လံာ်ကွဲးနီၣ်တၢ်အခီၣ်ထံးတဘ့ၣ် 14:10 - Sgaw Karen Common Bible

¹⁰ စီၤဒၤဝံးသံကွၢ်ကစၢ်ယွၤ, “မ့ၢ်ယဘၣ်ဒုးပှၤဖလ့ၡသးဖိတဖၣ် န့ၣ်ဧါ. ဒီးမ့ၢ်နကဟ့ၣ်ယၤတၢ်မၤနၢၤန့ၣ်ဧါ.” ဒီးယွၤစံးဆၢဝဲ, “မ့ၢ်, ဒုးတၢ်တက့ၢ်. ယကဟ့ၣ်နၤတၢ်မၤနၢၤန့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 14:10 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 2:1

တၢ်အံၤဝံၤအလီၢ်ခံ, စီၤဒၤဝံးသံကွၢ်ယွၤ, “ယဘၣ်လဲၤမၤန့ၢ်ဒီးပၢၤဃာ်ကီၢ်ယူဒၤအဝ့ၢ်တဖျၢၣ်ဖျၢၣ်ဧါ.” ယွၤစံးဆၢဝဲဒၣ်, “မ့ၢ်လီၤ.” စီၤဒၤဝံးသံကွၢ်ဝဲ, “ဝ့ၢ်လၢလဲၣ်တဝ့ၢ်လဲၣ်.” ယွၤစံးဝဲဒၣ်, “ဝ့ၢ်ဃ့ဘြိၣ်” လီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:19

စီၤဒၤဝံးသံကွၢ်ယွၤ, “မ့ၢ်ယကဘၣ်ဒုးပှၤဖလ့ၡသးဖိတဖၣ်န့ၣ်ဧါ. မ့ၢ်နကဟ့ၣ်ယၤလၢတၢ်မၤနၢၤန့ၣ်ဧါ.” ယွၤစံးဆၢဝဲဒၣ်, “မ့ၢ်, လဲၤဒုးတက့ၢ်. ယကဟ့ၣ်နၤလၢတၢ်မၤနၢၤန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 5:23

မၤကဒီးတစု, စီၤဒၤဝံးသံကွၢ်တၢ်လၢယွၤဒီးယွၤစံးဆၢ အီၤ, “လဲၤဒုးအဝဲသ့ၣ်ဖဲအံၤတဂ့ၤ. မ့မ့ၢ်လဲၤတရံးဒီးကတဲာ်ကတီၤသုသးဒ်သိးသုကလဲၤဒုးအီၤလၢ အဂၤတကပၤဖဲအဘူးဒီးပံၢ်သလီအထူၣ်တဖၣ်န့ၣ်တက့ၢ်.

လံာ်စီၤပၤအခီၣ်ထံးတဘ့ၣ် 22:6

လၢတၢ်န့ၣ်အဃိစီၤအၤဃာ်ကိးနုာ်ဝံတဖၣ်ခဲလၢာ်ပှၤအဂၤလွံၢ် ကယၤဃၣ်ဃၣ်ဒီးသံကွၢ်အဝဲသ့ၣ်, “မ့ၢ်ယကဘၣ်လဲၤထီၣ်ဒုးဝ့ၢ်ရၤမိး, မ့တမ့ၢ်ယတဘၣ်လဲၤဘၣ်ဧါ.” အဝဲသ့ၣ်စံးဆၢဝဲ, “လဲၤထီၣ်ဒုးအီၤတက့ၢ်. ယွၤကဟ့ၣ်နၤတၢ်မၤနၢၤလီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 13:3

အန့ၣ်ဝံၤဒီးပကလဲၤဒီးဟံးန့ၢ်က့ၤကစၢ်ယွၤအတၢ်အၢၣ်လီၤအီၤ လီၤအတလါလၢတဘၣ်တၢ်ကနၣ်ဃုာ်တ့ၢ်အီၤဖဲစီၤစီလူးကဲစီၤပၤ အကတီၢ်န့ၣ်တက့ၢ်.”

လံာ်ကွဲးနီၣ်တၢ်အခီၣ်ထံးတဘ့ၣ် 14:11

လၢတၢ်န့ၣ်အဃိစီၤဒၤဝံးဒုးအဝဲသ့ၣ်ဖဲဘဧၤလးပရၤစံၣ်ဒီး မၤနၢၤကွံာ်အဝဲသ့ၣ်န့ၣ်လီၤ. စီၤဒၤဝံးစံးဝဲ, “ကစၢ်ယွၤသူတ့ၢ်လံယၤဒ်သိးယကလဲၤနုာ်ဆူၣ်ဆူဒုၣ်ဒါအသုး မုၢ်ပူၤဒ်ထံဒိၣ်လုၣ်ဘၢတၢ်အသိးန့ၣ်လီၤ.” လၢတၢ်န့ၣ်အဃိတၢ်လီၢ်န့ၣ်ဘၣ်တၢ်ကိးအီၤလၢဘဧၤလးပရၤစံၣ် န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 14:14

မၤကဒီးတစုစီၤဒၤဝံးကူၣ်လိာ်တၢ်ဒီးကစၢ်ယွၤ, ဒီးကစၢ်ယွၤစံးဆၢအီၤ “လဲၤထီၣ်ဒုးတၢ်ဒီးအဝဲသ့ၣ်ဖဲအံၤတဂ့ၤ. မ့မ့ၢ်လဲၤတရံးဒီးကဝီၤဃာ်အဝဲသ့ၣ်ဒီးကတဲာ်ကတီၤတၢ်ဒုးလၢ အဂၤတကပၤဘူးဒီးသ့ၣ်ပံၢ်သလိဘကၤတဖၣ်န့ၣ်တက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 14:9

ပှၤဖလ့ၡသးဖိတဖၣ်ဟဲတုၤဝဲဖဲကစၢၢ်ကဆူးရဖံဒံၣ်ဒီးစးထီၣ် ဂုာ်ဆူၣ်ပျီဆူၣ်တၢ်န့ၣ်လီၤ.

တၢ်ကတိၤဒိ. 3:6

သ့ၣ်ညါအၢၣ်လီၤယွၤလၢနကျဲခဲလၢာ်အပူၤတက့ၢ်. ဒီးအဝဲဒၣ်ကဒုးနဲၣ်နၤကျဲအဘၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:8

စီၤဒၤဝံးသံကွၢ်ကစၢ်ယွၤ, “မ့ၢ်ယဘၣ်လဲၤလူၤပှၤဂုာ်ဆူၣ်တၢ်တဖၣ်ဒီးမ့ၢ်ယကဘၣ်ဖီၣ်န့ၣ်အဝဲသ့ၣ်ဧါ.” ယွၤစံးဆၢဝဲဒၣ်, “လဲၤလူၤအဝဲသ့ၣ်ဒီးမၤပူၤမၤဖျဲးပှၤဘၣ်တၢ်စိာ်မၢကဲကုၢ်အီၤတဖၣ်တက့ၢ်.”