လံာ်ကွဲးနီၣ်တၢ်အခီၣ်ထံးတဘ့ၣ် 12:40 - Sgaw Karen Common Bible

⁴⁰ ပှၤကလံၤစိးအဒူၣ်တဖၣ်လၢအအိၣ်ယံၤယံၤကလဲာ်ဒ်အမ့ၢ်ပှၤယံးစၣ် ကၢ်, ပှၤစဘူလိၣ်, ဒီးပှၤနၤသးလံဖိအပှၤဂီၢ်မုၢ်တဖၣ်ဒၣ်လဲာ်ဟဲဝဲ ဒီးကသ့ၣ်ယီၤတဖၣ်, ကီၤလၤအူးတဖၣ်, ကသ့ၣ်လၤတဖၣ်, ဂီၤဖံးတဖၣ်လၢအပဒၢးဝဲဒီးတၢ်အီၣ်လၢအမ့ၢ်, ကိၣ်ကမူၣ်, ချၢၣ်ဒၢသၣ်, စပံးသၣ်အဃ့, စပံးထံဒီးသ့ၣ်စၤယံး အသိလီၤ. အဝဲသ့ၣ်ဟဲစိာ်စ့ၢ်ကီးဂီၤဘုၣ်ဂီၤဖံးဒီးသိတဖၣ်လၢကမၤသံ ဒီးအီၣ်ဝဲလီၤ. ကယဲၢ်တၢ်ခဲလၢာ်အံၤမ့ၢ်တၢ်ပာ်ဖျါထီၣ်တၢ်သူၣ်ခုသးခုတမံၤလၢ ထံကီၢ်ဒီတဘ့ၣ်ညါကလၢၢ်ဘၣ်ဝဲန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 12:40 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 16:1

ဖဲစီၤဒၤဝံးလဲၤပျံကွံာ်တၢ်လူၢ်ဒီခိၣ်တစဲးန့ၣ်, သတူၢ်ကလာ်အဝဲဘၣ်တၢ်ဟဲသဂၢၢ်အီၤလၢစီၤမဖံဘိၤၡ့းအခ့အပှၤ စီၤစံဘၤန့ၣ်လီၤ. အဝဲအိၣ်ဒီးကသ့ၣ်ယီၤခံဒုလၢအပဒၢးထီၣ်ဝဲကိၣ်အဖျၢၣ်ခံကယၤ, စပံးသၣ်ဃ့အချံၣ်တကယၤ, သ့ၣ်သၣ်အသီကဘှဲဒဲအချံၣ်တကယၤဒီး ထၢၣ်တၢ်ဖံးတဖျၢၣ်လၢအပှဲၤဝဲဒီးစပံးထံန့ၣ်လီၤ.

လံာ်စီၤပၤအခီၣ်ထံးတဘ့ၣ် 1:40

အန့ၣ်ဝံၤဒီး, အဝဲသ့ၣ်ခဲလၢာ်ဟဲက့ၤပိာ်အခံ, ကိးထီၣ်လၢတၢ်သူၣ်ခုသးခုဒီးအူပံတဖၣ်တုၤဒၣ်လဲာ်ဟီၣ်ခိၣ် သထြူးဝဲလၢတၢ်သီၣ်တၢ်သဲအဃိန့ၣ်လီၤ.

လံာ်စီၤပၤခံဘ့ၣ်တဘ့ၣ် 11:20

ကယဲၢ်ပှၤဂီၢ်မုၢ်ခဲလၢာ်ပှဲၤဝဲဒီးတၢ်သူၣ်ဖှံသးညီ, ဒီးဝ့ၢ်န့ၣ်အိၣ်ဘှ့ၣ်အိၣ်ဘှီၣ်ဝဲမ့ၢ်လၢခဲအံၤနီၢ်ပၤမုၣ်ဧသၤလယၤ ဘၣ်တၢ်မၤသံကွံာ်အီၤလၢနူၢ်ပူၤစီၤပူၤလံအဃိန့ၣ် လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 12:39

အဝဲသ့ၣ်အိၣ်သကိးဒီးစီၤဒၤဝံးဖဲန့ၣ်သၢသီ, ဒီးအိၣ်ဒီးတၢ်အီၣ်သကိးအီသကိးအမူးလၢအဘၣ်တၢ်ကတဲာ်ကတီၤအီၤ လၢအဝဲသ့ၣ်အဂီၢ်လၢအထံဖိကီၢ်ဖိကဒဲကဒဲန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 13:1

စီၤပၤစီၤဒၤဝံးကူၣ်လိာ်အသးဒီးကယဲၢ်ပှၤသုးဖိတကထိ အခိၣ်တဖၣ်မ့ၢ်ဂ့ၤဒီးပှၤသုးဖိတကယၤအခိၣ်တဖၣ်မ့ၢ်ဂ့ၤန့ၣ် လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:22

သတးဒီးလၢမုၢ်တနံၤအဝဲန့ၣ်, အဝဲသ့ၣ်သူၣ်ဖှံသးညီတ့ၢ်ဒိၣ် မးဖဲအအီၣ်တၢ်ဒီးအီတၢ်လၢယွၤအမဲာ်ညါန့ၣ်လီၤ. အဝဲသ့ၣ်ကိးသတြီထီၣ်ဝဲလၢစီၤၡလိၤမိၤမ့ၢ်စီၤပၤခံဘျီ တဘျီန့ၣ်လီၤ. လၢယွၤအမံၤအပူၤန့ၣ်အဝဲသ့ၣ်ဖှူအီၤဒ်ပှၤလၢကပၢဘၣ်အဝဲသ့ၣ် အသိးဒီးစီၤစၤဒိးဒ်ပှၤလုၢ်တၢ်အခိၣ်အသိးန့ၣ်လီၤ.

တၢ်ကတိၤဒိ. 11:10

ဝ့ၢ်တဝ့ၢ်သးခုဝဲဖဲပှၤအတီအလိၤတဖၣ်ဘီၣ်ထီၣ်ညီထီၣ်န့ၣ်လီၤ. ဒီးတၢ်သးခုအတၢ်ကိးပသူထီၣ်တဖၣ်အိၣ်ဝဲဖဲပှၤတတီတလိၤတဖၣ် သံဝဲန့ၣ်လီၤ.

တၢ်ကတိၤဒိ. 29:2

ဒုးနဲၣ်ယၤပှၤပၢတၢ်အတီအလိၤတဂၤတက့ၢ်. ဒီးယကဒုးနဲၣ်နၤပှၤဂီၢ်မုၢ်လၢအသူၣ်ဖှံသးညီတဖုလီၤ. ဒုးနဲၣ်ယၤပှၤပၢတၢ်အအၢအသီတဂၤတက့ၢ်. ဒီးယကဒုးနဲၣ်နၤပှၤဂီၢ်မုၢ်လၢအဘၣ်ကိၢ်ဘၣ်ဂီၤတဖုန့ၣ်လီၤ.

လံာ်ဟိၤၡ့ 3:1

ယွၤစံးဘၣ်ယၤ, လဲၤကဒီးတက့ၢ်. ဒီးဒုးနဲၣ်နတၢ်အဲၣ်ဆူ ပိာ်မုၣ်တဂၤလၢအမၤတၢ်မၤကမၣ်မုၣ်ကမၣ်ခွါဒီးအတၢ်အဲၣ် တဂၤန့ၣ်တက့ၢ်. နဘၣ်အဲၣ်ဒံးဒၣ်အီၤဒ်ယအဲၣ်ကီၢ်အံၣ်စရ့လးအပှၤဂီၢ်မုၢ် ဖဲအဃၣ်ဃီၤအသးဆူကစၢ်အဂၤတဖၣ်ဒီးအဲၣ်ဒိးလဲၤစိာ်စပံးသၣ် အဃ့အတၢ်လုၢ်တဖၣ်ဆူတၢ်ဂီၤတၢ်ဖီၣ်တဖၣ်အအိၣ်အခါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:18

နီၢ်အဘံၤကါယံးလးမၤချ့ချ့ဒီးဟံးန့ၢ်ကိၣ်အဖျၢၣ်ခံကယၤ, ထၢၣ်တၢ်ဖံးခံဖျၢၣ်ပှဲၤဒီးစပံးထံ, သိယဲၢ်ဒုအညၣ်ဖီမံတ့ၢ် အသး, ဘုဧိၤဟုဧိၤဝဲာ်မံဃာ်အသးခံနာ်, ဒီးစပံးသၣ်ဆၢအဃ့အကူၤတကယၤဒီး ကိၣ်လၢတၢ်မၤအီၤလၢချၢၣ်ဒၢသၣ်အဃ့အဖျၢၣ်တကယၤ, ဒီးပာ်ထီၣ်အီၤလၢကသ့ၣ်ယီၤတဖၣ်အလိၤန့ၣ်လီၤ.