လံာ်ကွဲးနီၣ်တၢ်အခီၣ်ထံးတဘ့ၣ် 15:15 - Sgaw Karen Common Bible

¹⁵ ပှၤလ့ၤဝံဖိတဖၣ်ယိးတလါန့ၣ်လၢနီၣ်ယိးဘိအလိၤလၢအဖံဘၣ် ခိၣ်ဒ်ယွၤမၤလိာ်တ့ၢ်ဝဲခီဖျိစီၤမိၤၡ့အသိးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:15 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 6:12

စီၤပၤစီၤဒၤဝံးနၢ်ဟူဘၣ်ဝဲလၢ, မ့ၢ်လၢယွၤအတၢ်အၢၣ်လီၤအီ လီၤအတလါစီဆှံအဃိ, ယွၤဆိၣ်ဂ့ၤစီၤဧိၤဘ့းအ့ဒိၣ်အဟံၣ်ဖိဃီဖိဒီး ကယဲၢ်တၢ်အိၣ်ဒီးအီၤခဲလၢာ်န့ၣ်လီၤ. လၢတၢ်န့ၣ်အဃိအဝဲစိာ်ထီၣ်ယွၤအတၢ်အၢၣ်လီၤအီလီၤအတလါစီဆှံ လၢစီၤဧိၤဘ့းအ့ဒိၣ်အဟံၣ်ဒီးက့ၤစိာ်အီၤဆူ ဝ့ၢ်ယရူၤရှလ့ၣ်အိၣ်ဒီးတၢ်မၤမူးဖးဒိၣ်တမူးန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 6:13

ဖဲပှၤတဖၣ်လၢအစိာ်ထီၣ်ယွၤအတၢ်အၢၣ်လီၤအီလီၤအတလါစီဆှံ ခါထီၣ်အခီၣ်ကါဃုကါဝံၤအလီၢ်ခံန့ၣ်, စီၤဒၤဝံးမၢအအိၣ်ကတီၢ်ဖဲအဝဲလုၢ်ထီၣ်ပာ်ထီၣ်ကျီၢ်ဖါတဒု ဒီးဂီၤဖံးဖိအဘီၣ်တဒုဆူယွၤအအိၣ်အခါန့ၣ်လီၤ.

လံာ်စီၤပၤအခီၣ်ထံးတဘ့ၣ် 8:8

နီၣ်ယိးဘိတဖၣ်အခိၣ်ထိးဘၣ်တၢ်ထံၣ်အီၤလၢပှၤတဂၤလၢ်လၢ်လၢ အအိၣ်ဆၢထၢၣ်လိၤလိၤဖဲတၢ်လီၢ်စီဆှံကတၢၢ်အမဲာ်ညါသ့ဝဲ, ဘၣ်ဆၣ်လၢတၢ်လီၢ်အဂၤန့ၣ်တၢ်ထံၣ်အီၤတသ့ဘၣ်. (နီၣ်ယိးဘိတဖၣ်အိၣ်ဒံးဖဲန့ၣ်တုၤမုၢ်မဆါတနံၤအံၤန့ၣ် လီၤ.)

လံာ်ကွဲးနီၣ်တၢ်အခီၣ်ထံးတဘ့ၣ် 13:10

တဘျီဃီ, ယွၤအသးဒိၣ်ထီၣ်ဘၣ်စီၤဧူးစးဒီးမၤသံကွံာ်အီၤ မ့ၢ်လၢအထိးဘၣ်တလါအဃိန့ၣ်လီၤ. အဝဲသံဝဲဖဲန့ၣ်လၢကစၢ်ယွၤအမဲာ်ညါလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 5:9

နီၣ်ယိးဘိအထိးနါတဖၣ်ဘၣ်တၢ်ထံၣ်အီၤသ့လၢကယဲၢ်ပှၤတဂၤလၢ်လၢ် လၢအဆၢထၢၣ်ဖဲတၢ်လီၢ်စီဆှံကတၢၢ်အမဲာ်ညါလိၤလိၤ, မ့မ့ၢ်ပှၤဆၢထၢၣ်လၢတၢ်လီၢ်အဂၤတဖၣ်ထံၣ်အီၤတသ့ဘၣ်. (နီၣ်ယိးဘိတဖၣ်အိၣ်ဒံးဝဲဖဲန့ၣ်, တုၤမုၢ်မဆါတနံၤအံၤန့ၣ်လီၤ.)

လံာ်တၢ်ဟးထီၣ်ကွံာ် 40:20

အန့ၣ်ဝံၤဒီးအဝဲဟံးထီၣ်တၢ်မၤလိာ်အထံၣ်တဆံအလၢၢ်ဘ့ၣ်ဘၣ်ဒီး ဒၢနုာ်အီၤဆူတလါစီဆှံအပူၤန့ၣ်လီၤ. အဝဲဂိာ်နုာ်နီၣ်ယိးဘိတဖၣ်ဆူတလါအကွီၤတဖၣ်အပူၤဒီးပာ်ထီၣ် တလါစီဆှံအခိၣ်ကၢၢ်န့ၣ်လီၤ.

လံာ်တၢ်ဂံၢ် 4:15

တုၤတၢ်အဆၢကတီၢ်ဘၣ်လၢတၢ်ရူၢ်လီၤပှီၢ်သူၣ်ဒဲတဖၣ်ဒီးစီၤကဃး အဒူၣ်ထၢကစိာ်ထီၣ်တၢ်စီဆှံအပီးအလီတဖၣ်ဖဲဒၣ်စီၤအၤဟရိၣ် ဒီးအဖိခွါတဖၣ်ကျၢၢ်ဘၢတၢ်ခဲလၢာ်ဒီးအတၢ်ပီးတၢ်လီတဖၣ်ဝံၤ ဝဲအခါန့ၣ်လီၤ. စီၤကဃးအဒူၣ်ထၢတဘၣ်ထိးဘၣ်တၢ်စီဆှံအပီးအလီတဖၣ်အံၤဘၣ်. မ့ၢ်ထိးဘၣ်ဒီးအဝဲသ့ၣ်ကသံဝဲလီၤ. တၢ်တဖၣ်အံၤမ့ၢ်စီၤကဃးအဒူၣ်ထၢအမူအဒါတဖၣ်တဘျီ လၢ်လၢ်ဖဲဒဲစီဆှံဘၣ်တၢ်သုးအီၤန့ၣ်လီၤ.

လံာ်တၢ်ဂံၢ် 7:9

ဘၣ်ဆၣ်ဒီးစီၤမိၤၡ့တဟ့ၣ်လ့ၣ်နီတခိၣ်, ကျီၢ်ဖါနီတဒုဆူ ပှၤကဃးဖိတဖၣ်အအိၣ်ဘၣ်. အဂ့ၢ်ဒ်အံၤ, တၢ်အပီးအလီစီဆှံလၢအဝဲသ့ၣ်ကဘၣ်အံးထွဲကွၢ် ထွဲဝဲတဖၣ်န့ၣ်ကဘၣ်ယိးဒၣ်ဝဲလၢအဖံဘၣ်ခိၣ်အလိၤန့ၣ်လီၤ.

လံာ်သိၣ်လီၤသီလီၤတၢ် 10:8

ဖဲကစၢၢ်န့ၣ်, ယွၤဃုထၢပာ်လီၤပှၤတဖၣ်လၢလ့ၤဝံအဒူၣ်အပူၤဒ် သိးကဟံးန့ၢ်မူဒါလၢတၢ်အံးထွဲကွၢ်ထွဲတၢ်အၢၣ်လီၤအီလီၤ အတလါစီဆှံအဂီၢ်, လၢကမၤအတၢ်မၤဒ်ပှၤလုၢ်တၢ်အခိၣ်တဖၣ်ဒီးဒ်သိးအကကိးထီၣ်တၢ် ဆိၣ်ဂ့ၤလၢယွၤအမံၤအဂီၢ်န့ၣ်လီၤ. ဒီးတၢ်တဖၣ်အံၤမ့ၢ်ဒံးဒၣ်အဝဲသ့ၣ်အမူအဒါတဖၣ်န့ၣ်လီၤ.