လံာ်ကွဲးနီၣ်တၢ်အခီၣ်ထံးတဘ့ၣ် 12:19 - Sgaw Karen Common Bible

¹⁹ ပှၤသုးဖိတနီၤလၢမနၤၡ့ၤအဒူၣ်ပူၤလဲၤနုာ်ပာ်ဖှိၣ်အသးဆူ စီၤဒၤဝံးအအိၣ်တခီဖဲအဝဲလဲၤထီၣ်သကိးဒီးပှၤဖလ့ၡသးဖိ တဖၣ်လၢကဒုးစီၤပၤစီၤစီလူးအဂီၢ်န့ၣ်လီၤ. နီၢ်နီၢ်တခီအဝဲတမၤစၢၤပှၤဖလ့ၡသးဖိတဖၣ်န့ၣ်ဘၣ်. အဂ့ၢ်ဒ်အံၤ, အဝဲသ့ၣ်အစီၤပၤတဖၣ်ပျံၤတၢ်လၢအဝဲကဟ့ၣ်လီၤဘၣ် ဖုးအဝဲသ့ၣ်ဆူစီၤစီလူးလၢအမ့ၢ်အဝဲအကစၢ်လၢညါအစုပူၤန့ၣ်လီၤ. လၢတၢ်န့ၣ်အဃိအဝဲသ့ၣ်ဆှၢကဒါက့ၤအီၤဆူဝ့ၢ်စံကလးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 12:19 Iomraidhean Croise

လံာ်တၢ်ကဲထီၣ်အခီၣ်ထံး 43:23

တၢ်ခ့တၢ်ပှၤစံးဘၣ်အီၤ, “ဘၣ်ယိၣ်တၢ်တဂ့ၤ, ပျံၤတၢ်တဂ့ၤ. သုကစၢ်ယွၤ, သုပၢ်အကစၢ်ယွၤကတ့ၢ်နုာ်က့ၤစ့လၢသုထၢၣ်တဖၣ် အပူၤလၢသုဂီၢ်န့ၣ်လီၤ. ယဒိးန့ၢ်ဘၣ်သုတၢ်ဟ့ၣ်ကဒါက့ၤလံ.” ဒီးဟဲက့ၤကိးစီၤစူၤမ့းအိၣ်ဆူအဝဲသ့ၣ်အအိၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 17:25

(စီၤအးဘၡါလိၣ်ပာ်ထီၣ်စီၤဧမါစၤ ဒ်သုးခိၣ်ကျၢၢ်လၢအသုးမုၢ်အဖီခိၣ်လၢစီၤယိၤအာ်အလီၢ်န့ၣ်လီၤ. စီၤဧမါစၤမ့ၢ်ပှၤယံးၡမၤအ့လးဖိစီၤယ့သ့ၢ်အဖိခွါလီၤ. အမိၢ်မ့ၢ်ဝဲနီၢ်အဘံၤကါယံးလး, စီၤနၤဃၣ်အဖိမုၣ်ဒီးစီၤယိၤအာ်အမိၢ် နီၢ်စရူၤယၤအဒီပုၢ်ဝဲၢ်မုၣ်န့ၣ်လီၤ.)

လံာ်ကွဲးနီၣ်တၢ်အခီၣ်ထံးတဘ့ၣ် 12:20

အအံၤမ့ၢ်ပှၤသုးဖိတဖၣ်လၢမနၤၡ့ၤအဒူၣ်ပူၤလၢအလဲၤနုာ်ပာ် ဖှိၣ်အသးဒီးစီၤဒၤဝံးဖဲအဝဲဟဲက့ၤကဒါက့ၤအခါန့ၣ်လီၤ. ပှၤသ့ၣ်တဖၣ်န့ၣ်မ့ၢ်ဝဲ, စီၤဧၤဒနၤ, စီၤယိၤစၤဘး, စီၤယဒံၤဧ့လး, စီၤမံၤက့လး, စီၤယိၤစဘး, စီၤအလံဟူၤဒီးစီၤစံးလသဲန့ၣ် လီၤ. လၢမနၤၡ့ၤအဒူၣ်ပူၤန့ၣ်အဝဲသ့ၣ်ခဲလၢာ်မ့ၢ်ပှၤတကထိဂၤအခိၣ် တဖၣ်န့ၣ်လီၤ.

လံာ်စကၤရယၤ 8:2

“ယသးအိၣ်တ့ၢ်လၢယကမၤစၢၤဝ့ၢ်ယရူၤၡလ့ၣ်မ့ၢ် လၢယအဲၣ်ဘၣ်အပှၤဂီၢ်မုၢ်အဃိလီၤ. ယတၢ်အဲၣ်အံၤ, မ့ၢ်တၢ်အဲၣ်တမံၤလၢအဒိၣ်ဝဲတုၤဒၣ်လဲာ်, ယသးဒိၣ်ထီၣ်ဘၣ်အဒုၣ်အဒါတဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 6:34

ယွၤအသးလီၤဘၣ်လၢစီၤကံးဒဧိၣ်အလိၤ, ဒီးအဝဲအူထီၣ်ကွဲၤ ဒ်သိးကကိးဖှိၣ်ပှၤအဘံၤဧ့စ့ၢ်အဒူၣ်ဖိထၢဖိလၢအကပိာ်အခံန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 29:10

မၤသးဒ်န့ၣ်ဒီး, စီၤဒၤဝံးဧၢ, ခဲမုၢ်ဆ့ၣ်ဂီၤခီန့ၣ်ကယဲၢ်သုဝဲ ခဲလၢာ်လၢအပာ်တ့ၢ်စီၤစီလူးဒီးဟဲဆူယအိၣ်တဖၣ် ကဘၣ်ဂဲၤဆၢထၢၣ်ဂီၤဂီၤဒီးဟးထီၣ်ကွံာ်တဘျီဃီဖဲတၢ်ကပီၤထီၣ်န့ၣ်တက့ၢ်.”