လံာ်ကွဲးနီၣ်တၢ်အခီၣ်ထံးတဘ့ၣ် 11:23 - Sgaw Karen Common Bible

²³ အဝဲမၤသံကွံာ်စ့ၢ်ကီးပှၤအဲၤကူပတူးဖိတဂၤ, ပှၤဖးဒိၣ်လၢအနီၢ်ထီယဲၢ်ပျၢ်ဒီးဖီၣ်ဃးအဘီဖးဒိၣ်လၢအစု ပူၤန့ၣ်လီၤ. ဘၣ်ဆၣ်စီၤဘနါယၤလဲၤလီၤဆူအအိၣ်ဒီးထီဒါအီၤဒီးနီၣ်တီၢ် တဘိ, ဂုာ်န့ၢ်ဘီလၢပှၤအဲၤကူပတူးဖိအစုပူၤဒီးမၤသံကွံာ်အီၤ လၢဘီအဝဲန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 11:23 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 11:24

တၢ်သ့ၣ်တဖၣ်န့ၣ်မ့ၢ်တၢ်မၤအဒူတဖၣ်လၢစီၤဘနါယၤ, ပှၤတဂၤလၢပှၤသၢဆံအကျါမၤဝဲန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 20:5

တၢ်ဒုးတၢ်ယၤအဂၤတဘျီအိၣ်ထီၣ်ကဒီးဝဲဒီးပှၤဖလ့ၡသးဖိတ ဖၣ်, ဒီးစီၤယၤအံၢ်အဖိခွါစီၤအ့လဃၤနၣ်မၤသံကွံာ်ပှၤကံးတံး ဖိလၢဝ့ၢ်ကၤသးစီၤကၤလယၤအဒီပုၢ်ဝဲၢ်ခွါစီၤလၤဃမံလၢအဘီ အိၣ်ဒီးအတိၢ်လီၤဂာ်ဒီးပှၤထါထၣ်ဖိအနီၣ်ဘိန့ၣ်လီၤ.

လံာ်သိၣ်လီၤသီလီၤတၢ် 3:11

(စီၤပၤစီၤဧိာ်မ့ၢ်အစီၤပၤလၢခံကတၢၢ်တဂၤဖဲဝ့ၢ်ရးဘးန့ၣ်လီၤ. အဝဲအကျုာ်န့ၣ်ဘၣ်တၢ်မၤအီၤလၢလၢၢ်ဒီးအလဲၢ်အိၣ်လွံၢ်ပျၢ်ဒီး အထီအိၣ်ဝဲဃုပျၢ်ဃၣ်ဃၣ်ဒ်နီၣ်ထီၣ်အတီလၢတၢ်ပာ်လီၤအီၤအသိး န့ၣ်လီၤ. တၢ်န့ၣ်ဘၣ်တၢ်ထံၣ်အီၤသ့ဒံးဝဲတုၤခဲကနံၣ်အံၤ, လၢပှၤဧၣ်မိၣ်ဖိအဝ့ၢ်, ဝ့ၢ်ရးဘးအပူၤန့ၣ်လီၤ.)

လံာ်စီၤၡမူၤအ့လးအခီၣ်ထံးတဘ့ၣ် 17:4

ပှၤလၢအမံၤမ့ၢ်စီၤကၤလယးလၢဝ့ၢ်ကၤသးတဂၤန့ၣ်ဟဲထီၣ်လၢပှၤ ဖလ့ၡသးဖိတဖၣ်အသူၣ်ဒဲအလီၢ်ပူၤဒ်သိးကတၤပှၤအံၣ်စရ့လးဖိ တဖၣ်န့ၣ်လီၤ. အဝဲအဂီၤအထီအိၣ်ဝဲဃုပျၢ်အဘျဲၣ်,

လံာ်စီၤၡမူၤအ့လးအခီၣ်ထံးတဘ့ၣ် 17:51

အဝဲဃ့ၢ်ဆူစီၤကၤလယးအအိၣ်, ဆၢထၢၣ်လၢအဖီခိၣ်, ဟံးန့ၢ်အနးလၢအတြိးပူၤဒီး ကျီတဲာ်ကွံာ်ဝဲအခိၣ်ဒီးမၤသံကွံာ်အီၤန့ၣ်လီၤ. ဖဲပှၤဖလ့ၡသးဖိတဖၣ်ထံၣ်ဘၣ်ဝဲလၢအဝဲသ့ၣ်အပှၤဒူပှၤဃိၤသံ လံန့ၣ်, ထွးထီၣ်ဃ့ၢ်ကွံာ်ဝဲလီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:7

အဘီန့ၣ်တီၢ်ထဲသိးပှၤထါထၣ်ဖိအထၣ်နီၣ်ဘိဒီးအကနၣ်ထးန့ၣ် အတယၢၣ်အိၣ်ဝဲၡက့လးဃုကယၤလီၤ. ပှၤသုးဖိတဂၤလဲၤတၢ်အမဲာ်ညါဒီးစိာ်န့ၢ်အီၤအကတီၤတဘ့ၣ်န့ၣ် လီၤ.