လံာ်ကွဲးနီၣ်တၢ်အခီၣ်ထံးတဘ့ၣ် 16:31 - Sgaw Karen Common Bible

³¹ ဟီၣ်ခိၣ်ဒီးမူကပိာ်လိၤဧၢ, သူၣ်ဖှံသးညီတက့ၢ်. တဲဘၣ်ပှၤကလုာ်တဖၣ်လၢယွၤမ့ၢ်စီၤပၤတက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 16:31 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 16:30

ကနိးကစုာ်လၢအမဲာ်ညါ, ကယဲၢ်ပှၤဟီၣ်ခိၣ်ဖိခဲလၢာ်သ့ၣ်ဧၢ, ဟီၣ်ခိၣ်န့ၣ်ဘၣ်တၢ်ပာ်လီၤအီၤဂၢၢ်ဂၢၢ်ကျၢၤကျၢၤလၢအလီၢ်ဒၣ်ဝဲ ဒီးတၢ်မၤဟူးမၤဝးအီၤတသ့ဘၣ်.

စံးထီၣ်ပတြၢၤ 145:1

ယကစၢ်ယွၤဒီးယစီၤပၤဧၢ, ယကပာ်ထီၣ်ထီနၤဒီးစံးထီၣ်ပတြၢၤနမံၤ လီၤစိၤလီၤထီန့ၣ်လီၤ.

စံးထီၣ်ပတြၢၤ 19:1

မူခိၣ်လီၣ်ဖျါထီၣ်ကစၢ်ယွၤအလၤကပီၤ, ဒီးမူကပိာ်လိၤပာ်ဖျါ အစုအတၢ်ဖံးတၢ်မၤန့ၣ်လီၤ.

စံးထီၣ်ပတြၢၤ 47:8

ကစၢ်ယွၤဆ့ၣ်နီၤလၢအလီၢ်ပစိာ်စီဆှံအဖီခိၣ်ဒီး, အဝဲပၢဝဲပှၤကလုာ်တဖၣ်န့ၣ်လီၤ.

စံးထီၣ်ပတြၢၤ 89:5

ယွၤဧၢ, မ်မူခိၣ်စံးထီၣ်ပတြၢၤနတၢ်မၤလီၤလးဒီး နတၢ်သူၣ်တီသးလိၤလၢ ပှၤစီဆှံအတၢ်အိၣ်ဖှိၣ်ရိဖှိၣ်အပူၤတက့ၢ်.

စံးထီၣ်ပတြၢၤ 96:10

စံးဘၣ်ပှၤကလုာ်ခဲလၢာ် “ယွၤမ့ၢ်စီၤပၤလီၤ. ဟီၣ်ခိၣ်ဘၣ်တၢ်ပာ်လီၤဂၢၢ်ကျၢၤအီၤလၢ အလီၢ်ဒၣ်ဝဲအပူၤ ဒီးတၢ်မၤဟူးဝးအီၤတသ့ဘၣ်. အဝဲကစံၣ်ညီၣ်ပှၤဂီၢ်မုၢ်လၢတၢ်စံၣ်ညီၣ်တီလီၤ.”

စံးထီၣ်ပတြၢၤ 97:1

ယွၤမ့ၢ်စီၤပၤ, မ်ဟီၣ်ခိၣ်သူၣ်ဖှံသးညီတက့ၢ်. မ်ကီးတဖၣ်သူၣ်ခုသးခုတက့ၢ်.

စံးထီၣ်ပတြၢၤ 98:4

ပှၤဟီၣ်ခိၣ်ဖိခဲလၢာ်သ့ၣ်ဧၢ, သးဝံၣ်ထီၣ်ယွၤလၢတၢ်သးခု, စံးထီၣ်ပတြၢၤအီၤလၢတၢ်သးဝံၣ် ဒီးကိးထီၣ်အီၤလၢတၢ်သူၣ်ဖှံသးညီန့ၣ်တက့ၢ်.

စံးထီၣ်ပတြၢၤ 99:1

ယွၤပၢတၢ်, မ်ပှၤကလုာ်တဖၣ်ကနိးကစုာ်တက့ၢ်. အဝဲဆ့ၣ်နီၤပၢတၢ်လၢခ့ရူာ်တဖၣ်အဖီခိၣ်, မ်ဟီၣ်ခိၣ်ဟူးဝးတက့ၢ်.

လံာ်ယၡါယၤ 33:22

ယၢ်ထူၣ်ခဲလၢာ်လၢကဘီတဖၣ်န့ၣ်အလိၤတၢ်သူအီၤ တသ့လၢၤဘၣ်. ယၢ်လၣ်တဖၣ်တၢ်သလၣ်ထီၣ်အီၤတန့ၢ်လၢၤဘၣ်. ပကဂုာ်ဟံးန့ၢ်ဒုၣ်ဒါအသုးမုၢ်တဖၣ်အတၢ်ထူးတၢ်တီၤခဲလၢာ်, ဒီးတၢ်ကအိၣ်အါဝဲဂီၢ်ဝဲတုၤပှၤစုတဆူၣ်အခီၣ်တဂ့ၤတဖၣ်ဒၣ်လဲာ် မၤန့ၢ်တၢ်နီၤဟ့ၣ်တမံၤလၢအဝဲသ့ၣ်အဂီၢ်ကသ့ဝဲလီၤ.

လံာ်ယၡါယၤ 44:23

ကိးထီၣ်လၢတၢ်သးခုတက့ၢ်, သုဝဲမူခိၣ်မူကပိာ်လိၤသ့ၣ်တဖၣ်ဧၢ, ကိးထီၣ်, ဟီၣ်ခိၣ်အလီၢ်လၢအယိာ်တဖၣ်ဧၢ, ကိးထီၣ်လၢတၢ်သးခုတက့ၢ်, ကစၢၢ်သ့ၣ်တဖၣ်ဒီးသ့ၣ်ထူၣ်ကိးထူၣ်ဒဲးလၢသ့ၣ်ဒိၣ်ပှၢ်တီၣ်ပူၤသ့ၣ်ဧၢ, ယွၤဒုးနဲၣ်အတၢ်ဒိၣ်တၢ်မုၢ်ခီဖျိတၢ်အုၣ်က့ၤခီၣ်က့ၤ အပှၤဂီၢ်မုၢ်အံၣ်စရ့လးလီၤ.

လံာ်ယၡါယၤ 49:13

မူခိၣ်မူကပိာ်လိၤဧၢ, သးဝံၣ်ထီၣ်တက့ၢ်. ကိးပသူထီၣ်လၢတၢ်သးခုအဂ့ၢ်တက့ၢ်. မ်ကစၢၢ်တဖၣ်သီၣ်ပုာ်ထီၣ်လၢတၢ်သးဝံၣ်တက့ၢ်. ယွၤကမၤမုာ်မၤခုၣ်အပှၤဂီၢ်မုၢ်အသးလီၤ. အဝဲကအိၣ်ဒီးတၢ်သးကညီၤဘၣ်အပှၤဂီၢ်မုၢ်လၢအဘၣ်တူၢ်ဘၣ်တၢ် တဖၣ်န့ၣ်လီၤ.

လံာ်မးသဲ 6:13

သုတဒုးလဲၤနုာ်ပှၤဆူတၢ်လ့ပစီအပူၤတဂ့ၤ. မ့မ့ၢ်ထုးထီၣ်ဖျဲးကွံာ်ပှၤလၢတၢ်အၢတၢ်သီအပူၤတက့ၢ်. (အဂ့ၢ်ဒ်အံၤ, ဘီမုၢ်, တၢ်စိတၢ်ကမီၤဒီး တၢ်လၤကပီၤန့ၣ်မ့ၢ်နတၢ်အစိၤစိၤအဃၣ်ဃၣ်လီၤ. အၤမ့ၣ်)’

လံာ်လူၤကၣ် 15:10

ဒ်န့ၣ်အသိးယစံးဘၣ်တဲဘၣ်သု, ကစၢ်ယွၤအကလူးတဖၣ်သူၣ်ခု သးခုလၢပှၤတၢ်ဒဲးဘးဖိတဂၤလၢအပီၢ်ယၢ်လီၤက့ၤအသး အဃိန့ၣ်လီၤ.”

လံာ်လူၤကၣ် 2:10

ဘၣ်ဆၣ်ဒီးကလူးန့ၣ်စံးဘၣ်အီၤ, “ပျံၤတၢ်တဂ့ၤ. ယဟဲဖဲအံၤ, အိၣ်ဒီးတၢ်ကစီၣ်အမုာ်လၢသုဂီၢ်, လၢအကဟဲစိာ်တၢ်သးခုအဒိၣ်အအါလၢပှၤကိးကလုာ်ဒဲး အဂီၢ်လီၤ.

လံာ်လီၣ်ဖျါ 19:6

တုၤနုၤတစုယနၢ်ဟူတၢ်လၢအသီၣ်လီၤဂာ်ဒ်ပှၤဂီၢ်မုၢ်အကလုၢ်, ဒ်ထံလီၤဆူသီၣ်ရုၢ်ရုၢ်အသိး, ဒ်လီသီၣ်သထြူးအသိးန့ၣ်လီၤ. ယနၢ်ဟူအဝဲသ့ၣ်စံးဝဲ, “စံးထီၣ်ပတြၢၤယွၤတက့ၢ်. အဂ့ၢ်ဒ်အံၤ, ကစၢ်, ပကစၢ်ယွၤလၢအသ့တၢ်လၢာ်န့ၣ်မ့ၢ်ဝဲစီၤပၤလီၤ.