လံာ်ကွဲးနီၣ်တၢ်အခီၣ်ထံးတဘ့ၣ် 11:19 - Sgaw Karen Common Bible

¹⁹ ဒီးစံးဝဲ, “ယအီထံအံၤတလီၤဘၣ်. တၢ်အံၤကလီၤဂာ်ဒီးတၢ်အီပှၤတဖၣ်လၢအညိကွံာ်အသးလၢတၢ်သံခ့ သံပှၤအတၢ်မၤအဂီၢ်အသွံၣ်န့ၣ်လီၤ.” လၢတၢ်န့ၣ်အဃိအဝဲဂ့ၢ်လိာ်လၢကအီထံန့ၣ်လီၤ. အအံၤမ့ၢ်တၢ်မၤအဒူအဃိၤလၢပှၤသုးဖိစဲၣ်နီၤသၢဂၤမၤဝဲန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 11:19 Iomraidhean Croise

လံာ်တၢ်ကဲထီၣ်အခီၣ်ထံး 9:4

တၢ်တမံၤလၢသုတဘၣ်အီၣ်အီၤန့ၣ်တၢ်ညၣ်လၢတၢ်သွံၣ်အိၣ်ဒံးလၢ အပူၤန့ၣ်လီၤ. ယတြီတၢ်အံၤမ့ၢ်လၢသးသမူ အိၣ်လၢတၢ်သွံၣ်အပူၤအဃိလီၤ.

လံာ်စီၤၡမူၤအ့လးခံဘ့ၣ်တဘ့ၣ် 23:17

ဒီးအဝဲဒၣ်စံးဝဲ, “ယွၤဧၢ, ယအီတၢ်အံၤတလီၤဘၣ်ဝဲနီတစဲး ဘၣ်. တၢ်န့ၣ်ကမၤအသးဒ်ယအီ ပှၤလၢအဟ့ၣ်လီၤအသးသမူတဖၣ်အံၤအသွံၣ်အသိးန့ၣ်လီၤ.” လၢတၢ်န့ၣ်အဃိအဝဲဂ့ၢ်လိာ်လၢကအီတၢ်န့ၣ်လီၤ. တၢ်တဖၣ်န့ၣ်, မ့ၢ်တၢ်မၤအဒူအဃိာ်လၢပှၤသုးဖိမံၤဟူသၣ်ဖျါသၢဂၤမၤဝဲန့ၣ်လီၤ.

လံာ်စီၤပၤအခီၣ်ထံးတဘ့ၣ် 21:3

စီၤနၤဘိးစံးဆၢဝဲ, “ယန့ၢ်သါဘၣ်စပံးလီၢ်အံၤလၢယမိၢ်ပၢ် ဖံဖုလၢပျၢၤတဖၣ်အအိၣ်န့ၣ်လီၤ. မ်ယွၤတြီယၤလၢယကပျဲနမၤန့ၢ်အီၤန့ၣ်တက့ၢ်.”

လံာ်ကွဲးနီၣ်တၢ်အခီၣ်ထံးတဘ့ၣ် 11:18

ဒီးပှၤသုးဖိစဲၣ်နီၤသၢဂၤလဲၤခီဂာ်ဆူၣ်ပှၤဖလ့ၡသးဖိသူၣ် ဒဲအလီၢ်ဒီးဒၢၣ်န့ၢ်ထံတနီၤလၢထံပူၤ, ဒီးဟဲက့ၤစိာ်န့ၢ်စီၤ ဒၤဝံးန့ၣ်လီၤ. ဘၣ်ဆၣ်အဝဲတအီဝဲဒၣ်ဘၣ်. မ့မ့ၢ်လူလီၤကွံာ်ဝဲဒ်တၢ်လုၢ်ထီၣ်လၢယွၤအဂီၢ်အသိး,

လံာ်ကွဲးနီၣ်တၢ်အခီၣ်ထံးတဘ့ၣ် 11:20

စီၤယိၤအာ်အဒီပုၢ်ဝဲခွါစီၤအဘံၡဲၤမ့ၢ်ပှၤအခိၣ်လၢပှၤမံၤ ဟူသၣ်ဖျါသၢဆံအကျါန့ၣ်လီၤ. အဝဲဒုးတၢ်ဒီးအဘီထီဒါပှၤသၢကယၤဂၤဒီးမၤသံကွံာ်ဝဲ, ဒီးကဲထီၣ်ပှၤမံၤဟူသၣ်ဖျါလၢပှၤသၢဆံအကျါန့ၣ်လီၤ.

လံာ်စီၤယိၤဘး 31:31

ကယဲၢ်ယပှၤမၤတၢ်ဖိခဲလၢာ်သ့ၣ်ညါလၢယတူၢ်လိာ်တ့ၢ် ပှၤသမှံၤတဖၣ်ထီဘိန့ၣ်လီၤ.

စံးထီၣ်ပတြၢၤ 72:14

အဝဲပှ့ၤက့ၤအဝဲသ့ၣ်အသးသမူလၢ ပှၤမၤနးမၤဖှီၣ်တၢ်အစုပူၤ ဒီးအသွံၣ်န့ၣ်မ့ၢ်တၢ်လုၢ်ဒိၣ်ပှ့ၤဒိၣ် လၢအမဲာ်ညါလီၤ.

လံာ်တၢ်ဘူၣ်ထီၣ်ဘါထီၣ် 17:10

ဒီးပှၤအံၣ်စရ့လးဖိတဂၤလၢ်လၢ်မ့ၢ်ဂ့ၤ, ပှၤတခီဘီမုၢ်ဖိအိၣ်လၢအကျါတဂၤလၢ်လၢ်မ့ၢ်ဂ့ၤမ့ၢ်အီၣ်ဘၣ်တၢ် ညၣ်လၢအအိၣ်ဒီးတၢ်သွံၣ်န့ၣ်, ယွၤကညိကွံာ်အီၤ, ဒီးတမ့ၢ်လၢၤဘၣ်ပှၤတဂၤလၢယွၤအပှၤဂီၢ်မုၢ် အကျါလၢၤဘၣ်.

လံာ်မၢ်ကူး 14:24

ယ့ၣ်ၡူးစံးဘၣ်အဝဲသ့ၣ်, “အအံၤမ့ၢ်ယသွံၣ်လၢအဘၣ်တၢ်ဂၢ်လီၤ အီၤလၢပှၤအါဂၤအဂီၢ်, သွံၣ်လၢအမၤဂၢၢ်မၤကျၢၤကစၢ်ယွၤအတၢ်အၢၣ်လီၤအီလီၤန့ၣ်လီၤ.

လံာ်ယိၤဟၣ် 6:55

အဂ့ၢ်ဒ်အံၤ, ယညၣ်မ့ၢ်တၢ်အီၣ်နီၢ်နီၢ်, ဒီးယသွံၣ်မ့ၢ်တၢ်အီ နီၢ်နီၢ်လီၤ.

ရိမ့ၤ 16:4

အဝဲသ့ၣ်ကွၢ်ဆၢၣ်မဲာ်ဒၣ်လဲာ်တၢ်သံခ့သံပှၤလၢယဂီၢ်န့ၣ်လီၤ. ယစံးဘျုးဘၣ်အဝဲသ့ၣ်ဒိၣ်မးဒီးတမ့ၢ်ထဲယၤတဂၤဧိၤဘၣ်, မ့မ့ၢ်ပှၤကလုာ်ဂၤအတၢ်အိၣ်ဖှိၣ်ခဲလၢာ်စံးဘျုးဘၣ်အဝဲသ့ၣ် စ့ၢ်ကီးန့ၣ်လီၤ.

1 ကရံၣ်သူး 15:30

ဒီးမ့မ့ၢ်ပဝဲသ့ၣ်တဖၣ်, ဘၣ်မနုၤအဃိပဘၣ်အိၣ်လၢတၢ်လီၤပျံၤ လီၤဘၣ်ယိၣ်အပူၤကိးနၣ်ရံၣ်ကိးဆၢကတီၢ်ဒဲးန့ၣ်လဲၣ်.

လံာ်ပှၤစံၣ်ညီၣ်ကွီၢ် 5:18

ဘၣ်ဆၣ်ဒီးစဘူလိၣ်အပှၤဂီၢ်မုၢ်ဒီးနးသၤလံအပှၤဂီၢ်မုၢ်ဟ့ၣ်လီၤအသးဒူဒူလၢတၢ်ဒုးပျီအပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 9:17

သ့ၣ်နီၣ်ထီၣ်က့ၤလၢယပၢ်ဒုးတ့ၢ်တၢ်လၢသုဂီၢ်တက့ၢ်. အဝဲဟ့ၣ်လီၤအသးသမူဒ်သိးအကအုၣ်က့ၤခီၣ်က့ၤသုလၢပှၤမံးဒယၣ်ဖိတဖၣ်အစုပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:5

အဝဲညိကွံာ်အသးသမူဖဲအမၤသံစီၤကၤလယးဒီးယွၤမၤနၢၤတၢ် ဖးဒိၣ်လၢကီၢ်အံၣ်စရ့လးအဂီၢ်လီၤ. ဖဲနထံၣ်တ့ၢ်တၢ်န့ၣ်ဒီးနသးခုလီၤ. အန့ၣ်ဒီး, ဘၣ်မနုၤအဃိခဲအံၤနအဲၣ်ဒိးမၤကမၣ်ပှၤအတၢ်ကမၣ်တအိၣ် ဘၣ်တဂၤဒီးမၤသံစီၤဒၤဝံးလၢတၢ်ဂ့ၢ်တၢ်ကျိၤတအိၣ်ဘၣ်အပူၤ န့ၣ်လဲၣ်.”