လံာ်ကွဲးနီၣ်တၢ်အခီၣ်ထံးတဘ့ၣ် 13:10 - Sgaw Karen Common Bible

¹⁰ တဘျီဃီ, ယွၤအသးဒိၣ်ထီၣ်ဘၣ်စီၤဧူးစးဒီးမၤသံကွံာ်အီၤ မ့ၢ်လၢအထိးဘၣ်တလါအဃိန့ၣ်လီၤ. အဝဲသံဝဲဖဲန့ၣ်လၢကစၢ်ယွၤအမဲာ်ညါလီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 13:10 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 13:11

လၢတၢ်န့ၣ်အဃိစးထီၣ်လၢန့ၣ်လံၤလံၤ, တၢ်လီၢ်အဝဲန့ၣ်ဘၣ်တၢ် ကိးအီၤလၢဖ့ရးဧူးစၤန့ၣ်လီၤ. စီၤဒၤဝံးအသးဒိၣ်ထီၣ်နးနးကလဲာ်မ့ၢ်လၢယွၤစံၣ်ညီၣ်စီၤဧူး စၤလၢတၢ်သးထီၣ်အပူၤအဃိန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:13

အဂ့ၢ်ဒ်အံၤ, လၢအခီၣ်ထံးကတၢၢ်တဘျီန့ၣ်, သုတအိၣ်ဘၣ်ဖဲန့ၣ်လၢ သုကစိာ်အီၤအဃိ, ယွၤ, ပကစၢ်ယွၤစံၣ်ညီၣ်တ့ၢ်ပှၤ, လၢပတဘူၣ်ထီၣ်ဘါထီၣ်ဘၣ်အီၤဒ်ပကြၢးမၤတ့ၢ်အီၤအသိးဘၣ်အဃိ န့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 15:15

ပှၤလ့ၤဝံဖိတဖၣ်ယိးတလါန့ၣ်လၢနီၣ်ယိးဘိအလိၤလၢအဖံဘၣ် ခိၣ်ဒ်ယွၤမၤလိာ်တ့ၢ်ဝဲခီဖျိစီၤမိၤၡ့အသိးန့ၣ်လီၤ.

လံာ်တၢ်ဂံၢ် 16:35

အန့ၣ်ဒီးယွၤဆှၢလီၤမ့ၣ်အူတခါလၢအကပျီၤထီၣ်ဒီးအီၣ်ကွံာ် ပှၤအဂၤခံကယၤယဲၢ်ဆံလၢအဟ့ၣ်ထီၣ်တၢ်လုၢ်နၢမူန့ၣ်လီၤ.

လံာ်တၢ်ဂံၢ် 4:15

တုၤတၢ်အဆၢကတီၢ်ဘၣ်လၢတၢ်ရူၢ်လီၤပှီၢ်သူၣ်ဒဲတဖၣ်ဒီးစီၤကဃး အဒူၣ်ထၢကစိာ်ထီၣ်တၢ်စီဆှံအပီးအလီတဖၣ်ဖဲဒၣ်စီၤအၤဟရိၣ် ဒီးအဖိခွါတဖၣ်ကျၢၢ်ဘၢတၢ်ခဲလၢာ်ဒီးအတၢ်ပီးတၢ်လီတဖၣ်ဝံၤ ဝဲအခါန့ၣ်လီၤ. စီၤကဃးအဒူၣ်ထၢတဘၣ်ထိးဘၣ်တၢ်စီဆှံအပီးအလီတဖၣ်အံၤဘၣ်. မ့ၢ်ထိးဘၣ်ဒီးအဝဲသ့ၣ်ကသံဝဲလီၤ. တၢ်တဖၣ်အံၤမ့ၢ်စီၤကဃးအဒူၣ်ထၢအမူအဒါတဖၣ်တဘျီ လၢ်လၢ်ဖဲဒဲစီဆှံဘၣ်တၢ်သုးအီၤန့ၣ်လီၤ.

လံာ်စီၤယိၤၡူ 6:6

စီၤယိၤၡူကိးဖှိၣ်ပှၤလုၢ်တၢ်အခိၣ်တဖၣ်ဒီးစံးဘၣ်အဝဲသ့ၣ်, “ဟံးထီၣ်တၢ်အၢၣ်လီၤအီလီၤအတလါဒီးပျဲပှၤလုၢ်တၢ်အ ခိၣ်နွံဂၤစိာ်ကွဲၤတဖၣ်ဒီးလဲၤတၢ်လၢတၢ်မဲာ်ညါန့ၣ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 6:19

ယွၤမၤသံတ့ၢ်ပှၤအဂၤနွံဆံလၢဝ့ၢ်ဘ့ၤသၡ့မ့ၣ်အပူၤလီၤ. အဂ့ၢ်ဒ်အံၤ, အဝဲသ့ၣ်အိးထီၣ်ကွၢ်နုာ်ဝဲဒၣ်ဆူတၢ်အၢၣ်လီၤအီ လီၤအတလါစီဆှံအပူၤအဃိလီၤ. ဒီးပှၤဂီၢ်မုၢ်ဟီၣ်ဝဲယၢၤဝဲလၢယွၤဒုးအိၣ်ထီၣ် တၢ်မၤသံမၤဝီလၢအဝဲသ့ၣ်အကျါဒ်န့ၣ်အဃိလီၤ.