လံာ်ကွဲးနီၣ်တၢ်အခီၣ်ထံးတဘ့ၣ် 11:6 - Sgaw Karen Common Bible

⁶ စီၤဒၤဝံးစံးဝဲ, “ပှၤအဆိကတၢၢ်တဂၤလၢအမၤသံဘၣ်ပှၤယဘူၣ် ဖိအဆိကတၢၢ်တဂၤန့ၣ်ကကဲထီၣ်သုးမုၢ်အခိၣ်ဖးဒိၣ်န့ၣ်လီၤ.” နီၢ်စရူၤယၤအဖိခွါစီၤယိၤအာ်မ့ၢ်ပှၤအဆိ ကတၢၢ်တဂၤလၢအတီခိၣ်ရိၣ်မဲလၢတၢ်ဒုးအပူၤ, ဒီးအဝဲကဲထီၣ်သုးခိၣ်ဖးဒိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 11:6 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 2:13

နီၢ်စရူၤယၤအဖိခွါစီၤယိၤအာ်ဒီးစီၤဒၤဝံးအပဒိၣ်ပပှၢ်အဂၤ တဖၣ်လဲၤသဂၢၢ်အီၤဖဲကွံတကွံဖဲအဝဲသ့ၣ်ခဲလၢာ်ဆ့ၣ်နီၤဝဲ တဖုလၢကွံတကပၤဒီးအဂၤတဖုလၢကွံအဘးခီတကပၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 2:18

နီၢ်စရူၤယၤအဖိခွါသၢဂၤလၢအမံၤမ့ၢ်ဝဲစီၤယိၤအာ်, စီၤအဘံၡဲၤဒီးစီၤဧစၤအ့လးန့ၣ်အိၣ်ဝဲဖဲန့ၣ်လီၤ. စီၤဧမၤအ့လးလၢအဃ့ၢ်တၢ်ချ့ဝဲထဲသိးဒီးတၤဟိအမံၤတဒု,

လံာ်စီၤၡမူၤအ့လးခံဘ့ၣ်တဘ့ၣ် 20:23

စီၤယိၤအာ်မ့ၢ်ကီၢ်အံၣ်စရ့လးအသုးမုၢ်အသုးခိၣ်ကျၢၢ်န့ၣ်လီၤ. စီၤယဟိယဒါအဖိခွါစီၤဘနါယၤမ့ၢ်ပှၤအခိၣ်လၢအကွၢ်ထွဲ ပှၤခိးစီၤဒၤဝံးအသးသမူတဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:27

ဖဲစီၤအဘံန့ၢ်ဟဲတုၤလၢဝ့ၢ်ဃ့ဘြိၣ်န့ၣ်စီၤယိၤအာ်ကိးအီၤ ဆူကျဲစၢၤအကပၤမၤသးဒ်အအဲၣ်ဒိးကတိၤတၢ်ဒီးအီၤထဲခံဂၤဧိၤ န့ၣ်လီၤ. ဒီးဖဲန့ၣ်အဝဲဆဲးအီၤလၢအဟၢဖၢန့ၣ်လီၤ. အဂ့ၢ်ဒ်အံၤ, အဝဲမၤသံတ့ၢ်စီၤယိၤအာ်အဒီပုၢ်ဝဲၢ်ခွါစီၤဧစၤအ့လးအဃိလီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:16

စီၤယိၤအာ်, လၢအမိၢ်အမံၤမ့ၢ်နီၢ်စရူယၤ, မ့ၢ်သုးမုၢ်အသုး ခိၣ်ကျၢၢ်န့ၣ်လီၤ. စီၤအဃံလူးအဖိခွါစီၤယဟိၡၤဖးမ့ၢ်ပှၤကွၢ်ထွဲတၢ်ကွဲးနီၣ် ကွဲးဃါတဖၣ်အခိၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 1:7

အဝဲကတိၤတၢ်ဒီးစီၤယိၤအာ်လၢအမ့ၢ်နီၢ်စရူၤယၤအဖိခွါ, ဒီးပှၤလုၢ်တၢ်အခိၣ်စီၤအ့ဘယၤသၢ်ဘၣ်ထွဲဒီးတၢ်ဂ့ၢ်န့ၣ်, ဒီးအဝဲသ့ၣ်ဘၣ်သူၣ်ဘၣ်သးလၢကမၤစၢၤအီၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 11:5

ပှၤယဘူၣ်ဖိတဖၣ်တဲဘၣ်စီၤဒၤဝံးလၢတမ့ၢ်ကနုာ်လီၤဘၣ်ဆူဝ့ၢ် ယရူၤၡလ့ၣ်အပူၤနီတဘျီဘၣ်န့ၣ်လီၤ. ဘၣ်ဆၣ်စီၤဒၤဝံးမၤန့ၢ်ဝ့ၢ်စံယိၣ်အတိာ်ဒီးဝ့ၢ်န့ၣ်ကဲထီၣ် တၢ်လီၢ်လၢအဘၣ်တၢ်သ့ၣ်ညါအီၤဒ် “စီၤဒၤဝံးအဝ့ၢ်” န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 11:7

မ့ၢ်လၢစီၤဒၤဝံးလဲၤအိၣ်ဝဲဆိးဝဲဖဲတိာ်န့ၣ်အပူၤအဃိဘၣ် တၢ်ကိးလၢ “စီၤဒၤဝံးအဝ့ၢ်” န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 18:15

စီၤအဘံၡဲၤအဒီပုၢ်ဝဲၢ်ခွါစီၤယိၤအာ်မ့ၢ်သုးခိၣ်ကျၢၢ်လၢ သုးမုၢ်အပူၤဒီးစီၤအဃံလူးအဖိခွါစီၤယဟိၡၤဖးမ့ၢ်ပှၤ ပၢၤတၢ်ကွဲးနီၣ်တဖၣ်အခိၣ်,

လံာ်ကွဲးနီၣ်တၢ်အခီၣ်ထံးတဘ့ၣ် 27:34

ဖဲစီၤအဃံသဖ့ၤလးသံဝံၤအလီၢ်ခံန့ၣ်စီၤအ့ဘယၤသၢ်ဒီးစီၤ ဘနါယၤအဖိခွါစီၤယဟိယဒါကဲထီၣ်ပှၤဟ့ၣ်ကူၣ်ဟ့ၣ်ဖးတၢ်တဖၣ် န့ၣ်လီၤ. စီၤယိၤအာ်မ့ၢ်စီၤပၤအပှၤသုးမုၢ်, သုးခိၣ်ကျၢၢ်န့ၣ်လီၤ.

စံးထီၣ်ပတြၢၤ 60:9

ကစၢ်ယွၤဧၢ, မ့ၢ်မတၤတဂၤကဒုးလဲၤနုာ်ယၤဆူ ဝ့ၢ်အိၣ်ဒီးအခိၣ်ဒူန့ၣ်လဲၣ်. မ့ၢ်မတၤကဆှၢယၤဆူအဒိၣ်တဂၤန့ၣ်လဲၣ်.

လံာ်စီၤၡမူၤအ့လးအခီၣ်ထံးတဘ့ၣ် 17:25

အဝဲသ့ၣ်စံးလိာ်အသးတဂၤဒီးတဂၤ, “ကွၢ်အီၤတက့ၢ်. ကနၣ်အဝဲတၤတၢ်အတၢ်ကတိၤတက့ၢ်. စီၤပၤစီၤစီလူးအၢၣ်လီၤတၢ်လၢကဟ့ၣ်ခိၣ်ဖးဒိၣ်ဒိၣ်ကလဲာ်ဆူ ပှၤတဂၤလၢအမၤသံအီၤလီၤ. စီၤပၤကဟ့ၣ်အီၤစ့ၢ်ကီးလၢအဖိမုၣ်ဒ်သိးကဖျီအသးဒီးအပၢ် အဒူၣ်ဖိထၢဖိကဘၣ်ဟ့ၣ်တၢ်အခိအသွဲအလီၢ်တအိၣ်ဘၣ်န့ၣ်လီၤ.”