လံာ်ကွဲးနီၣ်တၢ်အခီၣ်ထံးတဘ့ၣ် 15:1 - Sgaw Karen Common Bible

¹ စီၤဒၤဝံးမၤဟံၣ်တဖၣ်လၢကသူဝဲလၢအဂီၢ်ဒၣ်ဝဲလၢစီၤဒၤဝံး အဝ့ၢ်ပူၤန့ၣ်လီၤ. အဝဲကတဲာ်ကတီၤစ့ၢ်ကီးတၢ်လီၢ်တတီၤလၢကစၢ်ယွၤအတၢ်အၢၣ်လီၤအီ လီၤအတလါအဂီၢ်ဒီးမၤထီၣ်ဝဲဒဲတဖျၢၣ်လၢတလါအဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:1 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:24

ဘၣ်ဆၣ်ဒီးစီၤပၤဟ့ၣ်လီၤအကလုၢ်လၢစီၤအးဘၡါလိၣ်တဘၣ်အိၣ်လၢနူၢ်ပူၤစီၤပူၤဘၣ်. စီၤပၤစံးဝဲဒၣ်, “ယတအဲၣ်ဒိးထံၣ်အီၤဘၣ်.” လၢတၢ်န့ၣ်အဃိစီၤအးဘၡါလိၣ်အိၣ် လၢအဟံၣ်ဒၣ်ဝဲအပူၤဒီးတပာ်ဖျါထီၣ်အသးလၢစီၤပၤအမဲာ်ညါန့ၣ်ဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 5:9

ဖဲအမၤန့ၢ်တိာ်န့ၣ်ဝံၤဒီး, စီၤဒၤဝံးအိၣ်ဆိးဝဲလၢအပူၤ ဒီးယုၢ်န့ၢ်အမံၤလၢ, “စီၤဒၤဝံးအဝ့ၢ်” န့ၣ်လီၤ. အဝဲသူၣ်ထီၣ်ဝ့ၢ်ဝးတရံးတၢ်လီၢ်န့ၣ်, စးထီၣ်လၢတၢ်လီၢ်လၢဟီၣ်ခိၣ်ဘၣ်တၢ်မၤပှဲၤအီၤ, လၢအအိၣ်ဝဲဖဲတၢ်လူၢ်အမုၢ်ထီၣ်တခီန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 6:12

စီၤပၤစီၤဒၤဝံးနၢ်ဟူဘၣ်ဝဲလၢ, မ့ၢ်လၢယွၤအတၢ်အၢၣ်လီၤအီ လီၤအတလါစီဆှံအဃိ, ယွၤဆိၣ်ဂ့ၤစီၤဧိၤဘ့းအ့ဒိၣ်အဟံၣ်ဖိဃီဖိဒီး ကယဲၢ်တၢ်အိၣ်ဒီးအီၤခဲလၢာ်န့ၣ်လီၤ. လၢတၢ်န့ၣ်အဃိအဝဲစိာ်ထီၣ်ယွၤအတၢ်အၢၣ်လီၤအီလီၤအတလါစီဆှံ လၢစီၤဧိၤဘ့းအ့ဒိၣ်အဟံၣ်ဒီးက့ၤစိာ်အီၤဆူ ဝ့ၢ်ယရူၤရှလ့ၣ်အိၣ်ဒီးတၢ်မၤမူးဖးဒိၣ်တမူးန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 6:17

အဝဲသ့ၣ်ဟဲစိာ်ဃီၤတလါစီဆှံန့ၣ်ဒီးပာ်ထီၣ်အီၤလၢအလီၢ်ဖဲ ယွၤအဒဲစီဆှံပူၤ, တၢ်လီၢ်ဖဲစီၤဒၤဝံးမၤပာ်န့ၢ်အလီၢ်န့ၣ်လီၤ. အန့ၣ်ဝံၤဒီးအဝဲလုၢ်ထီၣ်တၢ်လုၢ်တၢ်ပာ်တဖၣ် ဒီးတၢ်လုၢ်မၤဃူမၤဖိးတဖၣ်ဆူယွၤအအိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:12

အဝဲစံးဘၣ်ပှၤလ့ၤဝံဖိသ့ၣ်တဖၣ်, “သုမ့ၢ်ခိၣ်နၢ်တဖၣ်လၢပှၤလ့ၤဝံဖိအဒူၣ်ထၢတဖၣ်အပူၤန့ၣ် လီၤ. မၤကဆှီသုသးဒီးမၤကဆှီသုပှၤလ့ၤဝံဖိကဒဲကဒဲတဖၣ်ဒ်သိး သုဟဲစိာ်ယွၤ, အံၣ်စရ့လးအကစၢ်ယွၤအတၢ်အၢၣ်လီၤအီလီၤအတလါဆူတၢ်လီၢ်လၢ ယကတဲာ်ကတီၤပာ်လၢအဂီၢ်န့ၣ်ကသ့ဝဲတက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 15:3

လၢတၢ်န့ၣ်အဃိစီၤဒၤဝံးဒုးအိၣ်ဖှိၣ်ရိဖှိၣ်ပှၤအံၣ်စရ့လး ဖိခဲလၢာ်လၢဝ့ၢ်ယရူၤၡလ့ၣ်ဒ်သိးအကဟဲစိာ်တၢ်အၢၣ်လီၤအီလီၤ အတလါဆူတၢ်လီၢ်လၢအကတဲာ်ကတီၤဝဲန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:1

အဝဲသ့ၣ်လဲၤစိာ်တၢ်အၢၣ်လီၤအီလီၤအတလါစီဆှံဆူဒဲလၢစီၤ ဒၤဝံးကတဲာ်ကတီၤတ့ၢ်ဝဲဒီးပာ်ဝဲလၢအပူၤန့ၣ်လီၤ. ဒီးအဝဲသ့ၣ်လုၢ်ထီၣ်တၢ်လုၢ်မ့ၣ်အူတဖၣ်ဒီးတၢ်လုၢ်မၤဃူမၤ ဖိးတဖၣ်ဆူကစၢ်ယွၤအအိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 6:31

ပှၤတဖၣ်အံၤမ့ၢ်ပှၤလၢစီၤပၤဒၤဝံးပာ်ဝဲလၢပှၤသးဝံၣ်တၢ်ဖိ အခိၣ်လၢတၢ်ဘူၣ်ထီၣ်ဘါထီၣ်ယွၤအလီၢ်လၢဝ့ၢ်ယရူၤၡလ့ၣ်အပူၤ, ဖဲတၢ်အၢၣ်လီၤအီလီၤအတလါဘၣ်တၢ်ဆှၢနုာ်အီၤဖဲန့ၣ်ဝံၤအလီၢ် ခံန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 1:4

ဘၣ်ဆၣ်ဒီးယွၤအတၢ်အၢၣ်လီၤအီလီၤအတလါစီဆှံအိၣ်လံလၢဝ့ၢ် ယရူၤရှလ့ၣ်အပူၤ, ဒီးဘၣ်တၢ်ပာ်အီၤလၢဒဲတဖျၢၣ်အပူၤ, ဒဲလၢစီၤပၤဒၤဝံးသူၣ် ထီၣ်တ့ၢ်ဝဲဖဲအဝဲဟဲက့ၤစိာ်က့ၤတလါစီဆှံန့ၣ်လၢဝ့ၢ်ကံး ရယးယဧၢရံၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 5:2

အန့ၣ်ဝံၤဒီး, စီၤပၤၡလိၤမိၤကိးဖှိၣ်ကယဲၢ်ပှၤခိၣ်ပှၤနၢ်တဖၣ် လၢအံၣ်စရ့လးအဒူၣ်တဖၣ်ဒီးဒူၣ်ထၢတဖၣ်အပူၤလၢကဟဲပာ်ဖှိၣ်ထီၣ်အသးလၢဝ့ၢ်ယရူၤၡလ့ၣ်အပူၤ, ဒ်သိးကလဲၤဟံးန့ၢ်ယွၤအတၢ်အၢၣ်လီၤအီလီၤအတလါလၢစံယိၣ်, စီၤဒၤဝံးအဝ့ၢ်, ဒီးဟဲက့ၤစိာ်အီၤဆူယွၤအတၢ်လုၢ်ဟံၣ်ပူၤ အဂီၢ်န့ၣ်လီၤ.

စံးထီၣ်ပတြၢၤ 132:5

တချုးဒံးဘၣ်လၢ ယမၤန့ၢ်ပာ်စၢၤ တၢ်လီၢ်တတီၤလၢ ယွၤအဂီၢ်, ဟံၣ်တဖျၢၣ်လၢ စီၤယၤကိာ်အကစၢ်ယွၤလၢ အဂံၢ်ဆူၣ်ဘါဆူၣ်အဂီၢ်န့ၣ်ဘၣ်.”

မၤတၢ် 7:46

အဝဲဒၣ်ဒိးန့ၢ်ကစၢ်ယွၤအတၢ်ဘၣ်သူၣ်ဘၣ်သးသတးဒီး, ဃ့ဝဲလၢကစၢ်ယွၤကပျဲအဝဲဒၣ်ဘှီထီၣ်န့ၢ်တၢ်အိၣ်တၢ်ဆိး အလီၢ်တဖျၢၣ်လၢကစၢ်ယွၤလၢစီၤယၤကိာ်ဘါဝဲတဂၤန့ၣ် အဂီၢ်လီၤ.