လံာ်ကွဲးနီၣ်တၢ်အခီၣ်ထံးတဘ့ၣ် 10:14 - Sgaw Karen Common Bible

¹⁴ လၢတၢ်န့ၣ်အဃိယွၤမၤသံကွံာ်အီၤဒီးဟ့ၣ်လီၤဝဲတၢ်ပၢဘၣ်ဘီ မုၢ်ဆူစီၤယံးၡဲအဖိခွါစီၤဒၤဝံးအစုပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 10:14 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 5:3

လၢတၢ်န့ၣ်အဃိကယဲၢ်ပှၤခိၣ်ပှၤနၢ်လၢကီၢ်အံၣ်စရ့လးအပူၤဟဲဆူ စီၤပၤဒၤဝံးအအိၣ်ဖဲဝ့ၢ်ဃ့ဘြိၣ်န့ၣ်လီၤ. အဝဲမၤတၢ်ဒီသိၣ်ဒီမှံၤဒီးအဝဲသ့ၣ်လၢယွၤအမဲာ်ညါ, ဒီးအဝဲသ့ၣ်ဖှူစီၤဒၤဝံးဒ်သိးကကဲထီၣ်စီၤပၤလၢကီၢ်အံၣ်စရ့လးအဖီခိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 12:23

ဖဲစီၤဒၤဝံးအိၣ်ဝဲဖဲဝ့ၢ်ဃ့ဘြိၣ်န့ၣ်, ပှၤသုးဖိလၢအသ့ အဘၣ်အါဂၤဟဲပာ်ဖှိၣ်အသးဒီးအဝဲအသုးမုၢ်လၢကမၤစၢၤတၢ်လၢအ ဝဲကကဲထီၣ်စီၤပၤလၢစီၤပၤစီၤစီလူးအလီၢ်အဂီၢ်ဒ်ယွၤအၢၣ်လီၤ တ့ၢ်ဝဲအသိးန့ၣ်လီၤ. အဝဲသ့ၣ်အတၢ်ဂံၢ်တဖၣ်မ့ၢ်ဒ်လၢလာ်အံၤအသိးလီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 17:13

ယကမ့ၢ်အပၢ်ဒီးအဝဲကမ့ၢ်ယဖိခွါန့ၣ်လီၤ. ယတထုးကွံာ်ဘၣ်ယတၢ်မၤစၢၤအီၤဒ်ယထုးကွံာ်ယတၢ်မၤစၢၤလၢစီၤ စီလူးအအိၣ်အသိး, ဒီးသုးကွံာ်တ့ၢ်အီၤဒ်သိးအဝဲကဲထီၣ်စီၤပၤကသ့န့ၣ်ဘၣ်.

လံာ်ကွဲးနီၣ်တၢ်အခီၣ်ထံးတဘ့ၣ် 2:12

စီၤဧိၤဘ့းဒီးစီၤယံးၡဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 16:12

လၢစီၤပၤအၤစါပၢတၢ်သၢဆံခွံနံၣ်တနံၣ်အပူၤန့ၣ်, အဝဲအခီၣ်ဟးဂီၤကွံာ်ဝဲလၢခီၣ်အတၢ်ဆါနးနးကလဲာ်တမံၤအဃိ န့ၣ်လီၤ. ဘၣ်ဆၣ်, အန့ၣ်ဒၣ်လဲာ်အဝဲတဃၣ်ဘၣ်အသးဆူ ယွၤအအိၣ်လၢတၢ်မၤစၢၤအဂီၢ်ဘၣ်. မ့မ့ၢ်ဃၣ်အသးဆူ ကသံၣ်သရၣ်တဖၣ်အအိၣ်တခီန့ၣ်လီၤ.

တၢ်ကတိၤဒိ. 17:13

နမ့ၢ်ဟ့ၣ်ကၣ်တၢ်အၢလၢတၢ်ဂ့ၤအဂီၢ်န့ၣ်, နထုးထီၣ်ကွံာ်တၢ်အၢတၢ်သီလၢနဟံၣ်ပူၤတသ့နီတဘျီဘၣ်.

လံာ်ယၡါယၤ 10:15

ဘၣ်ဆၣ်ဒီးယွၤစံးဝဲဒၣ်, “ကွါတဘ့ၣ်စံးလီၤအသးလၢအ ဒိၣ်န့ၣ်ဒံးပှၤလၢအသူအီၤတဂၤန့ၣ်ကသ့ဧါ. ထးဘူးတဲာ်မ့ၢ် အကါဒိၣ်န့ၣ်ဒံးပှၤလၢအဘူးတဲာ်တၢ်လၢအီၤတဂၤန့ၣ်ဧါ. နီၣ်တီၢ်တယၤထီၣ်ပှၤကညီတဂၤန့ၣ်ဘၣ်. မ့မ့ၢ်, ပှၤကညီယၤထီၣ်နီၣ်တီၢ်တခီန့ၣ်လီၤ.”

လံာ်ယၡါယၤ 10:7

ဘၣ်ဆၣ်ဒီး, ကီၢ်အၤၡူၢ်အစီၤပၤဖးဒိၣ်အိၣ်ဒီးအတၢ်ကူၣ် အၢဒၣ်ဝဲလၢအသးပူၤလီၤ. အဝဲပာ်လီၤအသးသပှၢ်တၢၢ်လၢ ကမၤဟးဂီၤပှၤအါကလုာ်လီၤ.

လံာ်စီၤယိၤၡူ 9:14

ပှၤအံၣ်စရ့လးဖိတဖၣ်တူၢ်လိာ်တၢ်အီၣ်တနီၤလၢအဝဲသ့ၣ်ဟဲစိာ် ဝဲ, ဘၣ်ဆၣ်ဒီး အဝဲသ့ၣ်တဃ့တၢ်ဟ့ၣ်ကူၣ်လၢ ယွၤလၢတၢ်ဂ့ၢ်အံၤ ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 13:14

မ့မ့ၢ်ခဲကနံၣ်အံၤနတၢ်ပၢတၢ်ပြးတလဲၤဆူညါတပယူာ်ဃီဘၣ်. အဂ့ၢ်ဒ်အံၤနတစူၢ်အီၤဘၣ်အဃိလီၤ. ယွၤကဃုန့ၢ်ပှၤတဂၤလၢအဝဲသးလီဝဲဒီးဒုးကဲထီၣ်အီၤလၢပှၤပၢဘၣ်အပှၤဂီၢ်မုၢ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 15:28

စီၤၡမူၤအ့လးစံးဘၣ်အီၤ, “ယွၤဖှီယာ်ကွံာ်ကီၢ်အံၣ်စရ့လး အဘီအမုၢ်ယံၤဒီးနၤလၢတနံၤအံၤဒီးဟ့ၣ်လီၤအီၤဆူပှၤအဂ့ၤ ဒိၣ်န့ၢ်အါန့ၢ်နၤတဂၤအအိၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:1

ယွၤစံးဘၣ်စီၤၡမူၤအ့လး, “မ့ၢ်နကသးအုးလၢစီၤစီလူးအဃိ ဆူညါဆံးယံာ်လဲၣ်. ယညိကွံာ်တ့ၢ်အီၤဒ်ကီၢ်အံၣ်စရ့လး အစီၤပၤတဂၤအသိးလံ. မ့မ့ၢ်ခဲကနံၣ်အံၤဟံးန့ၢ်သ့ၣ်စၤယံးအသိတနီၤဒီးလဲၤဆူ ဝ့ၢ်ဘ့ၤသလ့ဃ့ၣ်ဆူပှၤတဂၤလၢအမံၤမ့ၢ် စီၤယံးၡဲအအိၣ်တက့ၢ်. အဂ့ၢ်ဒ်အံၤ, ယဃုထၢတ့ၢ်အဖိခွါတဖၣ်အကျါတဂၤလၢအကကဲထီၣ်စီၤပၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 28:17

ယွၤမၤဘၣ်တ့ၢ်နၤဒ်အစံးတ့ၢ်ဝဲခီဖျိယၤအသိးန့ၣ်လီၤ. အဝဲဟံးထီၣ်ကွံာ်ဘီမုၢ်လၢနစုပူၤဒီးလၢနလီၢ်န့ၣ်ဟ့ၣ်လီၤ ဝဲဆူစီၤဒၤဝံးအအိၣ်လၢနလီၢ်လံ.

လံာ်စီၤၡမူၤအ့လးအခီၣ်ထံးတဘ့ၣ် 28:6

မၤသးဒ်န့ၣ်ဒီး, အဝဲသံကွၢ်ယွၤလၢကဘၣ်မၤတၢ်မနုၤလဲၣ်န့ၣ်လီၤ. ဘၣ်ဆၣ်ဒီးလၢတၢ်မံမီၢ်မ့ၢ်ဂ့ၤ, လၢအူရံၣ်ဒီးတူမံၢ်မ့ၢ်ဂ့ၤ, ခီဖျိဝံတဖၣ်မ့ၢ်ဂ့ၤန့ၣ်, ယွၤတစံးဆၢအီၤနီတမံၤဘၣ်.