Yuuda 1:4 - Kuumeet Sinɔ Tɔɔnuk Ad Majaŋeeroŋk

⁴ Guugunyarkikan kɔna kɔɔra dugeeɗ joop sigɛɓa taapɛɛ agut sɛɛg ɔɔtɛ sinɔɔnɛ jeeɗoŋɔŋk jeemɛ Wargatɛɛ Waakoyotoŋk kɛ, goopɛɛkoy sɛɛgŋɔŋk a omoŋ omoŋ sigɔ kir ŋaadit Waakoyok, ɛ weerɛr wookan Waakoyotoŋk ruunyikeena, ɛ kaadɛr Suumi naŋk Yeese Keresee sinɛ tin ɓali sɛɛn dakɛɗaak.

Yuuda 1:4 Iomraidhean Croise

Maatiyoos 13:25

Yakana saaɓa ɗeegararɗi joop baŋɛk, mɛlki gumaaken nɛ soowɛ wɛykon ŋɔnyun sinɔ ŋɛɛwɛnŋɔŋk ɗamat nɛɛkɛ kɔɔr nɛ ŋaariŋ.

Yowanis 17:3

Wɛɛŋa sigɛkoy nɔkoy nɔkoyk ɗegerɔn nook iin sinɛ Suumi sinɛ omoŋɔŋk sinɛ eekerkank, a Yeesee Keresee sinɛkan wosɛykin ɗookak.

Ijaag Wosɛytaanakoŋk 11:23

Nɛ saaɓa kɛɛɗik dɛnɛɓa a kɔ gaɓɛ Waakoyot wookan nɛɛk joopa gɛɛnaakik, nɛɓa yaageeɗiŋ. Nɛɓa rɔɔriy sɛɛg kɛnɔ beeɗir a sɛɛg ŋaadɛɛ Waakoyote sɛɛg baŋɛ, ɓayɛ nɛŋk baŋɛ.

Ijaag Wosɛytaanakoŋk 15:24

Tiyiikan kɛ kɔtarkannɔ joop eteŋkɛ kɔɔr son lak iinakik, a kan sɛɛga kii toniiɗ nɛnɔ kɔnu ooɗɛr ɛnɔ kɔnu arir a kɔna ki mɛlɛ pɛɛni sinɛ kɔna tonurk.

Gɛlatiyaa 2:4

Mayakana ɗɛyɛrkɛkan manyaaka eteŋka sigɔ nyonkaanakik a omoŋ omoŋ sigɛkan ɓoonɛrk eteŋka kɔɔra dugeeɗik, nɔ guugnyarkiɗ eteŋka kɔɔraakik, paarirkɛɓa a gun tine boŋur yaaka sinɛkan laŋii Yeese Kereseek nɛ tin jumurar laaŋoya.

Gɛlatiyaa 5:13

Iinak manyaakak eeta sigɛ dooytaanakik, riykɛɛkan kɔnu yaakaata. Yakana in iɗit omaay ijaagɗi mɛŋka mɛyin ma kat ariir yaaka sini noŋk a dusanɛrɗɔ ɗɛyan taaroŋk.

Epesoon 4:14

Seedi son kiikɔɔ ɓɛɛl a eteŋk tɔɔmɔk a tin diile yoŋgoy ɔɗɔɔka kɛ baŋiyak, a tin diile yoŋgoy rɔɔriyɔn sinɔ nyonuk a raamiyɛ joopoŋk gɔɔtaase kɛ gɔɔtaase.

Omoŋ Timotiyoosuk 5:8

Iɗit sinɔ ki kɔnyɛɛɗ tekaaneer gɛɛŋk kɛ ɗɔmk a joop wɛy nɛɛkik kaadɛɓa ŋaadiyɛ gɛɛŋkiŋ, ŋɛɛwɛn iɗit sini a kaalɛ iɗit sinɔɓa ki dooyank.

Pɛɛyeen Timotiyoosuk 2:12

Ɔkɔn ɓaŋkaawurii oolaaniŋ, nɛkoy tapaaɗanii a Sɛɛn agut omoŋ. Ɔkɔn kaadii Sɛɛniŋ, nɛkoy ɓɔrɛ tin kaadɛŋ.

Pɛɛyeen Timotiyoosuk 3:6

Ege sigi joop sigɔ ɓooɓonar nɛ guugunyar sinɔɔnɛ godeyikoŋk, nɛ kaŋir jartiyatɔ sigɛ sɛɛge ɓɔɔka tikiyɛɛkik, ɛ sɛɛg diile ɗɛyan sinɔ pakakataaŋɔŋk.

Omoŋ Petrosuk 2:16

In beeɗɛɛ yaakaat oko laaŋoyeer Waakoyotoŋk, ma kat ariir beeɗit noŋk sini yaakatik a miinytan any sinɔ ŋɛɛwɛnŋɔŋkuk.

Omoŋ Petrosuk 2:8

maɓɔrɛ oko sinɛɓa toniiɗɛ kɛ, 'Ege sini giɗee sinɛ dakɛ a gaŋtan kɛnɔ ari joop a ɗiirarŋɔŋk.' " Pakatɛɛɓa sɛɛg agut sini.

Omoŋ Petrosuk 4:18

Oko sinɛ toniiɗ Wargatɛ Waakoyotoŋk kɛ, "Iɗit sinɔ mentan taamɛkɛ Waakoyotoŋk ɔkɔn aasi bɔdɛ ooɗiyɛɛkɛŋ, nɛ iɗit sinɔ ki ɗɛyɛ Waakoyok a tikitank ɓɛɛlɛkoy sɛŋk ɛk?"

Pɛɛyeen Petrosuk 2:10

Kɛ ɗɔm joop sigɔ nomɛrɗi ɗɛyan taaroŋk sinɔ somkank ɛ daraayɛr ɓaŋkawuka Waakoyotoŋkuk kookor sɛɛg ɓɛɛnyɔ pirdiyoŋk. Rɔɔriytaanak sigɔ nyonkaanakik diirkaanak ɛ ɓɔŋgɔɔrɛr ɛɛk nɛŋk rakaaya, kir ɓuriit a aasi nyɔɔnar ɓaŋkawukaatak dariyoŋk.

Pɛɛyeen Petrosuk 2:7

Mayakana ebɔdɛɓa Loot sinɛɓa mentan taamɛkɛ Waakoyotoŋk sinɛɓa beeɗ a ɓakɛyɗi agut tikitaanakik sigɔ ijaagir any sinɔ keerɛɛŋɔŋk.

Pɛɛyeen Petrosuk 3:7

Kookorkuunɛ joop sigɛ kir ugumeet Waakoyotak maɗ, mɛlɛɛɗa nɔkoy badɛrɗi darii a ɗoo sini bɛɛlɛ sisɔk, mɛlɛɛɗa waawuya sinaanakoy pirdiyoŋk.

Omoŋ Yowanisik 2:22

Sisɔ nyonkan wooɗ ete sinaanɛ kaadɛ sinɔ kɛ ege Yeese Kereseek sɔgɔɔsɔyk? Ege sɛŋk iɗit sinɔ ɓooyu Kereseek, nɛ kaadɛ Baabɛɛ a Tɔɔn nɛɛkik.

Yuuda 1:15

Mɛlkikoy kɛnɔ goop joop baŋɛ, ɛ gɔɔnyɛ joop sigɔ kir ŋaadit Waakoyok, agut ijaag nɛŋk sinɔ ŋɛɛwɛnŋɔŋk baŋɛ, ɛ agut sinɔ nyɔɔnarɗi Waakoyo agut sinɔ kirɗi tiiɗitik baŋɛk."

Yuuda 1:18

Tonurɓa sɛɛk kɔna kɛ, "Mɛlɛrkikoy eme sinaanɛ koy pediyaak joop sigɔ nomɛrɗi ɗɛyan nɛŋk sinɔ ŋɛɛwɛnŋɔŋk."

Dɛnɛɛ Pɛrka Yowanisik 15:4

Iin Suumi, wooɗ sinɛni ki tuɓurk? Ɛ wooɗ sinɛ ki eemɛyɔɔn tiriya gooŋkuk? Geetitan iin dakɛɗa. Kurak joop ɗookoŋk baŋɛ, nɛ ugumer taamɛkɛ goonɛk, agut sinɔkan yaaŋɛɛɗ ɛɛk ijaag mentanka nookuk."