လံာ်ကွဲးနီၣ်တၢ်အခီၣ်ထံးတဘ့ၣ် 15:25 - Sgaw Karen Common Bible

²⁵ လၢတၢ်န့ၣ်အဃိစီၤပၤဒၤဝံး, ပှၤအံၣ်စရ့လးဖိအခိၣ်အနၢ်တဖၣ် ဒီးပှၤသုးဖိအခိၣ်တဖၣ်လဲၤဝဲဆူစီၤဧိၤဘ့းအ့ဒိၣ်အဟံၣ်လၢ တၢ်ဟံးန့ၢ်က့ၤတၢ်အၢၣ်လီၤအီလီၤအတလါအဂီၢ်ဒီးအဝဲသ့ၣ်အိၣ် ဒီးတၢ်သူၣ်ဖှံသးညီအမူးဖးဒိၣ်တမူးလီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:25 Iomraidhean Croise

လံာ်စီၤပၤအခီၣ်ထံးတဘ့ၣ် 8:1

ဒီးစီၤပၤၡလိၤမိၤဒုးအိၣ်ဖှိၣ်ရိဖှိၣ်ကယဲၢ်ပှၤအံၣ်စရ့လး ဖိအဒူၣ်တဖၣ်ဒီးအဒူၣ်ထၢတဖၣ်, အခိၣ်အနၢ်တဖၣ်ဒ်သိးကဟဲဆူအဝဲအအိၣ်လၢဝ့ၢ်ယရူၤၡလ့ၣ်အပူၤ, လၢကဟဲစိာ်ယွၤအတၢ်အၢၣ်လီၤအီလီၤအတလါလၢဝ့ၢ်စံယိၣ်, စီၤဒၤဝံးအဝ့ၢ်ဆူယွၤအတၢ်လုၢ်ဟံၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 1:4

ဘၣ်ဆၣ်ဒီးယွၤအတၢ်အၢၣ်လီၤအီလီၤအတလါစီဆှံအိၣ်လံလၢဝ့ၢ် ယရူၤရှလ့ၣ်အပူၤ, ဒီးဘၣ်တၢ်ပာ်အီၤလၢဒဲတဖျၢၣ်အပူၤ, ဒဲလၢစီၤပၤဒၤဝံးသူၣ် ထီၣ်တ့ၢ်ဝဲဖဲအဝဲဟဲက့ၤစိာ်က့ၤတလါစီဆှံန့ၣ်လၢဝ့ၢ်ကံး ရယးယဧၢရံၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 5:2

အန့ၣ်ဝံၤဒီး, စီၤပၤၡလိၤမိၤကိးဖှိၣ်ကယဲၢ်ပှၤခိၣ်ပှၤနၢ်တဖၣ် လၢအံၣ်စရ့လးအဒူၣ်တဖၣ်ဒီးဒူၣ်ထၢတဖၣ်အပူၤလၢကဟဲပာ်ဖှိၣ်ထီၣ်အသးလၢဝ့ၢ်ယရူၤၡလ့ၣ်အပူၤ, ဒ်သိးကလဲၤဟံးန့ၢ်ယွၤအတၢ်အၢၣ်လီၤအီလီၤအတလါလၢစံယိၣ်, စီၤဒၤဝံးအဝ့ၢ်, ဒီးဟဲက့ၤစိာ်အီၤဆူယွၤအတၢ်လုၢ်ဟံၣ်ပူၤ အဂီၢ်န့ၣ်လီၤ.

လံာ်စီၤဧ့စြၤ 6:16

အန့ၣ်ဒီးပှၤအံၣ်စရ့လးဖိလၢအမ့ၢ်, ပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်, ဒီးကယဲၢ်ပှၤအဂၤလၢအဟဲက့ၤလၢတၢ်စိာ်မၢ ကဲကုၢ်အလီၢ်န့ၣ်, ပာ်စီဆှံတၢ်လုၢ်ဟံၣ်လၢတၢ်သူၣ်ခု သးခုအပူၤန့ၣ်လီၤ.

လံာ်မံကၤ 5:2

ယွၤစံးဝဲဒၣ်, “ဘ့ၤသလ့ဃ့ၣ်အ့ဖရၤသးဧၢ, နမ့ၢ်ဝ့ၢ်အဆံးကတၢၢ်တဖၣ်အကျါတဝ့ၢ်လၢကီၢ်ယူဒၤအပူၤလီၤ. ဘၣ်ဆၣ်ယကဒုးဟဲထီၣ်ပှၤပၢတၢ်တဂၤလၢကီၢ်အံၣ်စရ့လးအဂီၢ်လၢ နပူၤလီၤ. အဝဲအဒူၣ်ဖိထၢဖိအခီၣ်ထံးခီၣ်ဘိန့ၣ်မ့ၢ်တၢ်လၢပျၢၤလၢကစၢၤ လံၤလံၤန့ၣ်လီၤ”.

လံာ်တၢ်ဂံၢ် 31:14

စီၤမိၤၡ့သးဒိၣ်ထီၣ်ပှၤခိၣ်ပှၤနၢ်တဖၣ်, သုးခိၣ်သုးနၢ်တဖၣ် လၢအပၢဆှၢသုးမုၢ်အကထိတဖၣ်ဒီးအကရူၢ်တဖၣ်, လၢအဟဲက့ၤကဒါက့ၤလၢတၢ်ဒုးပျီပူၤန့ၣ်လီၤ.

လံာ်သိၣ်လီၤသီလီၤတၢ် 1:15

မၤသးဒ်န့ၣ်ဒီး, ယဟံးန့ၢ်ပှၤကူၣ်တၢ်သ့ဒီးခိၣ်နၢ်တဖၣ်လၢအတၢ် လဲၤခီဖျိအါဝဲလၢသုဃုထၢထီၣ်အီၤလၢသုဒူၣ်တဖၣ်အကျါ, ဒီးယပာ်ထီၣ်အဝဲသ့ၣ်ဒ်သုခိၣ်သုနၢ်အသိးန့ၣ်လီၤ. ပှၤတနီၤအမူအဒါအိၣ်ဝဲလၢပှၤတကထိအဖီခိၣ်, တနီၤလၢပှၤတကယၤအဖီခိၣ်, တနီၤလၢပှၤယဲၢ်ဆံအဖီခိၣ်, ဒီးတနီၤလၢပှၤတဆံအဖီခိၣ်အဂီၢ်န့ၣ်လီၤ. ယဃုထၢပာ်လီၤစ့ၢ် ကီးပှၤခိၣ်ပှၤနၢ်အဂၤတဖၣ်လၢပှၤအဒူၣ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 12:18

သုဝဲဒၣ်ဒီးသုဖိတဖၣ်, ဃုာ်ဒီးသုကုၢ်သုပှၤတဖၣ်ဒီးပှၤလ့ၤ ဝံဖိတဖၣ်လၢအအိၣ်ဆိးလၢသုဝ့ၢ်တဖၣ်အပူၤန့ၣ်ကဘၣ်အီၣ်တၢ်လုၢ်တဖၣ် အံၤထဲဒၣ်လၢယွၤသုကစၢ်ယွၤအမဲာ်ညါလၢတၢ်ဘူၣ်ထီၣ်ဘါထီၣ် အလီၢ်တတီၤလၢအဘၣ်တၢ်ဃုထၢအီၤလၢယွၤသုကစၢ်ယွၤန့ၣ်လီၤ. ဒီးသုကဘၣ်သူၣ်ဖှံသးညီဖဲန့ၣ်လၢကယဲၢ်တၢ်လၢသုမၤတ့ၢ်အီၤ အဃိန့ၣ်လီၤ.

လံာ်သိၣ်လီၤသီလီၤတၢ် 12:7

ဖဲန့ၣ်, လၢယွၤသုကစၢ်ယွၤလၢအဆိၣ်ဂ့ၤသုအမဲာ်ညါန့ၣ်, သုဝဲဒီးသုပှၤဟံၣ်ဖိဃီဖိတဖၣ်ကအီၣ်တၢ်ဒီးမုာ်လၤသးခုလၢ ကယဲၢ်တၢ်ဂ့ၤတဖၣ်လၢသုမၤတ့ၢ်အီၤအဃိန့ၣ်လီၤ.

လံာ်သိၣ်လီၤသီလီၤတၢ် 16:11

သူၣ်ခုသးခုလၢအမဲာ်ညါ, ဃုာ်ဒီးသုဖိတဖၣ်, သုကုၢ်သုပှၤတဖၣ်ဒီးပှၤလ့ၤဝံဖိတဖၣ်, ပှၤတခီဘီမုၢ်ဖိတ ဖၣ်, ပှၤဖိၣ်ဃဲတဖၣ်, ဒီးပှၤမုၣ်ကမဲတဖၣ်လၢအအိၣ်ဆိးလၢသုဝ့ၢ်တဖၣ်ပူၤန့ၣ်တက့ၢ်. မၤတၢ်အံၤဖဲတၢ်ဘူၣ်ထီၣ်ဘါထီၣ်အလီၢ်တတီၤန့ၣ်တက့ၢ်.

လံာ်သိၣ်လီၤသီလီၤတၢ် 16:15

မၤလၤကပီၤယွၤသုကစၢ်ယွၤခီဖျိတၢ်မၤဘူၣ်အံၤလၢနွံသီ အတီၢ်ပူၤဖဲတၢ်ဘူၣ်ထီၣ်ဘါထီၣ်အလီၢ်တတီၤတက့ၢ်. သူၣ်ခုသးခုတက့ၢ်. အဂ့ၢ်ဒ်အံၤ, ယွၤဆိၣ်ဂ့ၤတ့ၢ်သုတၢ်ကူး က့ၤဒီးသုတၢ်မၤန့ၣ်လီၤ.

ဖံလံးပံၤ 3:3

ပှၤလၢအဒိးတ့ၢ်တၢ်ကူးတရံးနီၢ်နီၢ်န့ၣ်မ့ၢ်ပဝဲသ့ၣ်တဖၣ်လီၤ. တမ့ၢ်အဝဲသ့ၣ်ဘၣ်. အဂ့ၢ်ဒ်အံၤ, ပဘူၣ်ထီၣ်ဘါထီၣ်ကစၢ်ယွၤခီဖျိယွၤအသးဒီးပသူၣ်ခုသးခုလၢ ပအိၣ်မူပဝဲလၢယ့ၣ်ၡူးခရံာ်အပူၤအဃိန့ၣ်လီၤ. ပတပာ်ပတၢ်နာ်လၢတၢ်အလုၢ်အလၢ်လၢအအိၣ်ဖျါလၢခိတဖၣ်န့ၣ် အလိၤနီတစဲးဘၣ်.

ဖံလံးပံၤ 4:4

မ်သုသးခုလၢကစၢ်အပူၤထီဘိတက့ၢ်. ယစံးကဒီးသးခုတက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 10:19

ယမ့ၢ်သုကစၢ်ယွၤ, ပှၤတဂၤလၢအအုၣ်က့ၤခီၣ်က့ၤသုလၢကယဲၢ်သုတၢ်ကိၢ်တၢ်ဂီၤဒီး တၢ်ကီတၢ်ခဲတဖၣ်အပူၤန့ၣ်လီၤ. ဘၣ်ဆၣ်တနံၤအံၤသုညိကွံာ်ယၤဒီးဃ့တ့ၢ်ယၤလၢယကဟ့ၣ်သု စီၤပၤတဂၤလီၤ. ဂ့ၤလံ. မ့မ့ၢ်ဒ်န့ၣ်ဒီး, ပာ်ဖှိၣ်ထီၣ်သုသး လၢယွၤအမဲာ်ညါဒ်ဒူၣ်, တဒူၣ်ဘၣ်တဒူၣ်ဒီးဒူၣ်ထၢတဒူၣ်တထၢဘၣ် တဒူၣ်တထၢအသိးတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 22:7

ဒီးအဝဲစံးဘၣ်အသုးနၢ်တဖၣ်, “ဒိကနၣ်တၢ်တက့ၢ်, စီၤဘံၣ်ယၤမံၣ်အပှၤကညီဧၢ, မ့ၢ်သုဆိကမိၣ်လၢစီၤဒၤဝံး ကဟ့ၣ်စံၣ်ပျီဒီးစပံးအလီၢ်တဖၣ် ဆူသုဝဲခဲလၢာ်အအိၣ်ဒီးဒုးကဲသု လၢသုးခိၣ်သုးနၢ်လၢအသုးမုၢ်ပူၤန့ၣ်ဧါ.

လံာ်စီၤၡမူၤအ့လးအခီၣ်ထံးတဘ့ၣ် 8:12

အဝဲကဒုးကဲထီၣ်အီၤတနီၤလၢပှၤအဂၤတကထိအခိၣ်ဒီးတနီၤလၢပှၤ အဂၤယဲၢ်ဆံအခိၣ်လီၤ. သုဖိခွါတဖၣ်ကဘၣ်ထူန့ၢ်အဝဲအစံာ်တဖၣ်, ကူးန့ၢ်က့ၤအဘုဧိၤဟုဧိၤ, ဒီးဘှီန့ၢ်အစုကဝဲၤဒီးတၢ်အပီးအလီလၢအလ့ၣ်ကဟၣ်ဒုးသုးတဖၣ် အဂီၢ်န့ၣ်လီၤ.