လံာ်ကွဲးနီၣ်တၢ်အခီၣ်ထံးတဘ့ၣ် 14:8 - Sgaw Karen Common Bible

⁸ ဒီးတုၤပှၤဖလ့ၡသးဖိတဖၣ်နၢ်ဟူတ့ၢ်ဝဲလၢစီၤဒၤဝံးဘၣ်တၢ် ဖှူတ့ၢ်လံအီၤလၢစီၤပၤလၢအံၣ်စရ့လးဒီဘ့ၣ်ညါအဖီခိၣ်န့ၣ် အဝဲသ့ၣ်အသုးမုၢ်ဟးထီၣ်လၢကဖီၣ်န့ၢ်အီၤအဂီၢ်လီၤ. လၢတၢ်န့ၣ်အဃိစီၤဒၤဝံးဟးထီၣ်ဝဲဒ်သိးကထံၣ်လိာ်အသးဒီးအဝဲ သ့ၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 14:8 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 5:3

လၢတၢ်န့ၣ်အဃိကယဲၢ်ပှၤခိၣ်ပှၤနၢ်လၢကီၢ်အံၣ်စရ့လးအပူၤဟဲဆူ စီၤပၤဒၤဝံးအအိၣ်ဖဲဝ့ၢ်ဃ့ဘြိၣ်န့ၣ်လီၤ. အဝဲမၤတၢ်ဒီသိၣ်ဒီမှံၤဒီးအဝဲသ့ၣ်လၢယွၤအမဲာ်ညါ, ဒီးအဝဲသ့ၣ်ဖှူစီၤဒၤဝံးဒ်သိးကကဲထီၣ်စီၤပၤလၢကီၢ်အံၣ်စရ့လးအဖီခိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 11:3

လၢတၢ်န့ၣ်အဃိ, အံၣ်စရ့လးအပှၤခိၣ်ပှၤနၢ်ခဲလၢာ်, ဟဲဆူစီၤပၤဒၤဝံးအအိၣ်ဖဲဃ့ဘြိၣ်န့ၣ်လီၤ. အဝဲမၤတၢ်အၢၣ်လီၤစီဆှံဒီးအဝဲသ့ၣ်, ဒီးအဝဲသ့ၣ်ဖှူအီၤလၢ စီၤပၤဒီးအဝဲကဲထီၣ်အံၣ်စရ့လးအစီၤပၤဒ်ယွၤအၢၣ်လီၤတ့ၢ် တၢ်, ခီဖျိစီၤၡမူၤအ့လးအသိးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 14:9

ပှၤဖလ့ၡသးဖိတဖၣ်ဟဲတုၤဝဲဖဲကစၢၢ်ကဆူးရဖံဒံၣ်ဒီးစးထီၣ် ဂုာ်ဆူၣ်ပျီဆူၣ်တၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 21:11

စီၤပၤအသုးခိၣ်သုးနၢ်တဖၣ်တဲဘၣ်စီၤအၤကံၣ်, “တၢ်အံၤတမ့ၢ်စီၤဒၤဝံး, စီၤပၤတဂၤလၢအထံအကီၢ်န့ၣ်ဘၣ်ဧါ. ပှၤတဂၤအံၤမ့ၢ်ပှၤလၢပိာ်မုၣ်တဖၣ်သးဝံၣ်တၢ်လၢအဂ့ၢ်, ဖဲအဂဲၤကလံာ်အခါဒီးစံး, စီၤစီလူးမၤသံတ့ၢ်ပှၤအကထိတဖၣ် လီၤ. မ့မ့ၢ်စီၤဒၤဝံးမၤသံတ့ၢ်ပှၤအကလးတဖၣ်လီၤ.”