လံာ်ကွဲးနီၣ်တၢ်အခီၣ်ထံးတဘ့ၣ် 11:20 - Sgaw Karen Common Bible

²⁰ စီၤယိၤအာ်အဒီပုၢ်ဝဲခွါစီၤအဘံၡဲၤမ့ၢ်ပှၤအခိၣ်လၢပှၤမံၤ ဟူသၣ်ဖျါသၢဆံအကျါန့ၣ်လီၤ. အဝဲဒုးတၢ်ဒီးအဘီထီဒါပှၤသၢကယၤဂၤဒီးမၤသံကွံာ်ဝဲ, ဒီးကဲထီၣ်ပှၤမံၤဟူသၣ်ဖျါလၢပှၤသၢဆံအကျါန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 11:20 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 18:2

အန့ၣ်ဝံၤဒီး, အဝဲဆှၢလီၤအဝဲသ့ၣ်သၢကရူၢ်အိၣ်ဒီးစီၤယိၤအာ်, စီၤယိၤအာ်အဒီပုၢ်ဝဲၢ်စီၤအဘံၡဲၤဒီးပှၤကၤသးဖိစီၤအံတဲၤ, တဂၤစုာ်စုာ်ဒ်သုးခိၣ်ဖးဒိၣ်တဖၣ်လၢကရူၢ်တဖုဘၣ်တဖုအဖီခိၣ် လီၤ. ဒီးစီၤပၤစံးဘၣ်အပှၤတဖၣ်, “ယကလဲၤဃုာ်ဒီးသုလၢယနီၢ်ကစၢ်ဒၣ်ယဲလီၤ.”

လံာ်စီၤၡမူၤအ့လးခံဘ့ၣ်တဘ့ၣ် 2:18

နီၢ်စရူၤယၤအဖိခွါသၢဂၤလၢအမံၤမ့ၢ်ဝဲစီၤယိၤအာ်, စီၤအဘံၡဲၤဒီးစီၤဧစၤအ့လးန့ၣ်အိၣ်ဝဲဖဲန့ၣ်လီၤ. စီၤဧမၤအ့လးလၢအဃ့ၢ်တၢ်ချ့ဝဲထဲသိးဒီးတၤဟိအမံၤတဒု,

လံာ်စီၤၡမူၤအ့လးခံဘ့ၣ်တဘ့ၣ် 20:6

လၢတၢ်န့ၣ်အဃိ, စီၤပၤစံးဘၣ်စီၤအဘံၡဲၤဒ်အံၤ, “စီၤၡဘၤကဟ့ၣ်ပှၤတၢ်ကီတၢ်ခဲအါန့ၢ်ဒံးစီၤအးဘၡါလိၣ် တက့ၢ်လီၤ. ဟံးန့ၢ်ယပှၤတဖၣ်ဒီးလဲၤလူၤအီၤတက့ၢ်. မ့တမ့ၢ်ဘၣ်ဒ်န့ၣ်ဒီး, အဝဲကမၤန့ၢ်ဝ့ၢ်လၢအအိၣ်ဒီးတိာ်ဧိၤတာ် ဧိၤတနီၤဒီးပူၤဖျဲးကွံာ်လၢပစုပူၤန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 21:17

ဘၣ်ဆၣ်ဒီးနီၢ်စရူယၤအဖိခွါစီၤအဘံၡဲၤဟဲမၤစၢၤစီၤဒၤဝံးဒီးဒုးပှၤဖးဒိၣ်တဂၤန့ၣ်, ဒီးမၤသံကွံာ်အီၤလီၤ. တုၤနုၤတစု, စီၤဒၤဝံးအပှၤတဖၣ်မၢစီၤဒၤဝံးအၢၣ်လီၤတၢ်လၢအဝဲတပိာ်လၢၤဘၣ်အဝဲသ့ၣ်အခံဆူ တၢ်ဒုးပျီအပူၤနီတစု ဘၣ်န့ၣ်လီၤ. အဝဲသ့ၣ်စံးဝဲဒၣ်, “နမ့ၢ်ကီၢ်အံၣ်စရ့လးအတၢ်မုၢ်လၢ် ဒီးပတအဲၣ်ဒိးလၢနကလီၤမၢ်ကွံာ်လၢပဂီၢ်ဘၣ်.”

လံာ်စီၤၡမူၤအ့လးခံဘ့ၣ်တဘ့ၣ် 3:30

မၤသးဒ်န့ၣ်ဒီးစီၤယိၤအာ်ဒီးအဒီပုၢ်ဝဲၢ်စီၤအဘံၡဲၤဟ့ၣ်ကၣ် စီၤအဘံန့ၢ်လၢအမၤသံအဒီပုၢ်ဝဲၢ်ခွါစီၤဧစၤအ့လးလၢတၢ်ဒုးဖဲဝ့ၢ်ကံးဘိၣ် အပူၤအဃိန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 11:19

ဒီးစံးဝဲ, “ယအီထံအံၤတလီၤဘၣ်. တၢ်အံၤကလီၤဂာ်ဒီးတၢ်အီပှၤတဖၣ်လၢအညိကွံာ်အသးလၢတၢ်သံခ့ သံပှၤအတၢ်မၤအဂီၢ်အသွံၣ်န့ၣ်လီၤ.” လၢတၢ်န့ၣ်အဃိအဝဲဂ့ၢ်လိာ်လၢကအီထံန့ၣ်လီၤ. အအံၤမ့ၢ်တၢ်မၤအဒူအဃိၤလၢပှၤသုးဖိစဲၣ်နီၤသၢဂၤမၤဝဲန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 11:21

အဝဲမ့ၢ်ပှၤအမံၤဟူသၣ်ဖျါကတၢၢ်လၢပှၤသၢဆံ အကျါဒီးကဲထီၣ်အဝဲသ့ၣ်အခိၣ်န့ၣ်လီၤ. ဘၣ်ဆၣ်အဝဲအမံၤတဟူထဲသိးပှၤသၢဂၤအံၤန့ၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 26:6

အန့ၣ်ဝံၤဒီးစီၤဒၤဝံးသံကွၢ်ပှၤဃ့ၤသးဖိစီၤအဃံၤမ့လ့း, ဒီးစီၤယိၤအာ်အဒီပုၢ်ဝဲၢ်စီၤအဘံၡဲၤ (အဝဲသ့ၣ်အမိၢ်မ့ၢ်နီၢ်စရူၤယၤလီၤ), “သုဝဲခံဂၤအကျါမ့ၢ်မတၤကလဲၤဃုာ်ဒီးယၤဆူစီၤစီလူးအဒဲ လဲၣ်.” စီၤအဘံၡဲၤစံးဆၢဝဲ, “ယကလဲၤလီၤ.”