လံာ်ကွဲးနီၣ်တၢ်အခီၣ်ထံးတဘ့ၣ် 10:1 - Sgaw Karen Common Bible

¹ ဒီးပှၤဖလ့ၡသးဖိဒုးတၢ်ဒီးပှၤအံၣ်စရ့လးဖိလၢကစၢၢ်ကံး လဘိအလိၤန့ၣ်လီၤ. ဒီးပှၤအံၣ်စရ့လးဖိအါဂၤဘၣ်တၢ်မၤသံအီၤဖဲန့ၣ်ဒီးပှၤလၢ အအိၣ်လီၤတဲာ်တဖၣ်, အိၣ်ဃုာ်ဒီးစီၤပၤစီၤစီလူးဒီးအဖိခွါဃ့ၢ်ပူၤဖျဲးကွံာ် ဝဲဒၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 10:1 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:21

မ်မူခိၣ်စူၤထံမ့ၢ်ဂ့ၤ, ပစီၤထံမ့ၢ်ဂ့ၤသုတလီၤလၢကံးလဘိ အတၢ်လူၢ်တဖၣ်အဒီခိၣ်တဂ့ၤ. မ်အစံၣ်ပျီတဖၣ်အိၣ်သယုၢ်အိၣ်လီၤဃီထီဘိတက့ၢ်. အဂ့ၢ်ဒ်အံၤ, ပှၤအဒူအဃိၤအကတီၤတဖၣ်ဒါလီၤအသးဖဲန့ၣ် လၢတၢ်မဲာ်ဆှးအပူၤလီၤ. စီၤစီလူးအကတီၤန့ၣ်တဘၣ်တၢ်ဖှူကပီၤထီၣ်အီၤလၢသိ နီတစုလၢၤဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 1:6

အဝဲဒၣ်စံးဆၢဝဲ, “ယလဲၤဘၣ်အတီၤလၢကစၢၢ်ကံးလဘိ အဒီခိၣ်, ဒီးယထံၣ်လၢစီၤစီလူးထိၣ်လီၤဃံၤအသးလၢအဘီ ဖီခိၣ်ဒီးဒုၣ်ဒါအလ့ၣ်ကဟၣ်ဒုးသုးတဖၣ်ဒီးကသ့ၣ်ဒုးသုးတဖၣ် ဘူးတ့ၢ်မးလၢကတုၤဆူအအိၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 21:12

အဝဲလဲၤဒီးဟံးန့ၢ်စီၤစီလူးဒီးအဖိခွါစီၤယိနၤသၣ်အဃံတဖၣ် လၢဝ့ၢ်ယၤဘ့ၣ်အပူၤလၢကီၢ်ကံးလဧးအပှၤဂီၢ်မုၢ်အအိၣ်န့ၣ်လီၤ. (အဝဲသ့ၣ်ဟုၣ်န့ၢ်တ့ၢ်တၢ်တဖၣ်န့ၣ်လၢဝ့ၢ်ဘ့ၤသၡၣ်အတၢ်လီၢ်လီၤပျီ, ဖဲပှၤဖလ့ၡသးဖိတဖၣ်ဘျးထီၣ်တ့ၢ်တၢ်အစိၣ်တဖၣ်န့ၣ် ဖဲမုၢ်တနံၤလၢအဝဲသ့ၣ်မၤသံကွံာ် စီၤစီလူးလၢကစၢၢ်ကံးလဘိးအလိၤအခါန့ၣ်လီၤ.)

လံာ်ကွဲးနီၣ်တၢ်အခီၣ်ထံးတဘ့ၣ် 10:8

ဖဲတၢ်ဒုးဝံၤအလီၢ်ခံမုၢ်ဆ့ၣ်ထီၣ်န့ၣ်, ပှၤဖလ့ၡသးဖိတဖၣ်လဲၤ ဒ်သိးကဘ့ၣ်ကွံာ်ဒီးဂုာ်န့ၢ်ပှၤသံတဖၣ်အကူအသိးန့ၣ်လီၤ. အဝဲသ့ၣ်ထံၣ်ဘၣ်စီၤစီလူးဒီးအဖိခွါတဖၣ်အစိၣ်အိၣ်ဒါလီၤ အသးလၢကစၢၢ်ကံးလဘိအလိၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:44

စီၤအၤစ့လးအိၣ်ဒီးအဖိခွါဃုဂၤလၢအမ့ၢ်ဝဲ, စီၤဧးစရံကၣ်, စီၤဘိကရူၤ, စီၤယံးၡမၤဧ့လး, စီၤၡၤရံယၤ, စီၤဧိၤဘါဒယၤ, ဒီးစီၤဃၤနၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 28:1

လၢခံတယံာ်ဘၣ်န့ၣ်, ပှၤဖလ့ၡသးဖိတဖၣ်ပာ်ဖှိၣ်ထီၣ်အသုးမုၢ်သံၣ်ဘိ ဒ်သိးကဒုးပှၤအံၣ်စရ့လးဖိတဖၣ်ဒီးစီၤအၤကံၣ်စံးဘၣ် စီၤဒၤဝံး, “နနၢ်ပၢၢ်လၢနၤဒီးနပှၤတဖၣ်ကဘၣ်ဒုးတၢ်လၢယအိၣ်တကပၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 28:4

ပှၤဖလ့ၡသးဖိအသုးမုၢ်တဖၣ်ပာ်ဖှိၣ်ထီၣ်အသးဒီးသူၣ်လီၤအဒဲ ဖဲအဘူးဒီးဝ့ၢ်ၡူန့ၣ်လီၤ. စီၤစီလူးပာ်ဖှိၣ်ပှၤအံၣ်စရ့လးဖိတဖၣ်ဒီးသူၣ်လီၤအဒဲဖဲ ကစၢၢ်ကံးလဘိန့ၣ်လီၤ.