လံာ်ကွဲးနီၣ်တၢ်အခီၣ်ထံးတဘ့ၣ် 15:11 - Sgaw Karen Common Bible

¹¹ စီၤဒၤဝံးကိးန့ၢ်ပှၤလုၢ်တၢ်အခိၣ်တဖၣ်လၢအမ့ၢ်ဝဲစီၤစၤဒိး ဒီးစီၤအ့ဘယၤသၣ်, ဒီးပှၤလ့ၤဝံဖိဃုဂၤလၢအမ့ၢ်ဝဲ, စီၤအူရံၤအ့လး, စီၤဧစံယၤ, စီၤယိၤအ့လး, စီၤၡမါယၤ, စီၤအလံၤအ့လးဒီးစီၤဧးမံၤနဒးသ့ၣ်တဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:11 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:35

ပှၤလုၢ်တၢ်အခိၣ်စီၤစၤဒိးဒီးစီၤအ့ဘယၤသၢ်ကအိၣ်ဖဲန့ၣ်လီၤ. တဲဘၣ်အဝဲသ့ၣ်ကယဲၢ်တၢ်ကိးမံၤဒဲးလၢနနၢ်ဟူလၢစီၤပၤအနူၢ်ပူၤစီၤပၤန့ၣ်တက့ၢ်.

လံာ်စီၤၡမူၤအ့လးခံဘ့ၣ်တဘ့ၣ် 20:25

စီၤၡဝၤမ့ၢ်ကွီၢ်ဘျီၣ်အပှၤကွဲးလံာ်ဒိၣ်, စီၤစၤဒိးဒီးစီၤအ့ဘယၤသၢ် မ့ၢ်ပှၤလုၢ်တၢ်အခိၣ်တဖၣ်,

လံာ်စီၤၡမူၤအ့လးခံဘ့ၣ်တဘ့ၣ် 8:17

စီၤအဃံတူာ်အဖိခွါစီၤစၤဒိးဒီးစီၤအ့ဘယၤသၢ်အဖိခွါစီၤ အဃံၤမ့လ့းမ့ၢ်ပှၤလုၢ်တၢ်အခိၣ်တဖၣ်န့ၣ်လီၤ. ဒီးစီၤစရါယၤမ့ၢ်ကွီၢ်ဘျီၣ်အပှၤကွဲးလံာ်ဒိၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 2:26

တုၤနုၤတစု, စီၤပၤၡလိၤမိၤစံးဘၣ်ပှၤလုၢ်တၢ်အခိၣ်စီၤအ့ဘယၤသၢ်, “က့ၤဆူနတၢ်အိၣ်တၢ်ဆိးဒၣ်နဲအလီၢ်လၢဧၤနသိးအပူၤန့ၣ်တ က့ၢ်. နကၢကီၣ်လၢနကဘၣ်သံဘၣ်ဆၣ်, ယတမၤသံနၤခဲအံၤဒံးဘၣ်. အဂ့ၢ်ဒ်အံၤ, နမ့ၢ်တ့ၢ်ပှၤအခိၣ်လၢအကွၢ်ထွဲယွၤအတၢ်အၢၣ်လီၤအီ လီၤအတလါစီဆှံ, ဖဲနအိၣ်တ့ၢ်ဒီးယပၢ်စီၤဒၤဝံးအခါ, ဒီးနတူၢ်သကိးဃုာ်တၢ် ဒီးအီၤလၢကယဲၢ်အတၢ်ကိၢ်တၢ်ဂီၤခဲလၢာ်အပူၤအဃိန့ၣ်လီၤ.”

လံာ်စီၤပၤအခီၣ်ထံးတဘ့ၣ် 2:35

စီၤပၤဒုးကဲထီၣ်စီၤဘနါယၤလၢပှၤသုးမုၢ်အသုးခိၣ်ကျၢၢ်လၢ စီၤယိၤအာ်အလီၢ်, ဒီးပာ်စီၤစၤဒိးလၢပှၤလုၢ်တၢ်အခိၣ်, လၢစီၤအ့ဘယၤသၢ်အလီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 12:28

ပှၤသးစၢ်အဒူလၢအဒုးတၢ်သ့စီၤစၤဒိးဒီးအဘူးအတံၢ်တဖၣ်, ပှၤသ့ကဲခိၣ်ကဲနၢ် ခံဆံခံဂၤ,

လံာ်ကွဲးနီၣ်တၢ်အခီၣ်ထံးတဘ့ၣ် 15:10

ဒီးလၢပှၤဧူးစံၤအ့လးအဒူၣ်ထၢပူၤန့ၣ်, ပှၤအခိၣ်စီၤဧးမံၤ နဒးဟဲဝဲဒီးအပှၤ တကယၤတဆံခံ ဂၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:39

ပှၤလုၢ်တၢ်အခိၣ်စီၤစၤဒိးဒီးပှၤလုၢ်တၢ်အခိၣ်သကိးသကိးဒီး အီၤတဖၣ်မ့ၢ်ပှၤအခိၣ်လၢတၢ်ဘူၣ်ထီၣ်ဘါထီၣ်ယွၤဖဲဝ့ၢ်ကံးဘိၣ် န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 18:16

စီၤအဃံတူာ်အဖိခွါစီၤစၤဒိးဒီးစီၤအ့ဘယၤသၢ်အဖိခွါစီၤ အဃံမ့လးမ့ၢ်ပှၤလုၢ်တၢ်အခိၣ်တဖၣ်, ဒီးစီၤၡၤဝၡၤမ့ၢ်ကွီၢ်ဘျီၣ် အပှၤကွဲးလံာ်ဒိၣ်လီၤ.