လံာ်ကွဲးနီၣ်တၢ်အခီၣ်ထံးတဘ့ၣ် 14:1 - Sgaw Karen Common Bible

¹ ထါယၢၣ်အစီၤပၤဃံရၣ်ဆှၢလီၤပှၤကူၣ်တၢ်ကၤတၢ်တဖုဆူစီၤဒၤ ဝံးအအိၣ်, ဒီးဟ့ၣ်လီၤအီၤလၢသ့ၣ်ဆှိအ့ရ့းအကျီၣ်တဖၣ်ဃုာ်ဒီးပှၤမၤတၢ် လၢလၢၢ်သ့ၣ်တဖၣ်, ဒီးပှၤမၤတၢ်လၢသ့ၣ်သ့တဖၣ်လၢကသူၣ်ထီၣ်နီတဖျၢၣ်အဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 14:1 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:2

တုၤနုၤတစုစီၤပၤစံးဘၣ်ဝံနၤသၣ်, “ယအိၣ်ဆိးဖဲအံၤလၢ ဟံၣ်တဖျၢၣ်လၢအဘၣ်တၢ်ဘှီထီၣ်အီၤလၢသ့ၣ်ဆှိအ့ရ့းအပူၤလီၤ. မ့မ့ၢ်ကစၢ်ယွၤအတၢ်အၢၣ်လီၤအီလီၤအတလါစီဆှံန့ၣ်ဘၣ်တၢ်ပာ် အီၤလၢဒဲတဖျၢၣ်အပူၤလီၤ.”

လံာ်စီၤပၤအခီၣ်ထံးတဘ့ၣ် 5:1

ဝ့ၢ်ထါယၢၣ်ကီၢ်အစီၤပၤဃူရၣ်, ထီဘိမ့ၢ်တ့ၢ်စီၤဒၤဝံးအတံၤသကိးတဂၤန့ၣ်လီၤ. ဒီးဖဲအဝဲနၢ်ဟူဘၣ်ဝဲလၢစီၤၡလိၤမိၤကဲထီၣ်စီၤပၤလၢစီၤ ဒၤဝံးအလီၢ်န့ၣ်, အဝဲဆှၢလီၤအထံကီၢ်မီၣ်သီတဖၣ်ဆူစီၤၡလိၤမိၤအအိၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 5:15

စီၤၡလိၤမိၤအိၣ်စ့ၢ်ကီးဒီးပှၤကူးတဲာ်လၢၢ်ဃိးကလးဂၤလၢ ကစၢၢ်ခိၣ်ကလိကျါဒီးပှၤစိၢ်လၢၢ်နွံကလးဂၤ,

လံာ်စီၤပၤအခီၣ်ထံးတဘ့ၣ် 5:18

စီၤၡလိၤမိၤ, ဒီးစီၤဃူရၣ်အပှၤမၤတၢ်ဖိတဖၣ်ဒီးပှၤတဖၣ်လၢ ဝ့ၢ်ကံးဘလးကတဲာ်ကတီၤလၢၢ်ဒီးသ့ၣ်တဖၣ်လၢကသူၣ်ထီၣ်ယွၤအတၢ် လုၢ်ဟံၣ်အဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 5:6

လၢတၢ်န့ၣ်အဃိမၢလီၤနပှၤတဖၣ်ဆူကီၢ်လဘၤနိၣ်လၢကကူာ်လီၤသ့ၣ် ဆှိအ့ရ့းတဖၣ်လၢယဂီၢ်န့ၣ်တက့ၢ်. ယပှၤတဖၣ်ကမၤသကိးတၢ်ဒီးအဝဲသ့ၣ်, ဒီးယကဟ့ၣ်ဘူးဟ့ၣ်လဲနပှၤတဖၣ်ဒ်နစံၣ်ညီၣ်နဲအသိးန့ၣ်လီၤ. ဒ်နသ့ၣ်ညါဂ့ၤဂ့ၤအသိးန့ၣ်, ယပှၤတဖၣ်ကူာ်လီၤသ့ၣ်တသ့ဒ်နပှၤတဖၣ် အသိးန့ၣ်ဘၣ်.”

လံာ်ကွဲးနီၣ်တၢ်အခီၣ်ထံးတဘ့ၣ် 14:2

ဒီးလၢတၢ်န့ၣ်အဃိစီၤဒၤဝံးသ့ၣ်ညါဘၣ်ဝဲလၢယွၤပာ်ဂၢၢ်ပာ် ကျၢၤအီၤဒ်လၢကီၢ်အံၣ်စရ့လးအစီၤပၤအသိးဒီးဒုးဘီၣ်ထီၣ်ညီ ထီၣ်အဘီအမုၢ်, လၢအပှၤဂီၢ်မုၢ်အဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 17:1

ခဲအံၤစီၤပၤဒၤဝံးအိၣ်ဝဲဆိးဝဲလၢအနီပူၤန့ၣ်လီၤ. ဘၣ်မုၢ်တနံၤ, အဝဲမၤလိာ်ဝံနၤသၣ်ဒီးစံးဘၣ်အီၤ “ကွၢ်ကွၢ်ယဲ ယအိၣ်ယဆိးဖဲအံၤလၢဟံၣ်လၢတၢ်ဘှီအီၤလၢသ့ၣ်ဆှိအ့ရ့းအပူၤ လီၤ. မ့မ့ၢ်ယွၤအတၢ်အၢၣ်လီၤအီလီၤအတလါစီဆှံန့ၣ်ဘၣ်တၢ်ပာ်အီၤ လၢဒဲတဖျၢၣ်အပူၤန့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 22:2

စီၤပၤစီၤဒၤဝံးဟ့ၣ်လီၤတ့ၢ်အကလုၢ်ဒ်သိးပှၤတခီဘီမုၢ်ဖိ ခဲလၢာ်လၢအအိၣ်ဝဲဆိးဝဲလၢကီၢ်အံၣ်စရ့လးအပူၤကအိၣ်ဖှိၣ်ရိ ဖှိၣ်, ဒီးပာ်အဝဲသ့ၣ်လၢကမၤတၢ်အဂီၢ်န့ၣ်လီၤ. အဝဲသ့ၣ်တနီၤဘၣ်ကူး တဲာ်လၢၢ်တဖၣ်ဒ်သိးကအိၣ်ကတဲာ်ကတီၤအသးလၢတၢ်သူၣ်ထီၣ်တၢ်လုၢ် ဟံၣ်အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 2:2

အဝဲပာ်လီၤပှၤနွံကလးဂၤလၢကစိာ်ထီၣ်စိာ်လီၤတၢ်ပီးတၢ်လီတ ဖၣ်, ဒီးပှၤဃိးကလးဂၤလၢကမၤတၢ်ကူးတဲာ်လၢၢ်အတၢ်မၤန့ၣ်လီၤ. ပှၤအိၣ်စ့ၢ်ကီးသၢကထိဃုကယၤဂၤ, လၢအိၣ်မူအိၣ်ဒါဝဲလၢတၢ် ပၢဆှၢတၢ်မၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 2:3

စီၤၡလိၤမိၤဆှၢလီၤတၢ်ကစီၣ်တမံၤဆူဝ့ၢ်ထါယၢၣ်အစီၤပၤဃံ ရၣ်အအိၣ်ဒီးစံးဝဲဒၣ်, “မၤသကိးတၢ်ဒီးယၤဒ်နမၤတ့ၢ်ဒီးယပၢ်, စီၤပၤဒၤဝံးအသိး, ဖဲနဆါန့ၢ်တ့ၢ်အီၤသ့ၣ်ဆှိးအ့ရ့းအကျီၣ်တဖၣ်လၢတၢ်ကသူၣ်ထီၣ် အနီအဂီၢ်န့ၣ်တက့ၢ်.

လံာ်စီၤဧ့စြၤ 3:7

ပှၤဂီၢ်မုၢ်ဟ့ၣ်လီၤစ့လၢပှၤမၤတၢ်လၢလၢၢ်တဖၣ်ဒီးပှၤစုသ့ တဖၣ်ဒီးဟ့ၣ်တၢ်အီၣ်တၢ်အီ, ဒီးသ့ၣ်စၤယံးအသိဒ်သိးကဘၣ်တၢ်ဆှၢအီၤဆူဝ့ၢ်ထါယၢၣ်ဒီးဝ့ၢ် စံဒိၣ်တဖၣ်လၢတၢ်ကလဲလိာ်အီၤဒီးလဘၤနိၣ်အသ့ၣ်ဆှိအ့ရ့းတဖၣ် လၢကဘၣ်တၢ်ဟဲစိာ်အီၤလၢပီၣ်လဲၣ်အကျဲတကပၤဆူဝ့ၢ်ယၤဖိၤန့ၣ် လီၤ. ကယဲၢ်တၢ်အံၤခဲလၢာ်ဘၣ်တၢ်မၤအီၤဒၣ်လၢကီၢ်ပၤရၣ်အစီၤပၤဖး ဒိၣ်စီၤကိရ့ၣ်အတၢ်ပျဲန့ၣ်လီၤ.