လံာ်ကွဲးနီၣ်တၢ်အခီၣ်ထံးတဘ့ၣ် 12:32 - Sgaw Karen Common Bible

³² လၢပှၤယံးစၣ်ကၢ်ဖိအဒူၣ်ပူၤန့ၣ်, ပှၤအခိၣ်အနၢ်ခံကယၤဂၤ, ဃုာ်ဒီးပှၤတဖၣ်လၢအအိၣ်လၢအဝဲသ့ၣ်အတၢ်ပၢအဖီလာ်န့ၣ်လီၤ. (ပှၤခိၣ်ပှၤနၢ်တဖၣ်အံၤသ့ၣ်ညါတ့ၢ်တၢ်လၢပှၤအံၣ်စရ့လးဖိ ကြၢးမၤဝဲဒီးတၢ်ဆၢကတီၢ်အဂ့ၤကတၢၢ်လၢကဘၣ်မၤဝဲ န့ၣ်လီၤ.)

လံာ်ကွဲးနီၣ်တၢ်အခီၣ်ထံးတဘ့ၣ် 12:32 Iomraidhean Croise

လံာ်တၢ်ကဲထီၣ်အခီၣ်ထံး 49:14

စီၤယံးစၣ်ကၢ်တဂ့ၤန့ၢ်ကသ့ၣ်ယီၤတဒုလၢအကိာ်လီၤဒီးမံလီၤ လၢအဂီၤကၢ်တဖၣ်အကဆူးဘၣ်.

လံာ်ကွဲးနီၣ်တၢ်အခီၣ်ထံးတဘ့ၣ် 12:31

လၢမုၢ်နုာ်မနၤၡ့ၤအဒူၣ်ပူၤန့ၣ်ပှၤ တကလးဃိးကထိဂၤ, ဘၣ်တၢ်ဃုထၢအီၤဒ်သိးကလဲၤပာ်ထီၣ်စီၤဒၤဝံးလၢစီၤပၤန့ၣ် လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 7:4

အဝဲသ့ၣ်အိၣ်ဒီးအမါအါဂၤဒီးအဖိတဖၣ်လၢအစၢၤအသွဲၣ်တဖၣ်ဟ့ၣ်ထီၣ် ပှၤသၢကလးဃုကထိ ဂၤလၢကမၤသုးမုၢ်သံၣ်ဘိအတၢ်မၤအဂီၢ်န့ၣ်လီၤ.

လံာ်နီၢ်အ့ၤစတၢ် 1:13

မ့ၢ်စီၤပၤအလုၢ်အလၢ်လၢကဃ့တၢ်ဟ့ၣ်ကူၣ်ဘၣ်ထွဲဒီးတၢ်သံ ကွၢ်လၢတၢ်သိၣ်တၢ်သီဒီးတၢ်မၤလိာ်တဖၣ်အဂ့ၢ်န့ၣ်လီၤ. အဝဲကိးဃီၤအပှၤဟ့ၣ်ကူၣ်တၢ်တဖၣ်ဒီးသံကွၢ်ဝဲလၢ ကဘၣ်မၤဝဲဒ်လဲၣ်န့ၣ်လီၤ.

တၢ်ကတိၤဒိ. 14:8

ဘၣ်မနုၤအဃိပှၤလၢအသူၣ်ပ့ၢ်သးဆှါတဂၤကူၣ်တၢ်သ့လဲၣ်. အဂ့ၢ်ဒ်အံၤ, သ့ၣ်ညါတၢ်လၢအဘၣ်မၤဝဲအဃိလီၤ. ဘၣ်မနုၤအဃိပှၤဟးဂီၤဖိတဂၤအသးတဆးလဲၣ်. အဂ့ၢ်ဒ်အံၤ, ဆိကမိၣ်ဝဲထဲအသ့ၣ်ညါတၢ်အဃိလီၤ.

တၢ်ကတိၤဒိ. 24:5

တၢ်မ့ၢ်ပှၤကူၣ်သ့န့ၣ်ဂ့ၤဒိၣ်န့ၢ်ဒံးတၢ်မ့ၢ်ပှၤဂံၢ်ဆူၣ်ဘါ ဆူၣ်တက့ၢ်လီၤ. မ့ၢ်လီၤ, တၢ်သ့ၣ်ညါန့ၣ်အကါဒိၣ်န့ၢ်ဒံးတၢ်ဂံၢ် တၢ်ဘါတက့ၢ်လီၤ.

လံာ်ပှၤစံၣ်တဲၤတဲလီၤတၢ် 7:19

တၢ်ကူၣ်သ့မၤတၢ်လၢပှၤတဂၤအဂီၢ်ဒိၣ်န့ၢ်အါန့ၢ်ဒံးပှၤပၢတၢ် အဂၤတဆံမၤတၢ်သ့လၢဝ့ၢ်တဝ့ၢ်အဂီၢ်တက့ၢ်လီၤ.

လံာ်ပှၤစံၣ်တဲၤတဲလီၤတၢ် 9:18

တၢ်ကူၣ်သ့မၤဂ့ၤတၢ်သ့ဒိၣ်န့ၢ်ဒံးတၢ်စုကဝဲၤတဖၣ်လီၤ. မ့မ့ၢ်, ပှၤတၢ်ဒဲးဘးဖိတဂၤမၤဟးဂီၤတၢ်အဂ့ၤအါမးလီၤ.

လံာ်ယၡါယၤ 33:6

ဒီးဟ့ၣ်ပှၤကလုာ်လၢတၢ်အိၣ်ဂၢၢ်ဆိးကျၢၤန့ၣ်လီၤ. အဝဲကဟုကယာ်အပှၤဂီၢ်မုၢ်ဒီးဟ့ၣ်အဝဲသ့ၣ် လၢတၢ်ကူၣ်သ့ဒီးတၢ်သ့ၣ်ညါထီဘိလီၤ. အတၢ်လုၢ်ဒိၣ်ပှ့ၤဒိၣ်အဒိၣ်ကတၢၢ်မ့ၢ်ဝဲအဝဲသ့ၣ်အတၢ်ယူး ယီၣ်ယွၤန့ၣ်လီၤ.

လံာ်မံကၤ 6:9

တၢ်ပျံၤယွၤန့ၣ်မ့ၢ်တၢ်ကူၣ်သ့လီၤ. အဝဲဒၣ်ကိးဝဲဆူဝ့ၢ်ပူၤ, “သုဝဲပှၤဂီၢ်မုၢ်လၢအပာ်ဖှိၣ်ထီၣ်အသးလၢဝ့ၢ်ယရူၤၡလ့ၣ် အပူၤသ့ၣ်ဧၢ, ဒိကနၣ်တက့ၢ်.

လံာ်မးသဲ 16:3

တုၤမုၢ်ဆ့ၣ်ထီၣ်ဂီၤဂီၤတခီ, မူကပိာ်လိၤမ့ၢ်ဂီၤဒီးတၢ်အၢၣ်မ့ၢ်ခံးသူဝဲန့ၣ်, သုစံးလၢတနံၤအံၤ ကလံၤမုၢ်ကလီၤဝဲလီၤ. သုကွၢ်မူကပိာ်လိၤ, ဒီးဖးမူခိၣ်ကလံၤသီၣ်ဂီၤသ့မးလီၤ. ဘၣ်ဆၣ်တၢ်အပနီၣ်ဘၣ်ဃးဒီးတၢ်လၢအကမၤအသးတဖၣ်န့ၣ်, သုဖးတသ့ဘၣ်.

အ့းဖ့းစူး 5:17

တဘၣ်အိၣ်မူဒ်ပှၤဟးဂီၤဖိတဖၣ်အသိးတဂ့ၤ. မ့မ့ၢ်ကျဲးစၢးဃုသ့ၣ်ညါနၢ်ပၢၢ်တၢ်လၢကစၢ်ဘၣ် အသးလၢသုကမၤအီၤန့ၣ်တက့ၢ်.

လံာ်သိၣ်လီၤသီလီၤတၢ် 33:17

စီၤယိၤသးအိၣ်ဒီးဂီၤဖံးဖါတဒုအတၢ်ဂံၢ်တၢ်ဘါ, ဂီၤဖံးဖါလၢအရၢၢ်အစၢၢ်တစုအနၢၤတဖၣ်လီၤ. အဝဲအနၢၤတဖၣ်န့ၣ်မ့ၢ်ဒ်မနၤၡ့ၣ်အကထိတဖၣ် ဒီးအ့ဖရဲၣ်အကလးတဖၣ်အသိးန့ၣ်လီၤ. အဝဲဘျၢၣ်ပှၤကလုာ်တဖၣ်လၢနၢၤတဖၣ်န့ၣ်, ဒီးဆီၣ်လီၤကွံာ်အဝဲသ့ၣ်တုၤလၢဟီၣ်ခိၣ်အကတၢၢ်တဖၣ်န့ၣ်လီၤ.”