လံာ်ကွဲးနီၣ်တၢ်အခီၣ်ထံးတဘ့ၣ် 1:12 - Sgaw Karen Common Bible

¹² ပှၤပသြုစံၣ်, ပှၤကၤစလူဃံၣ်, ဒီးပှၤကြ့တ့ၤလၢပှၤဖလ့ၡသးဖိ တဖၣ်လီၤစၢၤလီၤသွဲၣ်လၢအီၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 1:12 Iomraidhean Croise

လံာ်တၢ်ကဲထီၣ်အခီၣ်ထံး 10:14

ပှၤပသြူစံၣ်ဖိ, ပှၤကၤစလူဃံၣ်ဖိဒီးပှၤကၤပတိရံၣ်ဖိလၢပှၤ ဖလ့ၡသးဖိဟဲလီၤစၢၤလီၤသွဲၣ်ဝဲန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 1:11

စီၤမံးစရၤယံၣ်အစၢၤအသွဲၣ်တဖၣ်န့ၣ်မ့ၢ်ပှၤကီၢ်အဲၤကူပတူး ဖိဒ်ပှၤလူဒံၣ်, ပှၤဧနၤမံၣ်, ပှၤလဟါဘံၣ်, ပှၤနၤဖထူဃံၣ်,

လံာ်ကွဲးနီၣ်တၢ်အခီၣ်ထံးတဘ့ၣ် 1:13

စီၤကနၤဧၣ်အဖိခွါတဖၣ်န့ၣ်မ့ၢ်ဝဲစီၤစံဒိၣ်လၢအမ့ၢ်ဖိဝဲၢ် ကိ, ဒီးစီၤဃ့ၤသး, ဒီးအဝဲသ့ၣ်မ့ၢ်ပှၤတဖၣ်လၢအပှၤဂီၢ်မုၢ်ဟံး န့ၢ်အမံၤတဖၣ်ဒ်အပၢ်ဖးဒိၣ်လၢပျၢၤတဖၣ်န့ၣ်လီၤ.

လံာ်ယံးရမံယၤ 47:4

တၢ်ဆၢကတီၢ်တုၤလံဝဲလၢ တၢ်ကမၤဟးဂီၤကီၢ်ဖလ့ၡသးအဂီၢ် ဒီးလၢတၢ်ဒီၣ်တဲာ်ကွံာ် တၢ်မၤစၢၤလၢ အအိၣ်လီၤတဲာ်ဒံး ခဲလၢာ်လၢ ဝ့ၢ်ထါယၢၣ်ဒီး စံဒိၣ်အဂီၢ်န့ၣ်လီၤ. ယၤ, ယွၤအံၤ, ယကမၤဟးဂီၤ ကယဲၢ်ပှၤဖလ့ၡသးဖိးတဖၣ်ခဲလၢာ်လၢအဟဲလၢ အထံကၢၢ်နံၤတဖၣ်န့ၣ်လီၤ.

လံာ်ဧၤမိၣ် 9:7

ယွၤစံးဝဲဒၣ်, ကီၢ်အံၣ်စရ့လးအပှၤဂီၢ်မုၢ်ဧၢ, သုလီၤဂာ်ဒီးပှၤကူၤၡးဖိလၢယဂီၢ်တမ့ၢ်ဘၣ်ဧါ. ဒ်ယဒုးဟးထီၣ်သုလၢကီၢ်အဲၤကူပတူးအပူၤအသိး, ယဒုးဟးထီၣ်ပှၤဖလ့ၡသးဖိလၢကီးကြ့တ့ၤဒီးပှၤစူၤရံဖိလၢ ကီၢ်ကံၢ်န့ၣ်တမ့ၢ်ဘၣ်ဧါ.

လံာ်သိၣ်လီၤသီလီၤတၢ် 2:23

ဖဲကီၢ်လၢအအိၣ်လၢ ပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်အကၢၢ် ခိၣ်တရဲာ်န့ၣ်ပှၤဂီၢ်မုၢ်လၢကီးကြ့တ့ၤတဖၣ် သူၣ်လီၤဆီလီၤအတၢ်အိၣ်တၢ်ဆိးအလီၢ်န့ၣ်လီၤ. အဝဲသ့ၣ်မၤဟးဂီၤကွံာ် ပှၤဧ့ၤဝံဖိလၢအအိၣ်ဆိးတ့ၢ်လၢပျၢၤလံၤ လံၤဖဲန့ၣ်တဖၣ်ဒီးဟံးန့ၢ်ကွံာ်အဝဲသ့ၣ်အကီၢ်ယံၤဝဲလၢ ကလံၤထံးတကပၤတုၤလၢဝ့ၢ်ဧးစၤန့ၣ်လီၤ.)