လံာ်ကွဲးနီၣ်တၢ်အခီၣ်ထံးတဘ့ၣ် 15:12 - Sgaw Karen Common Bible

¹² အဝဲစံးဘၣ်ပှၤလ့ၤဝံဖိသ့ၣ်တဖၣ်, “သုမ့ၢ်ခိၣ်နၢ်တဖၣ်လၢပှၤလ့ၤဝံဖိအဒူၣ်ထၢတဖၣ်အပူၤန့ၣ် လီၤ. မၤကဆှီသုသးဒီးမၤကဆှီသုပှၤလ့ၤဝံဖိကဒဲကဒဲတဖၣ်ဒ်သိး သုဟဲစိာ်ယွၤ, အံၣ်စရ့လးအကစၢ်ယွၤအတၢ်အၢၣ်လီၤအီလီၤအတလါဆူတၢ်လီၢ်လၢ ယကတဲာ်ကတီၤပာ်လၢအဂီၢ်န့ၣ်ကသ့ဝဲတက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 15:12 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 15:1

စီၤဒၤဝံးမၤဟံၣ်တဖၣ်လၢကသူဝဲလၢအဂီၢ်ဒၣ်ဝဲလၢစီၤဒၤဝံး အဝ့ၢ်ပူၤန့ၣ်လီၤ. အဝဲကတဲာ်ကတီၤစ့ၢ်ကီးတၢ်လီၢ်တတီၤလၢကစၢ်ယွၤအတၢ်အၢၣ်လီၤအီ လီၤအတလါအဂီၢ်ဒီးမၤထီၣ်ဝဲဒဲတဖျၢၣ်လၢတလါအဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:14

ဒီးပှၤလုၢ်တၢ်အခိၣ်တဖၣ်, ဒီးပှၤလ့ၤဝံဖိသ့ၣ်တဖၣ်မၤကဆှီ ထီၣ်အသးလၢကသုးယွၤ, အံၣ်စရ့လးအကစၢ်ယွၤအတၢ်အၢၣ်လီၤအီၤလီၤအတလါအဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:3

လၢတၢ်န့ၣ်အဃိစီၤဒၤဝံးဒုးအိၣ်ဖှိၣ်ရိဖှိၣ်ပှၤအံၣ်စရ့လး ဖိခဲလၢာ်လၢဝ့ၢ်ယရူၤၡလ့ၣ်ဒ်သိးအကဟဲစိာ်တၢ်အၢၣ်လီၤအီလီၤ အတလါဆူတၢ်လီၢ်လၢအကတဲာ်ကတီၤဝဲန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:1

အဝဲသ့ၣ်လဲၤစိာ်တၢ်အၢၣ်လီၤအီလီၤအတလါစီဆှံဆူဒဲလၢစီၤ ဒၤဝံးကတဲာ်ကတီၤတ့ၢ်ဝဲဒီးပာ်ဝဲလၢအပူၤန့ၣ်လီၤ. ဒီးအဝဲသ့ၣ်လုၢ်ထီၣ်တၢ်လုၢ်မ့ၣ်အူတဖၣ်ဒီးတၢ်လုၢ်မၤဃူမၤ ဖိးတဖၣ်ဆူကစၢ်ယွၤအအိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 24:31

ဟံၣ်ဖိဃီဖိတဒူၣ်စုာ်စုာ်အခိၣ်ဒီးအဒီပုၢ်ဝဲၢ်ခွါအဆံးတဖၣ် အကျါတဂၤဖီၣ်တၢ်ဖးလၢအဝဲသ့ၣ်အမူအဒါတဖၣ်အဂီၢ်, ဒ်သိးဒၣ်အဝဲသ့ၣ်အဘူးအတံၢ်တဖၣ်, ပှၤလုၢ်တၢ်အခိၣ်တဖၣ်လၢအလီၤ စၢၤလီၤသွဲၣ်လၢစီၤအၤဟရိၣ်မၤတ့ၢ်ဝဲအသိးန့ၣ်လီၤ. စီၤပၤဒၤဝံး, စီၤစၤဒိး, စီၤအဃံၤမ့လ့း, ဒီးပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိတဖၣ်အဟံၣ်ဖိ ဃီဖိအခိၣ်တဖၣ်မ့ၢ်ပှၤအုၣ်အသးတဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:34

ပှၤပိာ်ခွါလၢတၢ်ယၢၤထီၣ်အမံၤလၢထးတဖၣ်အံၤ, မ့ၢ်ပှၤလ့ၤဝံဖိအဟံၣ်ဒူၣ်ဃီထၢတဖၣ်အခိၣ်, ဒ်အပၢ်ဖးဒိၣ်လၢပျၢၤအတၢ်ဟဲလီၤစၢၤအသိးန့ၣ်လီၤ. အဝဲသ့ၣ်မ့ၢ်ခိၣ်နၢ်တဖၣ်လၢအအိၣ်ဆိးဝဲဖဲဝ့ၢ်ယရူၤၡလ့ၣ်အပူၤ န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 1:2

စီၤပၤၡလိၤမိၤဟ့ၣ်လီၤအကလုၢ်ဆူကယဲၢ်သုးခိၣ်သုးနၢ်တဖၣ်လၢ အအိၣ်မူအိၣ်ဒါလၢပှၤတကထိအဖီခိၣ်, ပှၤတကယၤအဖီခိၣ်, ကယဲၢ်တၢ်ပၢတၢ်ပြးအပဒိၣ်တဖၣ်, ကယဲၢ်ဟံၣ်ဖိဃီဖိအခိၣ်အနၢ်တ ဖၣ်, ဒီးဆူကယဲၢ်ပှၤဂီၢ်မုၢ်အိၣ်လီၤတဲာ်အဂၤတဖၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 1:4

ဘၣ်ဆၣ်ဒီးယွၤအတၢ်အၢၣ်လီၤအီလီၤအတလါစီဆှံအိၣ်လံလၢဝ့ၢ် ယရူၤရှလ့ၣ်အပူၤ, ဒီးဘၣ်တၢ်ပာ်အီၤလၢဒဲတဖျၢၣ်အပူၤ, ဒဲလၢစီၤပၤဒၤဝံးသူၣ် ထီၣ်တ့ၢ်ဝဲဖဲအဝဲဟဲက့ၤစိာ်က့ၤတလါစီဆှံန့ၣ်လၢဝ့ၢ်ကံး ရယးယဧၢရံၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:15

ဒီးလၢလါထီၣ်တဆံလွံၢ်သီတသီအနံၤန့ၣ်အဝဲသ့ၣ်မၤသံသိဖိ တဖၣ်လၢတၢ်လုၢ်ဘူၣ်လဲၤကပာ်အဂီၢ်န့ၣ်လီၤ. ပှၤလုၢ်တၢ်အခိၣ်တဖၣ်ဒီးပှၤလ့ၤဝံတဖၣ်လၢအတကဆှီဝဲဒ်တၢ်အလုၢ် အလၢ်အိၣ်ဝဲအသိးန့ၣ်မဲာ်ဆှးဝဲဒိၣ်မး, တုၤအဝဲသ့ၣ်ပာ်စီဆှံထီၣ်က့ၤအသးလၢယွၤအဂီၢ်, ဒီးခဲအံၤအဝဲသ့ၣ်လုၢ်ထီၣ်တ့ၢ်တၢ်လုၢ်မ့ၣ်အူတဖၣ်လၢယွၤအတၢ် လုၢ်ဟံၣ်အပူၤသ့ဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 35:6

သုကဘၣ်မၤသံဘူၣ်လဲၤကပာ်အသိတဖၣ်ဒီးမဲာ်တဲးလဲးတဖၣ်န့ၣ် လီၤ. ခဲကနံၣ်အံၤမၤကဆှီထီၣ်သုသးဒ်တၢ်ဘူၣ်တၢ်ဘါအလုၢ် အလၢ်အိၣ်ဝဲအသိးဒီးကတဲာ်ကတီၤတၢ်လုၢ်တဖၣ်ဒ်သိးပှၤ အံၣ်စရ့လးဖိကဒဲကဒဲဒီးသုကပိာ်ထွဲတၢ်သိၣ်လိနဲၣ်ယုၤ တဖၣ်လၢယွၤဟ့ၣ်လီၤဝဲခီဖျိစီၤမိၤၡ့အဂီၢ်န့ၣ်တက့ၢ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 5:11

အန့ၣ်တစု, ပှၤလုၢ်တၢ်အခိၣ်လၢအအိၣ်ဖဲန့ၣ်ခဲလၢာ်ဟးထီၣ်ကွံာ် လၢတၢ်အလီၢ်စီဆှံအပူၤန့ၣ်လီၤ. အဝဲသ့ၣ်ခဲလၢာ်လၢအအိၣ်ဖဲန့ၣ်, မ့ၢ်လီၤဆီလိာ်အသးလၢမူဒါအတီၤဘၣ်ဆၣ်, ပာ်စီဆှံထီၣ်အသးတပူၤဃီခဲလၢာ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 5:2

အန့ၣ်ဝံၤဒီး, စီၤပၤၡလိၤမိၤကိးဖှိၣ်ကယဲၢ်ပှၤခိၣ်ပှၤနၢ်တဖၣ် လၢအံၣ်စရ့လးအဒူၣ်တဖၣ်ဒီးဒူၣ်ထၢတဖၣ်အပူၤလၢကဟဲပာ်ဖှိၣ်ထီၣ်အသးလၢဝ့ၢ်ယရူၤၡလ့ၣ်အပူၤ, ဒ်သိးကလဲၤဟံးန့ၢ်ယွၤအတၢ်အၢၣ်လီၤအီလီၤအတလါလၢစံယိၣ်, စီၤဒၤဝံးအဝ့ၢ်, ဒီးဟဲက့ၤစိာ်အီၤဆူယွၤအတၢ်လုၢ်ဟံၣ်ပူၤ အဂီၢ်န့ၣ်လီၤ.

လံာ်စီၤနဃ့မယၤ 13:22

ယမၤလိာ်ပှၤလ့ၤဝံဖိတဖၣ်လၢကမၤကဆှီထီၣ်အသးဒၣ်ဝဲဒီးလဲၤ ဒီးခိးတြဲၤတဖၣ်လၢကမၤလီၤတံၢ်တၢ်ဒ်သိးမုၢ်အိၣ်ဘှံးနံၤ ကဘၣ်တၢ်ပာ်စီဆှံအီၤအဂီၢ်န့ၣ်လီၤ. ကစၢ်ယွၤဧၢ, သ့ၣ်နီၣ်ထီၣ်က့ၤလၢ်ယၤလၢတၢ်အံၤအဃိစ့ၢ်ကီးဒီး မၤပူၤဖျဲးလၢ်ယၤလၢနတၢ်အဲၣ်လၢအဒိၣ်ဝဲအဃိန့ၣ်တက့ၢ်.

လံာ်ယၡါယၤ 52:11

ဟးထီၣ်ကွံာ်သပှၢ်ကတၢၢ်လၢကီၢ်ဘၤဘူၤလိၣ်, သုဝဲလၢအဝံစိာ်တၢ်လုၢ်ဟံၣ်အပီးအလီသ့ၣ်ဧၢ, တၢ်လၢတၢ်တြီအီၤတဖၣ်န့ၣ်ထိးအီၤနီတမံၤတဂ့ၤ. ပာ်စီပာ်ဆှံသုသးဒီးဟးထီၣ်တက့ၢ်.

လံာ်ယဃ့းစက့လး 48:11

တၢ်လီၢ်ကဝီၤစီဆှံအံၤန့ၣ်ကဘၣ်မ့ၢ်ဝဲဒၣ်ပှၤလုၢ်တၢ်အခိၣ်တဖၣ် လၢအလီၤစၢၤလီၤသွဲၣ်လၢစီၤစၤဒိးအဂီၢ်န့ၣ်လီၤ. အဝဲသ့ၣ် တဖၣ်မၤတ့ၢ်ယတၢ်မၤလၢတၢ်သူၣ်တီသးတီအပူၤဒီးတမၤဃုာ် သကိးတၢ်ကမၣ်ဒီးပှၤအံၣ်စရ့လးဖိအဂၤတဖၣ်ဒ်ပှၤအဂၤတဖၣ် လၢလ့ၤဝံအဒူၣ်အပူၤမၤတ့ၢ်ဝဲအသိးန့ၣ်ဘၣ်.

လံာ်ယိၤဟၣ် 17:17

မၤစီဆှံထီၣ်အဝဲသ့ၣ်လၢနဂီၢ်ဒၣ်နဲခီဖျိတၢ်မ့ၢ်တၢ်တီ တက့ၢ်. နကလုၢ်နကထါန့ၣ်, မ့ၢ်တၢ်မ့ၢ်တၢ်တီလီၤ.