လံာ်ကွဲးနီၣ်တၢ်အခီၣ်ထံးတဘ့ၣ် 12:20 - Sgaw Karen Common Bible

²⁰ အအံၤမ့ၢ်ပှၤသုးဖိတဖၣ်လၢမနၤၡ့ၤအဒူၣ်ပူၤလၢအလဲၤနုာ်ပာ် ဖှိၣ်အသးဒီးစီၤဒၤဝံးဖဲအဝဲဟဲက့ၤကဒါက့ၤအခါန့ၣ်လီၤ. ပှၤသ့ၣ်တဖၣ်န့ၣ်မ့ၢ်ဝဲ, စီၤဧၤဒနၤ, စီၤယိၤစၤဘး, စီၤယဒံၤဧ့လး, စီၤမံၤက့လး, စီၤယိၤစဘး, စီၤအလံဟူၤဒီးစီၤစံးလသဲန့ၣ် လီၤ. လၢမနၤၡ့ၤအဒူၣ်ပူၤန့ၣ်အဝဲသ့ၣ်ခဲလၢာ်မ့ၢ်ပှၤတကထိဂၤအခိၣ် တဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 12:20 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 12:19

ပှၤသုးဖိတနီၤလၢမနၤၡ့ၤအဒူၣ်ပူၤလဲၤနုာ်ပာ်ဖှိၣ်အသးဆူ စီၤဒၤဝံးအအိၣ်တခီဖဲအဝဲလဲၤထီၣ်သကိးဒီးပှၤဖလ့ၡသးဖိ တဖၣ်လၢကဒုးစီၤပၤစီၤစီလူးအဂီၢ်န့ၣ်လီၤ. နီၢ်နီၢ်တခီအဝဲတမၤစၢၤပှၤဖလ့ၡသးဖိတဖၣ်န့ၣ်ဘၣ်. အဂ့ၢ်ဒ်အံၤ, အဝဲသ့ၣ်အစီၤပၤတဖၣ်ပျံၤတၢ်လၢအဝဲကဟ့ၣ်လီၤဘၣ် ဖုးအဝဲသ့ၣ်ဆူစီၤစီလူးလၢအမ့ၢ်အဝဲအကစၢ်လၢညါအစုပူၤန့ၣ်လီၤ. လၢတၢ်န့ၣ်အဃိအဝဲသ့ၣ်ဆှၢကဒါက့ၤအီၤဆူဝ့ၢ်စံကလးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 12:21

အဝဲသ့ၣ်မၤစၢၤစီၤဒၤဝံးဒ်သုးခိၣ်တဖၣ်အသိးလၢသုးမုၢ်အပူၤ န့ၣ်လီၤ. အဂ့ၢ်ဒ်အံၤ, အဝဲသ့ၣ်ခဲလၢာ်မ့ၢ်ပှၤသုးဖိစဲၣ်နီၤသ့ၣ်တဖၣ်န့ၣ် လီၤ. လၢခံအဝဲသ့ၣ်ကဲထီၣ်သုးခိၣ်တဖၣ်လၢအံၣ်စရ့လးအသုးမုၢ်အပူၤ န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 8:20

စီၤအ့လံၤဧ့နံၤ, စီၤစံးလသဲ, စီၤအလံအ့လး,

လံာ်တၢ်ဟးထီၣ်ကွံာ် 18:21

ဘၣ်ဆၣ်ဒီး, အါန့ၢ်အန့ၣ်, နကြၢးဃုထၢပှၤပိာ်ခွါတနီၤလၢအသ့ ဝဲဘၣ်ဝဲဒီးဃုထၢပာ်လီၤအဝဲသ့ၣ်ဒ်ပှၤဂီၢ်မုၢ်အခိၣ်အနၢ်တဖၣ် အသိးလၢပှၤအကထိတဖၣ်, ပှၤအကယၤတဖၣ်, ပှၤအဂၤယဲၢ်ဆံ တဖၣ်ဒီးပှၤအဂၤတဆံတဖၣ်အဖီခိၣ်န့ၣ်လီၤ. အဝဲသ့ၣ်ကဘၣ်မ့ၢ်ပှၤတဖၣ်လၢအပျံၤကစၢ်ယွၤ, လၢအဘၣ်တၢ်နာ်န့ၢ် အီၤသ့ဝဲဒီးတဟံးန့ၢ်ခိၣ်ဖးလာ်ဆှိးဘၣ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 1:15

မၤသးဒ်န့ၣ်ဒီး, ယဟံးန့ၢ်ပှၤကူၣ်တၢ်သ့ဒီးခိၣ်နၢ်တဖၣ်လၢအတၢ် လဲၤခီဖျိအါဝဲလၢသုဃုထၢထီၣ်အီၤလၢသုဒူၣ်တဖၣ်အကျါ, ဒီးယပာ်ထီၣ်အဝဲသ့ၣ်ဒ်သုခိၣ်သုနၢ်အသိးန့ၣ်လီၤ. ပှၤတနီၤအမူအဒါအိၣ်ဝဲလၢပှၤတကထိအဖီခိၣ်, တနီၤလၢပှၤတကယၤအဖီခိၣ်, တနီၤလၢပှၤယဲၢ်ဆံအဖီခိၣ်, ဒီးတနီၤလၢပှၤတဆံအဖီခိၣ်အဂီၢ်န့ၣ်လီၤ. ယဃုထၢပာ်လီၤစ့ၢ် ကီးပှၤခိၣ်ပှၤနၢ်အဂၤတဖၣ်လၢပှၤအဒူၣ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 33:17

စီၤယိၤသးအိၣ်ဒီးဂီၤဖံးဖါတဒုအတၢ်ဂံၢ်တၢ်ဘါ, ဂီၤဖံးဖါလၢအရၢၢ်အစၢၢ်တစုအနၢၤတဖၣ်လီၤ. အဝဲအနၢၤတဖၣ်န့ၣ်မ့ၢ်ဒ်မနၤၡ့ၣ်အကထိတဖၣ် ဒီးအ့ဖရဲၣ်အကလးတဖၣ်အသိးန့ၣ်လီၤ. အဝဲဘျၢၣ်ပှၤကလုာ်တဖၣ်လၢနၢၤတဖၣ်န့ၣ်, ဒီးဆီၣ်လီၤကွံာ်အဝဲသ့ၣ်တုၤလၢဟီၣ်ခိၣ်အကတၢၢ်တဖၣ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 29:11

မၤသးဒ်န့ၣ်ဒီး, လၢခံတနံၤမုၢ်ဆ့ၣ်ထီၣ်ဂီၤဂီၤန့ၣ် စီၤဒၤဝံးဒီးအပှၤတဖၣ်က့ၤကဒါက့ၤဆူကီၢ်ဖလ့ၡသးဒီးပှၤဖလ့ၡသးဖိ တဖၣ်လဲၤဆူညါဆူတၢ်တြီၤယံးစရ့လးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 29:3

ပှၤဖလ့ၡသးဖိအသုးခိၣ်ကျၢၢ်တဖၣ်ထံၣ်အဝဲသ့ၣ်ဒီးသံကွၢ်ဝဲ, “ပှၤဧ့ၤဘြံၤဖိတဖၣ်အံၤမၤတၢ်မနုၤဖဲအံၤန့ၣ်လဲၣ်.” စီၤအၤကံၣ်စံးဆၢဝဲဒၣ်, “အဝဲအံၤမ့ၢ်စီၤဒၤဝံး, ကီၢ်အံၣ်စရ့လးအစီၤပၤစီၤစီလူးအသုးခိၣ်တဂၤန့ၣ်လီၤ. အဝဲအိၣ်ဒီးယၤခဲအံၤယံာ်ထီၣ်တစဲးလံ. စးထီၣ်မုၢ်တနံၤလၢအဟဲအိၣ်ဒီးယၤန့ၣ်ယတထံၣ်န့ၢ်တၢ်ကမၣ်လၢ အမၤဝဲနီတမံၤဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 29:4

ဘၣ်ဆၣ်ဒီးပှၤဖလ့ၡသးဖိအသုးခိၣ်သုးနၢ်တဖၣ်အသးဒိၣ် စီၤအၤကံၣ်ဒီးစံးဘၣ်အီၤ, “ဆှၢလီၤကဒါက့ၤပှၤဝဲန့ၣ်ဆူ ဝ့ၢ်လၢနဟ့ၣ်သါအီၤန့ၣ်တက့ၢ်. ပျဲအလဲၤနုာ်ဆူတၢ်ဒုးပျီပူၤဃုာ်ဒီးပှၤတဂ့ၤ, အဝဲကယိးကဒါက့ၤဘီထီဒါပှၤဖဲတၢ်ဒုးတၢ်ယၤအပူၤသ့ၣ်သ့ၣ်လီၤ. ကျဲအဂ့ၤကတၢၢ်လၢကမၤအိၣ်က့ၤအမဲာ်သၣ်ဒီးအကစၢ်န့ၣ်, လၢတၢ်မၤသံကွံာ်ပပှၤတဖၣ်အမဲာ်ညါ, မနုၤကအိၣ်ဒံးလၢအဂီၢ်လဲၣ်.