လံာ်ကွဲးနီၣ်တၢ်အခီၣ်ထံးတဘ့ၣ် 15:28 - Sgaw Karen Common Bible

²⁸ အန့ၣ်ဒီးကယဲၢ်ပှၤအံၣ်စရ့လးဖိခဲလၢာ်ပိာ်ထီၣ်တၢ်အၢၣ်လီၤအီ လီၤတလါစီဆှံအခံဆူဝ့ၢ်ယရူၤၡလ့ၣ်အိၣ်ဃုာ်ဒီးတၢ်သူၣ်ခု သးခုအကိးပသူအသီၣ်တဖၣ်, ကွဲၤတဖၣ်, တနွဲတဖၣ်, ဒီးစှၢၢ်စှံးတဖၣ်အသီၣ်ဒီးသီတူၢ်တဖၣ်အတၢ်သးဝံၣ်အသီၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:28 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 6:15

မၤသးဒ်န့ၣ်ဒီးအဝဲဒီးကယဲၢ်ပှၤအံၣ်စရ့လးဖိခဲလၢာ် က့ၤစိာ်ထီၣ်ယွၤအတၢ်အၢၣ်လီၤအီလီၤအတလါစီဆှံဆူဝ့ၢ်ယရူၤရှလ့ၣ်အိၣ် ဒီးတၢ်သူၣ်ခုသးခုအတၢ်ကိးပသူထီၣ်ဒီးကွဲၤတဖၣ်အသီၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 6:5

စီၤဒၤဝံးဒီးကယဲၢ်ပှၤအံၣ်စရ့လးဖိတဖၣ်ဂဲၤကလံာ် ဒီးသူၣ်ဝံၣ်သးဆၢလၢာ်ဂံၢ်လၢာ်ဘါဒ်သိးကမၤလၤကပီၤယွၤအဂီၢ်န့ၣ်လီၤ. အဝဲသ့ၣ်ဒ့တနၢ်တဖၣ်, သီတူၢ်တဖၣ်, ဒၢတဖၣ်, ပှ့ၤသၣ်တဖၣ်, ဒီးစှၢၢ်စှံးတဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 13:8

စီၤဧူးစးဒီးစီၤအဃံယိၤဆှၢလ့ၣ်ကဟၣ်ဖဲစီၤဒၤဝံးဒီး ကယဲၢ်အံၣ်စရ့လးအပှၤဂီၢ်မုၢ်ခဲလၢာ်, ဂဲၤကလံာ်လၢအဂံၢ်အဘါခဲလၢာ်လၢကမၤလၤကပီၤကစၢ်ယွၤန့ၣ်လီၤ. အဝဲသ့ၣ်သးဝံၣ်တၢ်အိၣ်ဒီးတၢ်ဒ့တၢ်အူအပီးအလီတဖၣ်လၢအမ့ၢ်, သီတူၢ်တဖၣ်, ဒၢတဖၣ်, စှၢၢ်စှံးတဖၣ်ဒီးကွဲၤတဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:16

စီၤဒၤဝံးမၤလိာ်ပှၤလ့ၤဝံဖိအခိၣ်အနၢ်တဖၣ်လၢကဟ့ၣ်မူဟ့ၣ် ဒါပှၤလ့ၤဝံဖိတဖၣ်ဒ်သိးကသးဝံၣ်တၢ်အိၣ်ဒီးတၢ်ဒ့တၢ်အူ အပီးအလီ အကလုာ်ကလုာ်လၢအမ့ၢ်သီတူၢ်တဖၣ်တနၢ်တဖၣ်ဒီးစှၢၢ်စှံး တဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:24

ပှၤလုၢ်တၢ်အခိၣ်တဖၣ်လၢအမ့ၢ်ဝဲစီၤၡဘၤနယၤ, စီၤယဟိၡၤဖး, စီၤနၤသန့လး, စီၤဧမၤစဲ, စီၤစကၤရယါ, စီၤဘနါယၤဒီးစီၤ အလၤဧစၢ်တဖၣ်ဘၣ်တၢ်ဃုထၢအီၤလၢကအူကွဲၤတဖၣ်လၢတၢ်အၢၣ်လီၤအီ လီၤအတလါအမဲာ်ညါန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:27

စီၤဒၤဝံးသိးဆ့ကၤဖးထီတဘ့ၣ်လၢတၢ်ဆးအီၤလၢဖှီဝါကဆှၣ် အဂ့ၤကတၢၢ်, ဒီးပှၤသးဝံၣ်တၢ်ဖိတဖၣ်, ဒီးအဝဲသ့ၣ်အပှၤအခိၣ်စီၤကနၤနယၤဒီးပှၤလ့ၤဝံဖိတဖၣ်လၢအစိာ် တလါစီဆှံသိးစ့ၢ်ကီးဆ့ဒ်န့ၣ်တဖၣ်လီၤ. စီၤဒၤဝံးသိးစ့ၢ်ကီးဝဲအ့ဖိးဖှီဝါကဆှၣ်တဘ့ၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:29

ဖဲတလါစီဆှံဘၣ်တၢ်ဟဲစိာ်အီၤဆူဝ့ၢ်ပူၤန့ၣ်, စီၤစီလူးအဖိမုၣ်နီၢ်မံကၤလးကွၢ်လီၤတၢ်လၢပဲတြီဖိအပူၤ ဒီးထံၣ်ဘၣ်စီၤဒၤဝံးဂဲၤကလံာ်ပၢ်ကဝ့ၤလၢတၢ်သူၣ်ခုသးခု ပူၤအဃိ, အဝဲတပာ်လုၢ်ပာ်ပှ့ၤလၢၤအီၤလၢအသးကံၢ်ပူၤဘၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 25:1

စီၤပၤဒၤဝံးဒီးပှၤလ့ၤဝံဖိအခိၣ်အနၢ်တဖၣ်ဃုထၢထီၣ်ဝဲပှၤ လ့ၤဝံဖိစီၤအၤစာ်, စီၤဟ့မၣ်ဒီးစီၤယဒူသူၣ်အဒူၣ်ထၢတဖၣ် အပှၤခိၣ်ပှၤနၢ်တဖၣ်ဒ်သိးကဆှၢတၢ်ဘူၣ်ထီၣ်ဘါထီၣ်အတၢ်မၤတဖၣ် န့ၣ်လီၤ. အဝဲသ့ၣ်ကဘၣ်ဒုးဟူထီသါလီၤကစၢ်ယွၤအတၢ်ကစီၣ်တဖၣ် အိၣ်ဒီးစှၢၣ်စှံးဒီးသီတူၢ်အတၢ်သူၣ်ဝံၣ်သးဆၢတဖၣ်န့ၣ်လီၤ. အအံၤမ့ၢ်ပှၤဘၣ်တၢ်ဃုထၢဒ်အတၢ်မၤဒၣ်ဝဲအကလုာ်တဖၣ် အတၢ်ကွဲးနီၣ်ကွဲးဃါလၢကဆှၢတၢ်ဘူၣ်ထီၣ်ဘါထီၣ်ယွၤန့ၣ်လီၤ.

လံာ်စီၤနဃ့မယၤ 12:27

တုၤဝ့ၢ်ယရူၤၡလ့ၣ်အဝ့ၢ်ခိၣ်ဒူဘၣ်တၢ်ပာ်စီဆှံထီၣ်အီၤန့ၣ်ပှၤ လ့ၤဝံဖိတဖၣ်အံၤဘၣ်တၢ်ဟဲကိးအီၤလၢအအိၣ်ဝဲဆိးဝဲ အလီၢ်ဒ်သိးအဝဲသ့ၣ်ကမၤဃုာ်တၢ်လၢတၢ်ပာ်စီဆှံတၢ်လုၢ်ဟံၣ် အပူၤခီဖျိတၢ်သးဝံၣ်စံးဘျုးစံးဖှိၣ်တဖၣ်, လၢအအိၣ်ဒီးစှၢၣ်စှံးဒီးသီတူၢ်န့ၣ်လီၤ.

စံးထီၣ်ပတြၢၤ 47:6

သးဝံၣ်စံးထီၣ်ပတြၢၤကစၢ်ယွၤ, သးဝံၣ်စံးထီၣ်ပတြၢၤပစီၤပၤတက့ၢ်.

စံးထီၣ်ပတြၢၤ 68:25

ပှၤသးဝံၣ်တၢ်ဖိလဲၤလၢညါ, ပှၤဒ့တၢ်ဖိလဲၤလၢခံ ဒီးလၢအဘၢၣ်စၢၤန့ၣ် ပှၤမုၣ်ကနီၤတဖၣ်လၢအပှီၢ်ဒၢတဖၣ်န့ၣ်လီၤ.