Yuuda 1:1 - Kuumeet Sinɔ Tɔɔnuk Ad Majaŋeeroŋk

¹ Ege sini wargatɛ sinɛkɔ wosɛyɛɛrɛ seey lak Yuudaa sinɛ laaŋoyen Yeese Kereseek ɛ manya Yaykoobak, joopa sigaagaɓa riyk ɛ poru sɛɛg Baabɛ Waakoyot ɛ koorɛ sɛɛg Yeese Keresee.

Yuuda 1:1 Iomraidhean Croise

Maatiyoos 10:3

Pilipoos, Bɛrtɛloomiyos, Toomaas, Maatiyoos sinɛ yayawu worik, tɔɔn Ilpiyoosuk Yaykoob, Taadiyoos,

Maatiyoos 13:55

Moko sini tɔɔn ijaagenkɔ kɛɛnoŋk? A mokoto ɛmɛs Maariyam? ma moko manyaakak Yaykoob a Yoosep a Simion a Yuudaa?

Markoos 3:18

Indiriyaas, Pilipoos, Bɛrtɛloomiyos, Maatiyoos, Toomaas sinɔɓa tɔɔn Ilpiyoosuk, Yaykoob, Taadiyoos, Simion sinɛɓa kus ɗook Kɛnɛaanik,

Markoos 6:3

A mokosu sini ijaagenkɔ kɛɛnoŋk, tɔɔn Maariyamuk? Moko manyaakak Yaykoob, a Yoosep, a Yuudaa, a Simion? Ma manyaakak sigɛ peetakik sɛɛg a eteŋk agut omoŋ seedi?" Nɛɓa darayɛr nɛ dakɛr a kir boŋiiɗ.

Lukaas 6:16

Yuudaa tɔɔn Yaykoobuk, Yuudaa Keriyootuk sinɛkɔɔ gaɓɛ Yeeseek.

Yowanis 12:26

Iɗit sinɔ ɗɛyɛ ijaag eetaak, in nomɛɛ eete, arkoy ɓɔrɛ ijaagen naakɛ saadi arkiɗaak. Iɗit sinɔ ijaagɗi eetaak, eemɛy Baabɛɛŋ.

Yowanis 14:22

Nɛɓa Yuuda sinɛɓa omk a moko sinɛɓa Keriyootuk tongeeɗ kɛ, "Suumi naakɛ, yaaŋin ɛɛk eteŋka a moko joopa ɗookoŋk agut jikon?"

Yowanis 15:16

Mokokanti daamari iinak, makan kɔnu daama eet, suumakan kɔnu kɛnɔ ŋaarari nɔ kaar gaɓɛɛr taamɛ a ɓɔɔkaaŋ kɛnɔkoy beeɗir taamɛ sigɛ gaɓɛɛrik ɓɛɛnyɔwɛ gɛɛŋk baŋɛ. Nɛ any sinɛ kalɛyiir Baabɛye tiriyaakɛ gaanɛk baŋɛ gaɓɛkɔɔ kɔnaaŋ.

Yowanis 17:15

Kalɛyaan kɛnɔ sɛɛg koorun setane mani kaa kalɛyit kɛnɔ sɛɛg boŋiirin ɗook walasa.

Yowanis 17:17

Geeti sɛɛg eekeerɛ goonɛk. Ege pɛɛni nookɛɛk eekeer.

Yowanis 17:19

Kɛnɔkɔɔ sɛɛg geetitaanak eekeerɛ, ara ɛɛk naak a eet geetitan.

Yowanis 6:39

Any sinɛ ɗɛyɛ Waakoyo sinɛ kanti wosɛykik, waawuy sinaanɛkoy pediyaak kɛnɔkoy boŋku any sinɛɓata gaɓɛk baŋɛ a kɛɛ sinɔɓa sɔɔkaak omoŋɔŋk.

Ijaag Wosɛytaanakoŋk 1:13

Nɛɓa Petros, a Yowanis, a Yaykoob, a Indiriyaas, a Pilipoos, a Toomaas, a Bɛrtɛloomiyos, a Maatiyos, a tɔɔn Ilpiyoosuk Yaykoob, Simion sinɛɓa palamɗi agut ɗoo nɛɛkik, a tɔɔn Yaykoobuk Yuudaa mɛlɛrkiɓa Yorsaleema nɛ teeŋɛr pooka sinaanaɓa beebeɗarɗik.

Ijaag Wosɛytaanakoŋk 20:32

"Sisɔ gaɓaakankɔnu a adarat Waakoyota a pɛɛniya wookan nɛɛkik sinɔ ari kɔnu a ɛtɛɛriŋɔŋk, ɛ oolɛ akɔna gaɓɛ any sinɛɓa ŋɔɗɛɛk geetitaanakɛ kɔɔruk.

Ijaag Wosɛytaanakoŋk 27:23

Kaaltkɔ alɛk ɛtɛkɔ eete wosɛytan Waakoyo sinɛ eet nɛɛkik ɛ ugumguɗaak jɔk,

Roome 1:1

Ege sini wargatɛ sinɔ taapiɗiir Paawuloos sinɛ laaŋoyen Yeese Kereseek, sinɛɓa daamɛɛ Waakoyote a sɛɛn wosɛytan, ɛɓa wosɛyɛɛ kɛnɔ waasɛ Pɛɛni sinɔ Ɓɛlkɛɛstank Waakoyotoŋk.

Roome 1:6

Ɓɛɛlɛɛr ɓɔrɔ kɔɔr joope sigaagaɓa riyɛɛ kɛnɔ sɛɛg Yeese Kereseek.

Roome 16:18

Joop sigi nomɛrɗi ɗɛyan nɛŋk sinɔ ŋɛɛwɛnŋɔŋk, ma moko ijaagɗigeeɗ Suumi naŋk Yeese Keresee, ɛ raamɛr joop sigɔ kɛɛ sɛɛge ɗegerɔnk waasiyɛɛkɛ sigɔɔgɛ yaagarŋɔŋk a sigɔɔgɛ ŋaɗɛɛɗoŋk a ito pɛɛni sinɔ mentanŋɔŋk.

Roome 6:22

Yakana sisɔ ŋaararkɔɔkan tikiyɛɛkɛ yaakata, nɛɓɔ iinak laaŋoyeer Waakoyotoŋk. Taamɛ sigɛ tolɛɛrik diilerkoy kɔnu geetiyɛɛka, ege any sinɛkoy laŋiiɗɛɛk wɛɛŋa sigɛkoy nɔkoy nɔkoyk.

Roome 8:30

ɛ joop sigɛgɓa ruume sɛɛga jeemɛk, nɛɓa ɓɔrɛ riy sɛɛgiŋ, ɛ joop sigɛɓa riy sɛɛgik, nɛɓa ɓɔrɛ ari sɛɛg a mentaana taamɛkɛ Gɛɛnɛk, ɛ joop sigɛɓa sɛɛg ari a mentaana taamɛkɛ Gɛɛnɛkik, nɛɓa ɓɔrɛ eemɛy sɛɛgiŋ.

Roome 9:24

eteŋk sigɛɓa tin riyk, mokoɓa joope Ayuuduk kɔɔr dakɛɗa mayakanaɓa ɓɔrɛ joope sigɔɔgɛ moko Ayuuduk kɔɔruŋ.

Omoŋ Korontoosuk 1:2

dooytaanaka sigaaga atu Korontooseek joopa sigaaga geetitaanak Yeese Kereseek, sigaagaɓa riyɛ sɛɛg a dooytaanak, a sigaaga riyar tiriya Suumi naŋk Yeese Kereseek sinɛ Suumi naŋk ɛ nɛŋkik nyonitaakɛk agut omoŋ.

Omoŋ Korontoosuk 6:11

Ɓɛɛlɛɛrɓa ɓɔrɔ oko sinik iinak a omoŋ omoŋ. Mayakana sisɔ aadiirɛɛkɔ kɔne tikiyɛ tiriyaakɛ Suumi naŋk Yeese Kereseek a Wɛɛŋakɛ sigɔɔgɛ Geetitaanakik Waakoyo naŋkiŋ, iinak joop sigɔkɔ pakatɛɛ Waakoyota a geetitaanakik, ɛkɔ mentaanirari taamɛkɛ Waakoyotoŋk.

Epesoon 5:26

nɔɓa ijaagiiɗ sinik ɗɛyɛɓa kɛnɔ geet gode Sambatɛyoŋk pɛɛnii nɛɛkɛ aɓa aadi maawɛ,

Omoŋ Tɛsɛlonkeek 2:12

Ɗegerar kɛ ariikan kɔna adarat a ɓaŋkaawurari ɛ kɔnu rɔɔriyii, kɛnɔ koy boŋiir Bbrɛ nɛɛk ɛ koy iinak kaastaanak eemɛyɔn nɛɛkik. Ɛ kɛnɔ beeɗiir beeɗiit sinɔ ari Waakoyo sinɛkan kɔnu riyk a yaageeɗŋɔŋk.

Omoŋ Tɛsɛlonkeek 5:23

In kɔnu geeti Waakoyo bɔdɛɗoŋk in kɔnu ari a mentaanakari ant baŋɛ, in koorkuunɛ wɛɛŋa goŋk a wɛɛŋa goŋk sigɛ atu taarek, a buusɛyɛ goŋk a kat lakɛ any sinɔ kɔnu laaganyɗɛɛk mɛlɛɛɗa nɔkoy mɛlkiɗ Yeese Keresek.

Pɛɛyeen Timotiyoosuk 1:9

sinɛɓa tin ebɔdɛ ɛɓa tin riy beeɗita sinɔɔna geetitank kɛnɔ tin ari a joop gɛɛŋk agut ɗɛyan nɛɛk a wookan nɛɛk, ma moko agut any sinɔ mentanŋɔŋk sinɔɓa ijaagii seekik. Gaɓɛɓa tina wookan sini goy Yeese Kereseek emeyikɛ jeemɛ a inɓa kɛɛ riiɓɛɛ ɗoo.

Pɛɛyeen Timotiyoosuk 4:18

Ebɔdɛkɔɔt Suumii ant sinɔɔnɛ ŋɛɛwɛnŋɔŋk baŋɛ, arkɔɔt a mɛla bɔdɛɛɗ burɛya dariyoŋk. In dakɛ eemɛyɔɔn Sɛɛna nɔkoy nɔkoyk Ameen.

Ibirawiyaan 3:1

Iinak manyaakak eeta sigɛ geetitaanakik sigɛkan kɔnu riyɛ Waakoyotek, in koɓɛɛ Yeesee sinɛ Sɛɛn wosɛytan ɛ ɔɗɔwen tapa ŋaadiyɛɛkoŋk ŋaadiyɛ gaŋkik.

Yaykoob 1:1

Ege sini wargatɛ sinɔ wosɛyɛɛrɛɛ seey lak eet Yaykoob sinɔ laaŋoyen Waakoyotoŋk a Suumi Yeese Kereseek dooytaanaka gaanak Ayuuduk komoyeera sigaaga aarin a pɛɛyk sigaagaɓa kɛɛtiɗii ɗoo baŋɛk, in kɔna dakɛ a bɔdɛ.

Omoŋ Petrosuk 1:2

Daamɓa kɔnu Baabɛ Waakoyot jeemɛ koɓiiɗ nɛɛkɛ sinaanɛɓa gaamuk, iinak sigɛɓa kɔna wasanɛɛ yɛrom Nɛɛk kɛnɔ tiiɗikari Yeese Kereseyaak sigɛɓa kɔnu geetɛɛ Wɛɛŋakɛ sigɔɔgɛ Geetitaanakik kɛnɔ kɔnu ŋaɗɛɛk. In kɔna obulur wookaan a bɔdɛ.

Omoŋ Petrosuk 1:5

Kookorɛɛɓa ɓɔrɛ kɔnu goy ŋaadiyɛɛkoŋk, ɓaŋkawukaat Waakoyotoŋk bɔdɛɛɗa sinaanaɓa ragadɛɛ nɛkoy mɛlki waawuy sinaanɛkoy pediyaak,

Omoŋ Petrosuk 2:9

Mayakana sɔɔk iinak joop sigɔɓa daamɛɛŋɔŋk, iinak tapa ŋaadiyɛɛkoŋk Suumiyoŋk, iinak joop sigɔɓa geetɛɛŋɔŋk ɛ iinak joop sigɔɓa kɔnu ijaag Waakoyot ɛɛka nɛɛkakik sigɔɓa riykɛɛ nyuugur pɛɗɛrkaata sinɔɔna reemɗi ɓayɛk kɛnɔ waasɛɛr any Waakoyotoŋ sinɔ reemɗi ɓayɛk.

Omoŋ Petrosuk 5:10

Ɔkɔn boŋiir rakatɛ ɔɔtɛya sinɔɔna balaaŋɔŋk, Waakoyo sinɛ ɗumaat tigiyak baŋɛk sinɛɓa kɔnu riy eemɛyɔɔna sinaanakoy nɔkoy nɔkoyk goy Kereseek, gaɓɛkɔɔ kɔna any sinɛ ɗɛyɛɛrkiŋ, Sɛɛn titikekɔɔ kɔnuŋ, arikɔɔ kɔnu a ɓaŋkaawurariŋ, arikɔɔ kɔnu a ɛtɛɛriŋ.

Pɛɛyeen Petrosuk 1:1

Ege sini wargatɛ sinɔ taapiɗiira eet, Simion Petros sinɛ ijaagen ɛ wosɛytan Yeese Kereseek, joopa sigaagaɓa boŋur ŋaadiyɛ sigɔ eemɛyɛɛŋɔŋk oko sinɛɓa boŋiɗii ŋaadiyɛɛk. Laŋiiɓa ŋaadiyɛ sigi goy mentanka Waakoyo naŋk ɛ Ebɔdtan naŋk Yeese Kereseek.

Yuuda 1:21

In koorɛɛ ɛkan goŋk mɛyin Waakoyotoŋk nɔ kookorkuunɛɛ maariyeet Suumi naŋk Yeese Kereseek kɛnɔkoy kɔna gaɓɛ wɛɛŋa sigɛkoy nɔkoy nɔkoyk.

Yuuda 1:3

Iinak sigɛ kɔnu poraak, ɗɛykaayakan jɛt a gun kɔna taapiɗiira agut bɔdɛ sinɛɓa tina ijaagɛɛk sinɛkoy kaasii agut omoŋɔŋk. Yakana direta sinɔ kɔna taapiɗirkiɗa kɛnɔ kɔnu rɔɔriya nɔ ariir ɗɔŋkɔɔlɛ agut ŋaadiyɛ sigɛɓa gaɓɛ Waakoyot a adarat ŋaadtaanaka agut omoŋ a pedtank.