လံာ်ကွဲးနီၣ်တၢ်အခီၣ်ထံးတဘ့ၣ် 1:17 - Sgaw Karen Common Bible

¹⁷ စီၤၡ့ၣ်အဖိခွါတဖၣ်န့ၣ်မ့ၢ်ဝဲစီၤဧ့ၤလၣ်, စီၤအၤၡူၢ်, စီၤအၢ်ဖးၡး, စီၤလူး, စီၤအရၣ်, စီၤဧူးစး, စီၤဃူလး, စီၤက့သၢ်, ဒီးစီၤမ့ၤၡ့း တဖၣ်န့ၣ်လီၤ. အဝဲသ့ၣ်မ့ၢ်ပှၤဂီၢ်မုၢ်ဟံးန့ၢ်အမံၤတဖၣ်ဒ်အပၢ်ဖးဒိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 1:17 Iomraidhean Croise

လံာ်တၢ်ကဲထီၣ်အခီၣ်ထံး 10:21

စီၤၡ့ၣ်လၢအမ့ၢ်စီၤယ့းဖ့းသးအဝဲၢ်အံၤမ့ၢ်ဝဲကယဲၢ်ပှၤဧ့ၤဘြံၤဖိခဲလၢာ်အပၢ်လၢပျၢၤန့ၣ်လီၤ.

လံာ်တၢ်ကဲထီၣ်အခီၣ်ထံး 11:10

အအံၤတဖၣ်မ့ၢ်စီၤၡ့ၣ်အစၢၤအသွဲၣ်န့ၣ်လီၤ. ထံလုၣ်ဘၢတၢ်ဝံၤအလီၢ်ခံဖဲစီၤၡ့ၣ်အသးအိၣ်ဝဲအနံၣ်တကယၤ န့ၣ်, ထီၣ်ဖိန့ၢ်အဖိခွါတဂၤ, စီၤအၢ်ဖးၡးလီၤ.

လံာ်တၢ်ကဲထီၣ်အခီၣ်ထံး 14:1

ဒီးတၢ်မၤအသးလၢစီၤပၤလွံၢ်ဂၤလၢအမ့ၢ်ကီၢ်ဘၤဘူၤလိၣ်အစီၤ ပၤစီၤအးမရၤဖ့လး, ပှၤအ့းလးစၢ်အစီၤပၤစီၤအၤရယိာ်, ပှၤဧ့ၤလၣ်အစီၤပၤစီၤကဒၢ်လဧိမ့ၢ်ဒီးပှၤကလုာ်တဖၣ်အစီၤပၤ စီၤတံးဒၤလးသ့ၣ်တဖၣ်န့ၣ်,

လံာ်ကွဲးနီၣ်တၢ်အခီၣ်ထံးတဘ့ၣ် 1:18

စီၤအၢ်ဖးၡးမ့ၢ်စီၤစ့ၤလါအပၢ်, ဒီးစီၤစ့ၤလါမ့ၢ်စီၤဧ့ၤဘ့ၢ်အပၢ်န့ၣ်လီၤ.

လံာ်စီၤဧ့စြၤ 4:2

လၢတၢ်န့ၣ်အဃိအဝဲသ့ၣ်လဲၤထံၣ်စီၤစရူၤဘၤဘ့လးဒီးဒူၣ်ထၢ အခိၣ်တဖၣ်ဒီးစံးဝဲ, “ပျဲပပာ်ဖှိၣ်ဃုာ်ပသးဒီးသုလၢတၢ်သူၣ်ထီၣ်တၢ်လုၢ်ဟံၣ်န့ၣ်တ က့ၢ်. ပဘူၣ်ထီၣ်ဘါထီၣ်ကစၢ်ယွၤတဂၤဃီ လၢသုဘူၣ်ထီၣ်ဘါထီၣ်အီၤ, ဒီးပလုၢ်ထီၣ်တ့ၢ်လံတၢ်လုၢ်တၢ်ပာ် တဖၣ်ဆူအီၤစးထီၣ်တ့ၢ်လံလၢကီၢ်အၤၡူၢ်အစီၤပၤဖးဒိၣ်စီၤ အ့ၤစၢ်ဃးဒိၣ်ဆှၢလီၤပှၤလၢပကအိၣ်ကဆိးဖဲအံၤလံၤလံၤန့ၣ် လီၤ.”

စံးထီၣ်ပတြၢၤ 83:8

ပှၤအၤၡူၢ်ဖိပာ်ဖှိၣ်စ့ၢ်ကီးအသးဒီးအဝဲသ့ၣ် ဒ်ပှၤဒီသိၣ်ဒီမှံၤလၢအဂံၢ်ဆူၣ်ဘါဆူၣ်လၢအမ့ၢ် စီၤလိၣ်အစၢၤအသွဲၣ်တဖၣ်န့ၣ်လီၤ. စ့လၤ

လံာ်ယၡါယၤ 11:11

ဖဲမုၢ်နံၤန့ၣ်ဟဲတုၤဝဲဒီး, ယွၤကသူကဒီးအစိကမီၤတဘျီ ဒီးဟဲက့ၤစိာ်က့ၤအပှၤဂီၢ်မုၢ်ဆူဟံၣ်အပှၤဂီၢ်မုၢ်လၢအအိၣ် လီၤတဲာ်လၢကီၢ်အၤၡူၢ်ဒီးကီၢ်အဲၤကူပတူးကလံၤထံး, ဒီးလၢကီၢ်အဲၤကူပတူးကလံၤစိးပၤသြိၣ်, ကီၢ်ကူၤၡး, ကီၢ်အံၣ်ရး, ကီၢ်ဘၤဘူလိၣ်, ကီၢ်ဆၣ်ဃမါသး, ဒီးလၢပီၣ်လဲၣ်ကၢၢ် နံၤတဖၣ်ဒီးလၢပီၣ်လဲၣ်အကီးတဖၣ်အပူၤန့ၣ်လီၤ.

လံာ်ယၡါယၤ 21:2

ယထံၣ်တ့ၢ်တၢ်ထံၣ်လၢညါခီဘၣ်ဃးတၢ်မၤအသးအၢအၢ သီသီတဖၣ်, တၢ်ထံၣ်လၢညါခီဘၣ်ဃးတၢ် ဟ့ၣ်လီၤကွံာ်ဒီးတၢ်မၤဟးဂီၤတၢ်လီၤ. ကီၢ်ဧ့ၤလၣ်အသုးမုၢ်ဧၢ, လဲၤဒုးတၢ်တက့ၢ်. ကီၢ်မၤဒဲအသုး မုၢ်ဧၢ, ကဝီၤဃာ်ဝ့ၢ်တဖၣ်န့ၣ်တက့ၢ်. ကစၢ်ယွၤကမၤကတၢၢ် ကွံာ်တၢ်နးတၢ်ဖှီၣ်လၢကီၢ်ဘၤဘူၤလိၣ်ဒုးအိၣ်ထီၣ်ဝဲန့ၣ်လီၤ.

လံာ်ယၡါယၤ 22:6

ပှၤသုးဖိလၢကီၢ်ဧ့ၤလၣ်တဖၣ်ဟဲဒိးကသ့ၣ်, အိၣ်ဒီးစုကဝဲၤလၢအမ့ၢ်ချံၣ်ဒီးပျၢ်တဖၣ်လီၤ. ပှၤသုးဖိလၢကီၢ်ကံၢ်တဖၣ်ကတဲာ်ကတီၤပာ် အကတီၤတဖၣ်လီၤ.

လံာ်ယၡါယၤ 66:19

ဒီးကသ့ၣ်ညါဝဲလၢယမ့ၢ်ပှၤတဂၤလၢအစံၣ်ညီၣ်အဝဲသ့ၣ်န့ၣ်လီၤ. ဘၣ်ဆၣ်ယကပျဲဖျဲးကွံာ်အဝဲသ့ၣ်တနီၤ, ဒီးဆှၢအဝဲသ့ၣ်ဆူပှၤကလုာ်တဖၣ်အအိၣ်ဒီးဆူထံကီၢ်အယံၤ တဖၣ်လၢအတနၢ်ဟူတ့ၢ်ဘၣ်ယတၢ်မံၤဟူသၣ်ဖျါမ့ၢ်ဂ့ၤ တထံၣ်တ့ၢ်ဘၣ်ယတၢ်ဒိၣ်တၢ်မုၢ်ဒီးယတၢ်စိတၢ်ကမီၤမ့ၢ်ဂ့ၤ ဒ်, ကီၢ်စပၤနံ, ကီၢ်လံးဘယၣ်, ဒီးကီၢ်လူၤဒံ, လၢအအိၣ်ဒီးအပှၤခးချံၣ်သ့တဖၣ်, ဒီးဆူကီၢ်တူၤဘလးဒီးကီၢ်ကြံး(စ်) န့ၣ်လီၤ. လၢပှၤကလုာ်တဖၣ်အံၤအကျါန့ၣ်, အဝဲသ့ၣ်ကစံးဘၣ်တဲဘၣ် ယတၢ်ဒိၣ်တၢ်မုၢ်န့ၣ်လီၤ.

လံာ်ယံးရမံယၤ 25:25

ကီၢ်ဧ့ရ့းအစီၤပၤခဲလၢာ်, မဲးမုၢ်ခိၣ်အဒူၣ်တဖၣ် အစီၤပၤခဲလၢာ်,

လံာ်ယဃ့းစက့လး 27:10

ပှၤသုးဖိတဖၣ်လၢ ကီၢ်ပၤရၣ်, ကီၢ်လူၤဒံဒီးကီၢ်လံးဘယၣ်မၤနၢ်နတၢ်လၢသုးမုၢ်အပူၤန့ၣ်လီၤ. အဝဲသ့ၣ်ဘျးထီၣ်အကတီၤတဖၣ်ဒီးခိၣ်ကုာ်သုးတဖၣ်လၢ နသုးဖိအိၣ်အဟံၣ်တဖၣ်အပူၤန့ၣ်လီၤ. အဝဲသ့ၣ်မ့ၢ် ပှၤတဖၣ်လၢအမၤနၢၤတၢ်လၢနလၤကပီၤအဂီၢ်န့ၣ်လီၤ.

လံာ်ယဃ့းစက့လး 27:23

ဝ့ၢ်တဖၣ်လၢအမ့ၢ်ဝ့ၢ်ဟၤရၣ်, ဝ့ၢ်ကးနၤ, ဝ့ၢ်ဧ့ဒ့ၣ်, ပှၤပနံၣ်တၢ်ဘးကၤတၢ်ဖိတဖၣ်လၢ ကီၢ်ၡဘၤဒီး ဝ့ၢ်တဖၣ်လၢအမ့ၢ်ဝ့ၢ်အၤၡူၢ်ဒီးဝ့ၢ်ကံလမး, အဝဲသ့ၣ်တဖၣ်ခဲလၢာ် မၤတၢ်ပနံၣ်တၢ်ကၤအတၢ်မၤဒီးနၤန့ၣ်လီၤ.

လံာ်ယဃ့းစက့လး 32:22

ကီၢ်အၤၡူၢ်အိၣ်ဖဲန့ၣ်ဃုာ်ဒီးအသုးဖိတဖၣ်အသွၣ်ခိၣ်တဖၣ်လၢ အအိၣ်ဝးတရံးအီၤန့ၣ်လီၤ. အဝဲသ့ၣ်ခဲလၢာ်ဘၣ်တၢ်မၤသံအီၤ လၢတၢ်ဒုးအပူၤ,

လံာ်ယဃ့းစက့လး 32:24

ကီၢ်ဧ့ၤလၣ်အိၣ်ဖဲန့ၣ်ဃုာ်ဒီးအသုးဖိတဖၣ်အသွၣ်ခိၣ်လၢအအိၣ် ဝးတရံးအီၤန့ၣ်လီၤ. အဝဲသ့ၣ်ခဲလၢာ်ဘၣ်တၢ်မၤသံအီၤလၢ တၢ်ဒုးအပူၤဒီးအဝဲလဲၤလီၤဝဲဒၣ်ဆူပှၤသံတဖၣ်အကီၢ်ပူၤတအိၣ် ဘၣ်ဒီးတၢ်ဒိးဘၣ်တၢ်ကူးတရံးဘၣ်န့ၣ်လီၤ. ဖဲအအိၣ်မူဒံးအ ခါန့ၣ်အဝဲသ့ၣ်, ရၤလီၤတၢ်မၤပျံၤမၤဖုး, ဘၣ်ဆၣ်ခဲအံၤအဝဲသ့ၣ် သံကွံာ်ဝဲဒၣ်လၢတၢ်လီၤမဲာ်ဆှးအပူၤန့ၣ်လီၤ.

လံာ်ဒၤနံးယ့လး 8:2

လၢတၢ်ထံၣ်လၢညါခီအံၤအပူၤယထံၣ်လီၤက့ၤယသးသတူၢ် ကလာ်လၢယအိၣ်လၢကီၢ်ဧ့ၤလၣ်အဝ့ၢ်ခိၣ်ဝ့ၢ်ၡူၡၣ်အပူၤန့ၣ်လီၤ. ယဆၢထၢၣ်တ့ၢ်ဖဲထံကျိဖးဒိၣ်အူလဲၤအကၢၢ်နံၤန့ၣ်လီၤ.

လံာ်ဟိၤၡ့ 14:3

ကီၢ်အၤၡူၢ်အုၣ်က့ၤခီၣ်က့ၤပှၤတသ့နီတစုဘၣ်. ဒီးတၢ်ဒုးအကသ့ၣ်တဖၣ်ကဟုကယာ်အိၣ်ပှိၤပှၤတသ့ဘၣ်. ပတတဲလၢၤပတၢ်ဂီၤတဖၣ်လၢသုမ့ၢ်ပကစၢ်ယွၤန့ၣ်လၢၤဘၣ်. အိ, ယွၤဧၢ, ဒုးနဲၣ်ဖျါထီၣ်နတၢ်သးကညီၤဆူပှၤတဖၣ်လၢတအိၣ်ဘၣ် ဒီးပှၤအဂၤနီတဂၤလၢအကဃၣ်ဝဲအသးဆူအအိၣ်န့ၣ်တက့ၢ်.

လံာ်တၢ်ဂံၢ် 23:7

စီၤဘံးလၣ်ထုထီၣ်အတၢ်ကတိၤလၢဝံအကျိာ်စံးဝဲ, “ကီၢ်မိၤအးအစီၤပၤဘၤလးဟဲကိးန့ၢ်ယၤလၢကီၢ်စူၤရံအပူၤ, လၢမုၢ်ထီၣ်ကစၢၢ်ခိၣ်တဖၣ်ဒီးစံးဝဲ, ဟဲဒီးကတိၤတၢ်လၢယဂီၢ်တက့ၢ်. ပာ်လီၤတၢ်ဆိၣ်အၢတမံၤလၢကီၢ်အံၣ်စရ့လး အပှၤဂီၢ်မုၢ်အဖီခိၣ်တက့ၢ်.

လံာ်လူၤကၣ် 3:36

စီၤစ့ၤလါအပၢ်မ့ၢ်ဝဲစီၤက့ၤနၣ်, စီၤက့ၤနၣ်အပၢ်မ့ၢ်ဝဲစီၤအၢ်ဖးၡး, စီၤအၢ်ဖးၡးအပၢ်မ့ၢ်ဝဲစီၤၡ့ၣ်, စီၤၡ့ၣ်အပၢ်မ့ၢ်ဝဲစီၤနိအၤ, စီၤနိအၤအပၢ်မ့ၢ်ဝဲစီၤလ့ၤမ့း,