာ်ဒိၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 1:8

မ့မ့ၢ်ပှၤလုၢ်တၢ်အခိၣ်စီၤစၤဒိး, စီၤဘနါယၤလၢအမ့ၢ်စီၤ ယဟိၤယဒါအဖိခွါ, ဝံနၤသၣ်, စီၤၡံမံၤ, စီၤရ့ဧံၤဒီးစီၤဒၤဝံးအပှၤခိးအသးသမူသ့ၣ်တဖၣ်တအိၣ်လၢ စီၤအဒိနံၤယၤအအိၣ်တကပၤဘၣ်.

လံာ်စီၤပၤအခီၣ်ထံးတဘ့ၣ် 3:4

တၢ်မၤအသးတဘျီ, အဝဲလဲၤဆူဝ့ၢ်ကံးဘိၣ်ဒ်သိးကလုၢ်ထီၣ်တၢ် လုၢ်တၢ်ပာ်တဖၣ်, မ့ၢ်လၢဝ့ၢ်ကံးဘိၣ်မ့ၢ်တၢ်လီၢ်ဖဲတၢ်လုၢ်လီၢ်လၢအမံၤဟူသၣ် ဖျါကတၢၢ်အိၣ်ပာ်ဝဲအဃိန့ၣ်လီၤ. အဝဲလုၢ်ထီၣ်တ့ၢ်တၢ်လုၢ်မ့ၣ်အူလၢအကယၤတဖၣ်ဖဲန့ၣ်, လၢအပူၤကွံာ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 12:28

ပှၤသးစၢ်အဒူလၢအဒုးတၢ်သ့စီၤစၤဒိးဒီးအဘူးအတံၢ်တဖၣ်, ပှၤသ့ကဲခိၣ်ကဲနၢ် ခံဆံခံဂၤ,

လံာ်ကွဲးနီၣ်တၢ်အခီၣ်ထံးတဘ့ၣ် 15:11

စီၤဒၤဝံးကိးန့ၢ်ပှၤလုၢ်တၢ်အခိၣ်တဖၣ်လၢအမ့ၢ်ဝဲစီၤစၤဒိး ဒီးစီၤအ့ဘယၤသၣ်, ဒီးပှၤလ့ၤဝံဖိဃုဂၤလၢအမ့ၢ်ဝဲ, စီၤအူရံၤအ့လး, စီၤဧစံယၤ, စီၤယိၤအ့လး, စီၤၡမါယၤ, စီၤအလံၤအ့လးဒီးစီၤဧးမံၤနဒးသ့ၣ်တဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 21:29

ဖဲဆၢကတီၢ်အံၤန့ၣ်, ဒဲစီဆှံလၢကစၢ်ယွၤအိၣ်ဝဲဆိးဝဲလၢအ ပူၤ, လၢစီၤမိၤၡ့ဘှီထီၣ်တ့ၢ်ဝဲလၢပှၢ်မုၢ်ကနၢအပူၤ, ဒီးတၢ်လုၢ်လီၢ်လၢတၢ်လုၢ်တၢ်ပာ်တဖၣ်ဘၣ်တၢ်ဆိၣ်ကဲၤထီၣ်အီၤလၢ အဖီခိၣ်န့ၣ်အိၣ်ဒံးဒၣ်လၢတၢ်ဘူၣ်ထီၣ်ဘါထီၣ်အလီၢ်လၢဝ့ၢ်ကံး ဘိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 1:13

လၢတၢ်န့ၣ်အဃိ, စီၤၡလိၤမိၤဟးထီၣ်ကွံာ်ဖဲတၢ်ဘူၣ်ထီၣ်ဘါ ထီၣ်ယွၤအလီၢ်လၢဝ့ၢ်ကံးဘိၣ်, ဖဲယွၤအဒဲစီဆှံလၢယွၤအိၣ်ဝဲ ဆိးဝဲန့ၣ်, ဒီးဟဲက့ၤကဒါက့ၤဆူဝ့ၢ်ယရူၤၡလ့ၣ်န့ၣ်လီၤ. ဖဲန့ၣ်အဝဲပၢတၢ်လၢအံၣ်စရ့လးအဖီခိၣ်န့ၣ်လီၤ.