လံာ်ကွဲးနီၣ်တၢ်အခီၣ်ထံးတဘ့ၣ် 11:8 - Sgaw Karen Common Bible

⁸ အဝဲသူၣ်ထီၣ်ဝ့ၢ်အခိၣ်ဒူဝးတရံး, စးထီၣ်လၢကစၢၢ်ကလိ အမုၢ်ထီၣ်မံးလိၤ, ဖဲစီၤယိၤအာ်တခီဘှီဂ့ၤက့ၤတၢ်အိၣ်လီၤ တဲာ်လၢဝ့ၢ်ပူၤအဂၤတဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 11:8 Iomraidhean Croise

လံာ်စီၤပၤအခီၣ်ထံးတဘ့ၣ် 11:27

အအံၤမ့ၢ်တၢ်တဲဘၣ်ဃးဒီးတၢ်ပူထီၣ်အဂ့ၢ်န့ၣ်လီၤ. စီၤၡလိၤမိၤမၤပှဲၤက့ၤဟီၣ်ခိၣ်လၢဝ့ၢ်ယရူၤရှလ့ၣ်အမုၢ်ထီၣ် တကပၤဒီးဘှီဂ့ၤထီၣ်က့ၤဝ့ၢ်ခိၣ်ဒူတဖၣ်, န့ၣ်လီၤ.

လံာ်စီၤပၤအခီၣ်ထံးတဘ့ၣ် 9:15

စီၤပၤၡလိၤမိၤသူတၢ်မၢဆူၣ်မၢနၢၤအတၢ်မၤလၢတၢ်သူၣ်ထီၣ်ယွၤ အတၢ်လုၢ်ဟံၣ်, ဒီးနီအဂီၢ်, လၢတၢ်မၤပှဲၤထီၣ်ဟီၣ်ခိၣ်လၢတၢ်လီၢ်ဖဲဝ့ၢ်အမုၢ်ထီၣ်တကပၤအဂီၢ်, ဒီးလၢတၢ်သူၣ်ထီၣ်ဝ့ၢ်ခိၣ်ဒူအဂီၢ်န့ၣ်လီၤ. အဝဲမၢဆူၣ်စ့ၢ်ကီးတၢ်လၢတၢ်သူၣ်ထီၣ်ကဒါက့ၤဝ့ၢ်တဖၣ်လၢအမ့ၢ် ဃါစိၢ်, မကံးဒိၤဒီးက့စ့ၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 12:20

စီၤပၤယိၤအၣ်အသုးခိၣ်သုးနၢ်တဖၣ်ကူၣ်ထီၣ်ထီဒါအီၤ, ဒီးလၢအကျါခံဂၤလၢအမ့ၢ်နီၢ်ၡံမဧးအဖိခွါစီၤယိၤစၤကၢ် ဒီးနီၢ်ၡိမ့ၢ်အဖိခွါစီၤယဟိစဘးန့ၣ်, မၤသံကွံာ်အီၤဖဲဟံၣ်တဖျၢၣ်လၢအဘၣ်တၢ်ဘှီထီၣ်အီၤလၢဟီၣ်ခိၣ် လၢအဘၣ်တၢ်မၤပှဲၤအီၤအဖီခိၣ်လၢအအိၣ်ဖဲဝ့ၢ်ယရူၤၡလ့ၣ်အမုၢ် ထီၣ်, ကျဲလဲၤလီၤဆူဝ့ၢ်စံးလၤအဖီခိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 11:7

မ့ၢ်လၢစီၤဒၤဝံးလဲၤအိၣ်ဝဲဆိးဝဲဖဲတိာ်န့ၣ်အပူၤအဃိဘၣ် တၢ်ကိးလၢ “စီၤဒၤဝံးအဝ့ၢ်” န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 11:9

စီၤဒၤဝံးအဂံၢ်အဘါဒံးယံာ်ဒံးဆူၣ်ထီၣ်မ့ၢ်လၢယွၤသ့တၢ်လၢာ် အိၣ်ဒီးအီၤအဃိန့ၣ်လီၤ.

လံာ်စီၤနဃ့မယၤ 4:2

ဒီးလၢအတံၤသကိးသ့ၣ်တဖၣ်, ဒီးၡၤမရံအပှၤသုးဖိသ့ၣ်တဖၣ် အမဲာ်ညါန့ၣ်စံးဝဲ, “ပှၤယူဒၤဖိလၢအတဂိာ်တသီၣ်တၢ်သ့ၣ်တဖၣ်အံၤမ့ၢ်အဆိကမိၣ်ဝဲ လၢအမၤတၢ်မနူၤန့ၣ်လဲၣ်. မ့ၢ်အဝဲသ့ၣ်အဲၣ်ဒိးသူၣ်ထီၣ်ကဒါက့ၤဝ့ၢ်န့ၣ်ဧါ. မ့ၢ်အဆိကမိၣ်ဝဲဒၣ်လၢခီဖျိအတၢ်လုၢ်ထီၣ်ပာ်ထီၣ်တၢ်န့ၣ်မၤတၢ် လၢတနံၤဃီအတီၢ်ပူၤကဝံၤန့ၣ်ဧါ. မ့ၢ်အမၤကဲထီၣ်လၢၢ်လၢတၢ်တဂိာ်တသီၣ်လၢမ့ၣ်အူအီၣ်အီၤအကျါ န့ၣ်ကသ့စ့ၢ်ကီးဧါ.”

လံာ်ပှၤစံၣ်ညီၣ်ကွီၢ် 9:20

မ့တမ့ၢ်ဘၣ်ဒ်န့ၣ်ဒီး, မ်မ့ၣ်အူကဲၤကပျီၤထီၣ်လၢစီၤအဘံၤမ့လ့းအပူၤ ဒီးအီၣ်ကွံာ်ၡက့ၣ်ဒီးမံးလိၤအပှၤပိာ်ခွါတဖၣ်တက့ၢ်. ဒီးမ်မ့ၣ်အူကဲၤကပျီၤထီၣ်လၢၡက့ၣ်ဒီးမံးလိၤအပှၤပိာ်ခွါတဖၣ်အပူၤ ဒီးအီၣ်ကွံာ်စီၤအဘံၤမ့လ့းန့ၣ်တက့ၢ်.”

လံာ်ပှၤစံၣ်ညီၣ်ကွီၢ် 9:6

တုၤနုၤတစု, ပှၤၡက့ၣ်ဖိဒီးပှၤမံးလိၤဖိအပိာ်ခွါတဖၣ် ပာ်ဖှိၣ်ထီၣ်အသးဒီးလဲၤဆူသ့ၣ်သ့ထိးဖၣ်စီဆှံဖဲဝ့ၢ်ၡက့ၣ်ဒီး ပာ်ထီၣ်စီၤအဘံၤမ့လ့းလၢစီၤပၤဖဲန့ၣ်လီၤ.