လံာ်ကွဲးနီၣ်တၢ်အခီၣ်ထံးတဘ့ၣ် 16:28 - Sgaw Karen Common Bible

²⁸ ကယဲၢ်ပှၤဂီၢ်မုၢ်လၢဟီၣ်ခိၣ်ချၢခဲလၢာ်သ့ၣ်ဧၢ, စံးထီၣ်ပတြၢၤယွၤတက့ၢ်. စံးထီၣ်ပတြၢၤအလၤကပီၤဒီးအတၢ်ဒိၣ်တၢ်မုၢ်တက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 16:28 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 16:27

တၢ်လၤကပီၤဒီးတၢ်ကဟုကညီၢ်အိၣ်ဝးတရံးအီၤ, တၢ်စိကမီၤဒီးတၢ်သူၣ်ခုသးခုမၤပှဲၤအတၢ်လုၢ်ဟံၣ် န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:29

စံးထီၣ်ပတြၢၤယွၤအမံၤစီဆှံ, ဟဲစိာ်တၢ်မၤဘူၣ်တမံၤဒီးဟဲနုာ် ဆူအတၢ်လုၢ်ဟံၣ်တက့ၢ်. တီၤလီၤလၢတၢ်စီဆှံတဂၤအမဲာ်ညါ ဖဲအဝဲအိၣ်ဖျါထီၣ်ဝဲန့ၣ်,

စံးထီၣ်ပတြၢၤ 67:4

မ်ပှၤကလုာ်တဖၣ်သူၣ်ခုသးခု, ဒီးသးဝံၣ်တၢ်လၢတၢ်သူၣ်ဖှံသးညီန့ၣ်တက့ၢ်. အဂ့ၢ်ဒ်အံၤ, နစံၣ်ညီၣ်ပှၤဂီၢ်မုၢ်လၢတၢ်တီတၢ်လိၤ, ဒီးဆှၢပှၤကလုာ်ခဲလၢာ်လၢဟီၣ်ခိၣ်ချၢလီၤ. စ့လၤ

စံးထီၣ်ပတြၢၤ 67:7

ကစၢ်ယွၤဆိၣ်ဂ့ၤတ့ၢ်လံပှၤလံ. မ်ပှၤခဲလၢာ်လၢတၢ်လီၢ်ကိးပူၤဒဲးပျံၤအီၤတက့ၢ်.

စံးထီၣ်ပတြၢၤ 68:34

ဒုးဟူထီၣ်သါလီၤကစၢ်ယွၤအစိကမီၤ, အလၤကပီၤလၢအံၣ်စရ့လးအဖီခိၣ်, အတၢ်ဂံၢ်ဆူၣ်ဘါဆူၣ်လၢ အအိၣ်လၢမူကပိာ်လိၤန့ၣ်တက့ၢ်.

စံးထီၣ်ပတြၢၤ 96:7

ပှၤဂီၢ်မုၢ်လၢဟီၣ်ခိၣ်ချၢခဲလၢာ်သ့ၣ်ဧၢ, စံးထီၣ်ပတြၢၤယွၤတက့ၢ်. စံးထီၣ်ပတြၢၤအလၤကပီၤ ဒီးအတၢ်စိတၢ်ကမီၤန့ၣ်တက့ၢ်.

စံးထီၣ်ပတြၢၤ 98:4

ပှၤဟီၣ်ခိၣ်ဖိခဲလၢာ်သ့ၣ်ဧၢ, သးဝံၣ်ထီၣ်ယွၤလၢတၢ်သးခု, စံးထီၣ်ပတြၢၤအီၤလၢတၢ်သးဝံၣ် ဒီးကိးထီၣ်အီၤလၢတၢ်သူၣ်ဖှံသးညီန့ၣ်တက့ၢ်.

လံာ်ယၡါယၤ 11:10

မုၢ်တနံၤကဟဲဝဲဖဲစီၤပၤအသီလၢအဟဲလီၤစၢၤလီၤသွဲၣ်လၢစီၤပၤဒၤဝံးကအိၣ်ထီၣ်ဝဲဒီးကမ့ၢ်တၢ်ပနီၣ်လၢပှၤကလုာ်တဖၣ်အဂီၢ် န့ၣ်လီၤ. အဝဲသ့ၣ်ကပာ်ဖှိၣ်အသးလၢအစီၤပၤအဝ့ၢ်ဒီးကဟ့ၣ် အီၤတၢ်လၤကပီၤန့ၣ်လီၤ.

1 ကရံၣ်သူး 15:10

ဘၣ်ဆၣ်ဒီးခီဖျိကစၢ်ယွၤအဘျုးန့ၣ်, ယမ့ၢ်တၢ်လၢယမ့ၢ်ဒီးတၢ်ဘျုးတၢ်ဖှိၣ်လၢအဝဲဒၣ်ဟ့ၣ်တ့ၢ်ယၤန့ၣ် တကဲတၢ်ကလီကလီဘၣ်. မ့မ့ၢ်ယဖံးမၤတ့ၢ်တၢ်ဆူၣ်န့ၢ်ပှၤတၢ်မၢဖိအဂၤတဖၣ်ခဲလၢာ်လီၤ. ဘၣ်ဆၣ်ဒီးတမ့ၢ်ယတၢ်မၤဒၣ်ယဲနီၢ်နီၢ်ဘၣ်, မ့မ့ၢ်တခီမ့ၢ်ဝဲယွၤအဘျုးအဖှိၣ်ဖံးမၤတၢ်ဒီးယၤလီၤ.

အ့းဖ့းစူး 1:6

မ်ပစံးထီၣ်ပတြၢၤယွၤလၢအဘျုးအဖှိၣ်လၢအအိၣ်ဒီးအလၤ ကပီၤ, လၢအဟ့ၣ်လီၤကလီန့ၢ်ပှၤခီဖျိအဖိခွါသးဘိအဃိ န့ၣ်တက့ၢ်.

ဖံလံးပံၤ 4:13

ယအိၣ်ဒီးတၢ်ဂံၢ်တၢ်ဘါလၢယကကွၢ်ဆၢၣ်မဲာ်တၢ်မၤ အသးခဲလၢာ်လၢတၢ်စိကမီၤလၢခရံာ်ဟ့ၣ်လီၤယၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:5

သုကဘၣ်မၤတၢ်ဂီၤသိအသးတၢ်အချံထီၣ်ဒီးညိးဒီးယုၢ်ဖိ လၢအမၤဟးဂီၤသုကီၢ်ဒီးသုကဘၣ်ဟ့ၣ်တၢ်လၤကပီၤဆူ ကီၢ်အံၣ်စရ့လးအကစၢ်ယွၤအအိၣ်န့ၣ်လီၤ. ဘၣ်သ့ၣ်သ့ၣ်အဝဲကဆိကတီၢ်တၢ်စံၣ်ညီၣ်သု, သုကစၢ်တဖၣ်ဒီးသုကီၢ်လီၤ.