လံာ်ကွဲးနီၣ်တၢ်အခီၣ်ထံးတဘ့ၣ် 14:17 - Sgaw Karen Common Bible

¹⁷ စီၤဒၤဝံးအတၢ်မံၤဟူထီၣ်သါလီၤဆူတၢ်လီၢ်သကုၤဆးဒး, ဒီးယွၤဒုးပျံၤပှၤကိးကလုာ်ဒဲးလၢအီၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 14:17 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 14:16

စီၤဒၤဝံးမၤတၢ်ဒ်ကစၢ်ယွၤမၤလိာ်တ့ၢ်အီၤအသိး, အဃိဒီးအဝဲဟီက့ၤကွံာ်ပှၤဖလ့ၡသးဖိတဖၣ်လၢဝ့ၢ်ကံးဘိၣ်ပၢၢ် ဆူဝ့ၢ်က့ၤစ့ၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 17:8

ယအိၣ်တ့ၢ်ဒီးအီၤဖဲအလဲၤတ့ၢ်တၢ်တပူၤလၢ်လၢ်ဒီးယမၤနၢၤန့ၢ် တ့ၢ်ကယဲၢ်အဒုၣ်အဒါခဲလၢာ်လၢအမဲာ်ညါန့ၣ်လီၤ. ယကဒုးဟူထီၣ်သါလီၤအမံၤထဲသိးခိၣ်နၢ်အဒိၣ်အထီတဖၣ်လၢဟီၣ် ခိၣ်ချၢအံၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 26:8

ပှၤဧၣ်မိၣ်ဖိတဖၣ်ဟ့ၣ်စီၤဧူးစံယါလၢတၢ်ယူးယီၣ်အတၢ်ဟ့ၣ်ဒီး အဝဲအစိအကမီၤဒိၣ်ထီၣ်ဝဲအါမး, တုၤအတၢ်မံၤဟူသၣ်ဖျါအကစီၣ်ရၤလီၤအသးတုၤလၢကီၢ်အဲၤကူ ပတူးဒၣ်လဲာ်န့ၣ်လီၤ.

စံးထီၣ်ပတြၢၤ 18:44

ပှၤတခီဘီမုၢ်ဖိတဖၣ်တီၤလီၤကဒွံကျိာ်လၢယမဲာ်ညါ ဒီးဖဲအနၢ်ဟူယကလုၢ်န့ၣ်, ဒိကနၣ်ဝဲလီၤ.

လံာ်သိၣ်လီၤသီလီၤတၢ် 11:25

ဖဲသုလဲၤတၢ်တပူၤလၢ်လၢ်လၢကီၢ်ပူၤန့ၣ်, ယွၤ, သုကစၢ်ယွၤကဒုးပျံၤဘၣ်ဖုးဘၣ်ပှၤဂီၢ်မုၢ်လၢသု, ဒ်အဝဲအၢၣ်လီၤတ့ၢ်လံဝဲအသိး, ဒီးပှၤလၢအတြီသုသ့န့ၣ်တအိၣ်ဘၣ်နီတဂၤဘၣ်.

လံာ်သိၣ်လီၤသီလီၤတၢ် 2:25

စးထီၣ်တနံၤအံၤဒီး ဆူညါန့ၣ်ယကဒုးပျံၤဘၣ်ဖုးဘၣ် ကယဲၢ်ပှၤဂီၢ်မုၢ်အိၣ်လၢ တၢ်လီၢ်တပူၤလၢ်လၢ်လၢ သုန့ၣ်လီၤ. တုၤပှၤယၢၤထီၣ်သုမံၤန့ၣ် ပှၤတဂၤလၢ်လၢ်ကကနိး ကစုာ်လၢတၢ်ပျံၤတၢ်ဖုးအပူၤလီၤ.

လံာ်စီၤယိၤၡူ 6:27

ဒီးယွၤအိၣ်ဒီးစီၤယိၤၡူ, ဒီးအမံၤဟူထီၣ်သါလီၤလၢကီၢ်ဒီ ဘ့ၣ်ညါအပူၤန့ၣ်လီၤ.

လံာ်စီၤယိၤၡူ 9:24

အဝဲသ့ၣ်စံးဆၢက့ၤစီၤယိၤၡူ, “ပမၤတၢ်အံၤမ့ၢ်လၢပဘၣ်တၢ်စံးဘၣ်တဲဘၣ်ပှၤလၢယွၤနကစၢ်ယွၤ မၤလိာ်တ့ၢ်အခ့အပှၤစီၤမိၤၡ့ လီၤတံၢ်လီၤဆဲးလၢအကဟ့ၣ်လီၤသုလၢကီၢ်ဒီဘ့ၣ်ညါ, ဒီးသုကဘၣ်မၤသံပှၤလၢကီၢ်ပူၤခဲလၢာ်ဖဲသုလဲၤထီၣ်ဒုးတၢ် အဃိန့ၣ်လီၤ. သတးဒီးပပျံၤတၢ်လၢပသးသမူအဂီၢ်ဒိၣ်မးဒီးပပျံၤနၤအဃိ, ပမၤဘၣ်တၢ်အံၤန့ၣ်လီၤ.