လံာ်ကွဲးနီၣ်တၢ်အခီၣ်ထံးတဘ့ၣ် 13:8 - Sgaw Karen Common Bible

⁸ စီၤဧူးစးဒီးစီၤအဃံယိၤဆှၢလ့ၣ်ကဟၣ်ဖဲစီၤဒၤဝံးဒီး ကယဲၢ်အံၣ်စရ့လးအပှၤဂီၢ်မုၢ်ခဲလၢာ်, ဂဲၤကလံာ်လၢအဂံၢ်အဘါခဲလၢာ်လၢကမၤလၤကပီၤကစၢ်ယွၤန့ၣ်လီၤ. အဝဲသ့ၣ်သးဝံၣ်တၢ်အိၣ်ဒီးတၢ်ဒ့တၢ်အူအပီးအလီတဖၣ်လၢအမ့ၢ်, သီတူၢ်တဖၣ်, ဒၢတဖၣ်, စှၢၢ်စှံးတဖၣ်ဒီးကွဲၤတဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 13:8 Iomraidhean Croise

လံာ်စီၤပၤခံဘ့ၣ်တဘ့ၣ် 3:15

ခဲကနံၣ်အံၤဟဲကိးန့ၢ်ယၤပှၤဒ့တၢ်ဖိတဂၤတက့ၢ်.” ဖဲပှၤဒ့တၢ်ဖိဒ့ထီၣ်အသီတူၢ်န့ၣ်ယွၤအစိကမီၤလီၤဘၣ်ဝဲဒၣ် လၢစီၤအလံၤၡါအလိၤ,

လံာ်ကွဲးနီၣ်တၢ်အခီၣ်ထံးတဘ့ၣ် 15:28

အန့ၣ်ဒီးကယဲၢ်ပှၤအံၣ်စရ့လးဖိခဲလၢာ်ပိာ်ထီၣ်တၢ်အၢၣ်လီၤအီ လီၤတလါစီဆှံအခံဆူဝ့ၢ်ယရူၤၡလ့ၣ်အိၣ်ဃုာ်ဒီးတၢ်သူၣ်ခု သးခုအကိးပသူအသီၣ်တဖၣ်, ကွဲၤတဖၣ်, တနွဲတဖၣ်, ဒီးစှၢၢ်စှံးတဖၣ်အသီၣ်ဒီးသီတူၢ်တဖၣ်အတၢ်သးဝံၣ်အသီၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:42

စီၤဟ့မၣ်ဒီးစီၤယဒူသူၣ်မ့ၢ်စ့ၢ်ကီးပှၤအခိၣ်တဖၣ်လၢကွဲၤတ ဖၣ်, စှၢၢ်စှံးတဖၣ်, ဒီးတၢ်ဒ့တၢ်အူအပီးအလီအဂၤအဂီၢ်လၢအဘၣ်တၢ် ဒ့အီၤဖဲတၢ်သးဝံၣ်စံးထီၣ်ပတြၢၤဘၣ်တၢ်သးဝံၣ်အီၤအခါန့ၣ်လီၤ. စီၤယဒူသူၣ်အဒူၣ်ထၢဖိတဖၣ်န့ၣ်မ့ၢ်ပှၤအခိၣ်လၢတၢ်ပၢၤတြဲၤ တဖၣ်အဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:5

စီၤအၤစာ်မ့ၢ်ပှၤလၢအဘၣ်တၢ်ဃုထၢပာ်လီၤအီၤလၢပှၤအခိၣ်အိၣ် ဒီးစီၤစကၤရယၤဒ်ပှၤလၢကမၤစၢၤအီၤအသိးန့ၣ်လီၤ. စီၤယံၤအ့လး, စီၤၡမံၤရမိး, စီၤယဃံအ့လး, စီၤမးတံးသယၤ, စီၤအလံအာ်, စီၤဧိၤဘ့းအ့ဒိၣ်ဒီးစီၤယံၤအ့လးတဖၣ်မ့ၢ်ပှၤ ဘၣ်ဒ့သီတူၢ်တဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 23:5

ပှၤ လွံၢ်ကထိ ဂၤလၢကပၢၤပဲတြီ, ဒီးပှၤလွံၢ်ကထိ ဂၤလၢကစံးထီၣ်ပတြၢၤယွၤအိၣ်ဒီးတၢ်သူၣ်ဝံၣ်သးဆၢအပီးအလီ တဖၣ်လၢအဘၣ်တၢ်ဟ့ၣ်အီၤလၢစီၤပၤ, လၢတၢ်ကွၢ်စိအံၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:28

ဖဲအဝဲသ့ၣ်က့ၤတုၤဆူဝ့ၢ်န့ၣ်, အဝဲသ့ၣ်လဲၤထီၣ်ဆူယွၤအတၢ် လုၢ်ဟံၣ်အိၣ်ဒီးတၢ်သးဝံၣ်အသီၣ်လၢသီတူၢ်တဖၣ်, ဒီးကွဲၤတဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 5:12

ကယဲၢ်ပှၤသးဝံၣ်တၢ်ဖိ, ပှၤလ့ၤဝံဖိလၢအမ့ၢ်, စီၤအၤစာ်, စီၤဟ့ၤမၣ်ဒီးစီၤယဒူသူၣ်, ဒီးပှၤလၢအဝဲသ့ၣ်အဒူၣ်ထၢပူၤတ ဖၣ်, ကူသိးဝဲဒီးဖှီဝါကဆှၣ်လီၤ. ပှၤလ့ၤဝံဖိတဖၣ်အံၤဆၢထၢၣ်ဝဲဘူးဒီးတၢ်လုၢ်လီၢ်အမုၢ်ထီၣ် တကပၤ, အိၣ်ဒီးစှၢၣ်စှံးတဖၣ်ဒီးသီတူၢ်တဖၣ်, ဒီးဃုာ်ဒီးအဝဲသ့ၣ် န့ၣ်ပှၤလုၢ်တၢ်အခိၣ်လၢအအူကွဲၤတဖၣ်အိၣ်ဝဲတကယၤခံဆံဂၤန့ၣ် လီၤ.

စံးထီၣ်ပတြၢၤ 47:5

ကစၢ်ယွၤက့ၤထီၣ်ဆူအလီၢ်ပစိာ်လီၤ. တၢ်သူၣ်ဖှံသးညီအတၢ်ကိးထီၣ်တဖၣ် ဒီးကွဲၤတဖၣ်သီၣ်ထီၣ်ဝဲ ဖဲယွၤက့ၤထီၣ်ဆူထးန့ၣ်လီၤ.

စံးထီၣ်ပတြၢၤ 92:3

အိၣ်ဒီးတၢ်ဒ့သနၢ်လၢ အပျံၤအိၣ်ဆံဆဲၣ်ဘိဒီး တၢ်သးဝံၣ်မုာ်လၢသီတူၢ်အလိၤန့ၣ်, မ့ၢ်အဂ့ၤဆံးဒိၣ်လဲၣ်.

လံာ်ဧၤမိၣ် 5:23

ဆိကတီၢ်ကွံာ်သုတၢ်သးဝံၣ်ကံာ်နူၤကံာ်နၢ်တဖၣ်တက့ၢ်. ယတအဲၣ်ဒိးကနၣ်သုတနၢ်အသီၣ်ဘၣ်.

လံာ်ဧၤမိၣ် 6:5

ဒ်စီၤဒၤဝံးမၤတ့ၢ်ဝဲအသိးသုအဲၣ်ဒိးကွဲးကဲထီၣ်တၢ်သးဝံၣ် တဖၣ်ဒီးဒ့အီၤလၢတနၢ်တဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:5

အန့ၣ်ဝံၤဒီးနကလဲၤဆူကစၢ်ယွၤအကစၢၢ်အအိၣ်လၢဝ့ၢ်ကံးဘဧးအပူၤ ဖဲပှၤဖလ့ၡသးဖိတဖၣ်သူၣ်ဒဲအလီၢ်အိၣ်ဝဲတတီၤန့ၣ်လီၤ. ဖဲတၢ်လဲၤနုာ်လီၤဆူဝ့ၢ်အကျဲစၢၤန့ၣ်နကထံၣ်လိာ်ဒီးဝံတဖု ဟဲလီၤလၢတၢ်လုၢ်လီၢ်အိၣ်လၢကစၢၢ်လိၤန့ၣ်ဒ့ဒီးသီတူၢ်တဖၣ်, ပှီၢ်ဒၢတဖၣ်, အူပံတဖၣ်ဒီးမၤသီၣ်စှၢၢ်စှံးတဖၣ်န့ၣ်လီၤ. အဝဲသ့ၣ်ကဂဲၤကလံာ်ဒီးကိးပသူဝဲလီၤ.