လံာ်ကွဲးနီၣ်တၢ်အခီၣ်ထံးတဘ့ၣ် 12:8 - Sgaw Karen Common Bible

⁸ အအံၤမ့ၢ်ပှၤသုးဖိလၢအမံၤဟူသၣ်ဖျါဒီးအိၣ်ဒီးအတၢ်လဲၤခီ ဖျိသ့ၣ်တဖၣ်လၢပှၤကးအဒူၣ်ဖိအကျါလၢအပာ်ဖှိၣ်အသးဒီးစီၤဒၤဝံး အသုးမုၢ်ဖဲအဝဲအိၣ်ဝဲဆိးဝဲလၢတိာ်လၢပှၢ်လၢ်ကျါန့ၣ်လီၤ. အဝဲသ့ၣ်မ့ၢ်ပှၤသ့ပှၤဘၣ်လၢကတီၤဒီးဘီသ့ၣ်တဖၣ်, ဒီးမ့ၢ်ပှၤတဖၣ်လၢအမဲာ်အိၣ်ဖျါလီၤပျံၤဒ်ခ့ယုၢ်တဖၣ်အသိးပှၤ လဲၤတၢ်ချ့ဒ်တၤဟိစဘံလၢကစၢၢ်လိၤအသိးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 12:8 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:23

စီၤစီလူးဒီးစီၤယိနၤသၣ်မ့ၢ်ပှၤလီၤလးဒီးပှၤလီၤအဲၣ် လီၤကွံတဖၣ်လီၤ. မူသကိးဒ်သိးသိးသံသကိးဝဲဒ်သိးသိးန့ၣ်လီၤ. မ့ၢ်ပှၤချ့န့ၢ်ဒံးလံာ်ကြီကြာ်တဖၣ်ဒီးအဂံၢ်အဘါဆူၣ် န့ၢ်ဒံးခ့ယုၢ်တဖၣ်တက့ၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 17:10

အန့ၣ်ဒီးပှၤအဒူကတၢၢ်လၢတပျံၤဘၣ်တၢ်ဒ်ခ့ယုၢ်တဖၣ်အသိးဒၣ်လဲာ်န့ၣ်ကပျံၤတၢ်လီၤ. အဂ့ၢ်ဒ်အံၤ, ပှၤကိးဂၤဒဲးလၢကီၢ်အံၣ်စရ့လးအပူၤန့ၣ်သ့ၣ်ညါ ဝဲလၢနပၢ်န့ၣ်မ့ၢ်ပှၤသုးဖိစဲၣ်နီးတဂၤဒီးအဝဲအပှၤတဖၣ်မ့ၢ် ပှၤဒုးတၢ်ဆူၣ်မးန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 2:18

နီၢ်စရူၤယၤအဖိခွါသၢဂၤလၢအမံၤမ့ၢ်ဝဲစီၤယိၤအာ်, စီၤအဘံၡဲၤဒီးစီၤဧစၤအ့လးန့ၣ်အိၣ်ဝဲဖဲန့ၣ်လီၤ. စီၤဧမၤအ့လးလၢအဃ့ၢ်တၢ်ချ့ဝဲထဲသိးဒီးတၤဟိအမံၤတဒု,

လံာ်စီၤၡမူၤအ့လးခံဘ့ၣ်တဘ့ၣ် 23:20

ပှၤကၤဘစ့လးဖိစီၤယဟိၤယဒါအဖိခွါစီၤဘနါယၤမ့ၢ်ပှၤသုး ဖိအမံၤဟူသၣ်ဖျါအဂၤတဂၤန့ၣ်လီၤ. အဝဲမၤတ့ၢ်တၢ်မၤအဒူအဃိအါမး, အိၣ်ဃုာ်ဒီးတၢ်မၤသံကွံာ်ပှၤမိၤအးဖိအသုးဖိအဂ့ၤကတၢၢ်ခံဂၤန့ၣ်လီၤ. တဘျီဖဲမူခိၣ်ဖီလီၤဝဲတနံၤန့ၣ်, အဝဲလဲၤလီၤဝဲဆူတၢ်ပူၤ တပူၤဒီးမၤသံကွံာ်ခ့ယုၢ်တဒုန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 11:16

ဖဲအကတီၢ်အံၤန့ၣ်စီၤဒၤဝံးအိၣ်ဝဲလၢတိာ်ပူၤဒီးဖလ့ၡသးဖိ အသုးဖိတဖုမၤန့ၢ်ဒီးအိၣ်ဆိးဝဲဖဲဝ့ၢ်ဘ့ၤသလ့ဃ့ၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 11:22

ပှၤကၤဘစ့လးဖိစီၤယဟိၤယဒါအဖိခွါစီၤဘနါယၤန့ၣ်မ့ၢ်ပှၤ သုးဖိလၢအမံၤဟူသၣ်ဖျါတဂၤန့ၣ်လီၤ. အဝဲမၤတ့ၢ်တၢ်မၤအဒူအါမံၤ, လၢအအိၣ်ဃုာ်ဝဲဒီးတၢ်မၤသံပှၤမိၤအးသုးဖိဖးဒိၣ်ခံဂၤန့ၣ်လီၤ. တဘျီအဝဲလဲၤလီၤဆူတၢ်ပူၤတပူၤဖဲမူခိၣ်ဖီလီၤဝဲအနံၤတနံၤ ဒီးမၤသံကွံာ်ခ့ယုၢ်တဒုန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 12:16

ဘၣ်တဘျီပှၤတဖုလၢဘံၣ်ယၤမံၣ်အဒူၣ်ဒီးယူဒၤအဒူၣ်အကျါလဲၤဆူ စီၤဒၤဝံးအအိၣ်, ဖဲအဝဲအိၣ်ဝဲဆိးဝဲလၢတိာ်ပူၤအခါန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 12:7

ပှၤကဒိၢ်ဖိစီၤယရိဃၣ်အဖိခွါစီၤယိၤဧ့လးဒီးစီၤစဘၤဒံ ယၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 12:9

အဝဲသ့ၣ်အလီၢ်အလၤအတီၤတဂၤဘၣ်တဂၤမ့ၢ်ဒ်လာ်အံၤလီၤ. စီၤဧ့စ့ၢ်, စီၤဧိၤဘါဒယၤ, စီၤအလံအာ်, စီၤမံးၡမနၤ, စီၤယံးရမံယၤ, စီၤဧၤတဲ, စီၤအလံၤအ့လး, စီၤယိဃၤနၣ်, စီၤအ့လစၤဘး, စီၤယံးရမံယၤ, ဒီးစီၤမၤကဘၤနဲသ့ၣ်တဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 25:5

စီၤပၤအမၤစယါကရၢကရိထီၣ်ကယဲၢ်ပှၤပိာ်ခွါခဲလၢာ်လၢယူဒၤ ဒီးဘံၣ်ယၤမံၣ်အဒူၣ်တဖၣ်အပူၤဆူသုးမုၢ်တဖုဘၣ်တဖုဒ်ဒူၣ်ထၢ တဖၣ်လၢအဝဲသ့ၣ်ဘၣ်ထွဲဝဲအသိး, ဒီးပာ်လီၤသုးခိၣ်တဖၣ်လၢကကဲခိၣ်ကဲနၢ်လၢပှၤပိာ်ခွါတဖုလၢ အအိၣ်တကထိအဖီခိၣ်မ့ၢ်ဂ့ၤ, ပှၤပိာ်ခွါတဖုလၢအအိၣ်တကယၤအဖီခိၣ်မ့ၢ်ဂ့ၤန့ၣ်လီၤ. တၢ်အံၤအိၣ်ဃုာ်ဝဲဒီးကယဲၢ်ပှၤပိာ်ခွါလၢအသးအနံၣ်ခံဆံမ့ၢ်ဂ့ၤ, အသးပှၢ်န့ၢ်အနံၣ်ခံဆံမ့ၢ်ဂ့ၤ, ပှၤခဲလၢာ်အဂၤသၢကလီၢ် န့ၣ်လီၤ. အဝဲသ့ၣ်မ့ၢ်သုးဖိတဖၣ်လၢအဘၣ်တၢ်ဃုထၢလီၤဆီအီၤ, ပှၤအိၣ်ကတဲာ်ကတီၤအသးလၢတၢ်ဒုးအဂီၢ်, အိၣ်ဒီးတၢ်သ့တၢ်ဘၣ်လၢတၢ်သူဘီတဖၣ်ဒီးကတီၤတဖၣ်န့ၣ်လီၤ.

တၢ်ကတိၤဒိ. 28:1

ပှၤတတီတလိၤဃ့ၢ်ဝဲဖဲပှၤတလူၤအဝဲသ့ၣ်နီတဂၤဘၣ်အခါန့ၣ်လီၤ. မ့မ့ၢ်ပှၤတီပှၤလိၤတဂၤန့ၣ်ဒူဝဲဒ်ခ့ယုၢ်တဒုအသိးန့ၣ်လီၤ.

တၢ်ကတိၤဒိ. 6:5

ဟးထီၣ်ကွံာ်လၢပျံၤသကွီၤအပူၤဒ်ထိၣ်တဘ့ၣ်, မ့တမ့ၢ်ဒ်တၤဟိတဒု, ဃ့ၢ်ပူၤဖျဲးထီၣ်ကွံာ်လၢပှၤခးတၢ်ဖိအစုပူၤအသိးန့ၣ်တက့ၢ်.

လံာ်တၢ်သးဝံၣ်တဖၣ်အတၢ်သးဝံၣ် 8:14

ယတၢ်အဲၣ်ဧၢ, ဟဲဆူယအိၣ်ဒ်တၤဟိစဘံတဒု, ဒ်တၤဟိဖါဖိတဒုအသိး, ဖဲကစၢၢ်တဖၣ်လၢသ့ၣ်နၢမူ အထူၣ်တဖၣ်မဲထီၣ်ဝဲအလိၤန့ၣ်တက့ၢ်.

လံာ်ယံးရမံယၤ 46:9

ဟ့ၣ်လီၤတၢ်ကလုၢ်လၢ ကသ့ၣ်တဖၣ်လၢ ကလဲၤတၢ်ဒီး ပှၤနီၣ်လ့ၣ်ကဟၣ်ကနီၣ်တၢ်ဆူၣ်ဆူၣ် အဂီၢ်တက့ၢ်. ဆှၢထီၣ်သုးဖိတဖၣ် လၢအစိာ်ကတီၤတဖၣ်လၢ ကီၢ်ကူၤၡးဒီး လံးဘယၢ် ဃုာ်ဒီး ပှၤခးချံၣ်စဲၣ်နီးတဖၣ်လၢ ကီၢ်လူၤဒံန့ၣ်တက့ၢ်.’ ”

လံာ်စီၤၡမူၤအ့လးအခီၣ်ထံးတဘ့ၣ် 23:14

စီၤဒၤဝံးအိၣ်ခူသူၣ်လၢတၢ်လူၢ်တၢ်တြီၤအထံအကီၢ်ပူၤ လၢပှၢ်မုၢ်ကနၢဘူးဒီးဝ့ၢ်စံဖးန့ၣ်လီၤ. စီၤစီလူးတခီကျဲးစၢးတဘိယူၢ်ဃီဒ်သိးအကထံၣ်န့ၢ်အီၤန့ၣ်လီၤ. ဘၣ်ဆၣ်ဒီးကစၢ်ယွၤတဟ့ၣ်လီၤကွံာ်အီၤဆူအစုပူၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 23:29

စီၤဒၤဝံးဟးထီၣ်ကွံာ်ဒီးလဲၤဆူတၢ်ပၢၤခိၣ်ဧ့ၣ်က့ဒံၤအကီၢ် ဒီးအိၣ်ဝဲဖဲန့ၣ်လၢတၢ်ခူသူၣ်အပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:22

စီၤဒၤဝံးအၢၣ်လီၤဝဲလီၤ. အန့ၣ်ဝံၤဒီးစီၤစီလူးက့ၤကဒါ က့ၤဆူအဟံၣ်ဒီးစီၤဒၤဝံးဒီးအပှၤတဖၣ်က့ၤကဒါက့ၤဆူ အတၢ်အိၣ်ခူသူၣ်အလီၢ်န့ၣ်လီၤ.