Yowanis 3:3 - Kuumeet Sinɔ Tɔɔnuk Ad Majaŋeeroŋk

³ Nɛɓa Yeese tongeeɗ kɛ, "Eekeer tona naaŋ. Ɔkɔn kɛɛ iɗit ɓartɛɛt kɛkarŋ, ki oolɛ akoy dɛnɛ burɛ Waakoyotoŋkuŋ."

Yowanis 3:3 Iomraidhean Croise

Maatiyoos 16:17

Nɛɓa tongeeɗ Yeese kɛ, "Iin tɔɔn Yoonaak Simion, iin geetitan. Yaaŋɗikɔna any sini Baabɛɛ sinɛ ar darik, ma mokokɔ buusɛ a yɛrom.

Maatiyoos 19:24

Tona kɔnaaŋ kɛkar, bala sinɔ guugunyɗu tagak sinɔɔnɛ tool marpeyoŋkuk ɔɔtɛ sinɔɔnɛ gun guugunyɗu iɗit sinɔ lak worik burɛya Waakoyotoŋkuk."

Maatiyoos 21:31

Nɛɓa ijaagɗi ɗɛyan ɛpɛnaak won sigaagɛ pɛɛyk?" Nɛɓa sɛɛk tonurgeeɗ kɛ, "Tɔɔn sinɛ tukik." Tonuɓa sɛɛga Yeese kɛ, "Eekeer tona kɔnaaŋ, guugunyarkoy kɔne ɔɗɔɔkɛ burɛya Waakoyotoŋk joop sigɔ yayawar worik a ruunykaanak.

Maatiyoos 5:18

Eekeer tona kɔnaaŋ, nɔkoy ɗoyiɗ ɗook a darik gayɛkoy any baŋɛ a eekeer higii baŋɛ, makoy kɛɛ aalɛt higii pɛɛni sɔstan a omoŋ.

Markoos 10:14

Yakanaɓa Yeese dɛnɛ sini, nɛ goop nomtaanak gɛɛŋk, nɛ tonu sɛɛga kɛ, "In kurak tɔɔmɔk son lak eetik. Kat ɓaarɗɛ sɛɛg, agut sinɔ ege Burɛ Waakoyotoŋk joop sigɔ rikiter ɛɛk oko sinikik.

Markoos 9:47

Ɔkɔnnu ooɗɛ taama nookɛ ɔɔtɛ tikiyɛɛkoŋkuŋ, kɔɔkɔyak nɔ orun. Ɔɔtɛ sɔgunnu oriiɗɛ maɗa gɛhanɛmuk ma lakin taamɛ a pɛɛyk, nɛna dɔɔs a guugunyun Burɛya Waakoyotoŋk ma lakin taama a omoŋ.

Yowanis 1:13

Ɓartɛɛɓa sɛɛg Waakoyote, ma mokoɓa sɛɛg ɓartɛɛ komoy etoŋk maŋk barɛɛɗ taaroŋk ɗɛɛyaan etoŋk.

Yowanis 1:5

Tipeyɗi pɛɗɛrka nɛɛkɛ nyuugur tak, ki nyuugur nɛɛkɛ lɔsɛɛɗ pɛɗɛrka nɛɛk adaktan.

Yowanis 1:51

Nɛɓa tonu kɛ, "Eekeer tona kɔnaaŋ, dɛnɛɛrkɔɔ a tayɗi dari, nɛ ŋaararki wosɛytaanak Waakoyotoŋk nɛ kurak Tɔɔna Etoŋk."

Yowanis 12:40

"Miinyeɓa Suumii taamɛ gɛŋk nɛ sɛɛg kir dɛnɗiit. Ariɓa ɓayɛtun gɛŋk a kilararŋ nɛ kir koɓiit, nɛ kirki weeriit kɛnɔ kat ebɔdɛ sɛɛg Suumii."

Yowanis 3:4

Nɛɓa Nikodimoos kɔɔniy Yeesee kɛ, "Anɛ ɔkɔnɓa iɗit gutarɛykiŋ, nɛ oolɛ a mur ɛmɛsa amɗa nɔ ɓartɛɛ kɛkar ɛk?

Pɛɛyeen Korontoosuk 4:4

Miinyeɓa ɓayɛtun joop sigɛ kir ŋaadiɗiitik setan sinɛ ɓali ɗoo sinik. Ariɓa a kir taanta pɛɗɛrka sinɛɓa tipeyɗi sɛɛga eemɛyɔɔn Pɛɛni sinɔ Ɓɛlkɛɛstank. Nɛɓa yaaŋɛ Keresee ɛɛk a gayi a Waakoyo.

Pɛɛyeen Korontoosuk 5:17

Agut sini ɔkɔn iɗit ar Kereseeŋ, nɛ sɛɛn riiɓ sinɔ tɔɔnuk. Ɗoyukan sinɛ bɔɔlɔŋkuŋ, maɓɔ ɓɛɛlɛ riiɓ sinɔ tɔɔnuk.

Gɛlatiyaa 6:15

Agut sinɔ kɛygun yayawiikaayɛɛŋ kɛygun kiikaayɛ yayawiitiŋ kɛɛ any sinɔ kɔnykuk. Kɔnyɗi sinɔ gerkiɗɛɛ riiɓ sinɔ tɔɔnuk.

Epesoon 2:1

Iinakɓa reteer beeɗit wɛɛŋakoŋk agut ŋɛɛwɛnka noŋk a tikiyɛ goŋk.

Tiito 3:5

moko kan tin ebɔdɛ agut any sinɔ mentanŋɔŋk sinɔkan ijaagii seekik, mayakana ebɔdɛkan tin maariyeet nɛɛkɛk. Sinɛkan tin ebɔdɛɛɗik aadit ɓartiyɛ sigɔ tɔɔmɔkuk, a ari a tɔɔnuk sinɔ laŋɛɛ goy Wɛɛŋa sigɔ Geetitaanakik.

Yaykoob 3:17

Mayakana ɗegerɔn sinɔ laŋɛɛ Waakoyotek mentanɓa a kiiɗɛ any sinɔ ŋɛɛwɛnŋɔŋk tuki, nɛ saadi poru bɔdɛ, ɛ mentan, ɛ tiiɗi, ɛ maariyɗi, ɛ lak taamɛ sigɔ mentaanaŋɔŋk. Ki pakaatɛ joop, ɛ kiiɗɛ tagay.

Omoŋ Petrosuk 1:3

In dakɛr pɔɔsiyɛɛk Waakoyota Ɛpɛna Yeese Kereseya, Suumiya naŋk. Ɓartɛkan tin Sɛŋk ɓartiyɛɛkɛ sigɔɔgɛ tɔɔmɔkuk a ŋaadiyɛɛkɛ sigaagɛ kookoriik sigɛkoy kir badɛɛk agut maariyeet Nɛɛk sinɛ obiiŋɔŋk a ŋaarin ret walasak Yeese Kereseek,

Omoŋ Yowanisik 2:29

Ɔkɔn ɗegerari kɛ mentan sɛŋk taamɛkɛ Waakoyotoŋkuŋ, nɛ ɗɛyɛ kɔna a ɗegerari kɛ iɗit sinɛ ijaag any sinɔ mentanŋɔŋkuk baŋɛ sɛɛn tɔɔn Waakoyotoŋk.

Omoŋ Yowanisik 3:9

Joop sigɔɓa ɓartɛɛ Waakoyotek baŋɛ kir ijaagɛ tikiyɛ, agut sinɔ latukuɗ kalbi Waakoyotoŋk ɛ agut sinɔɓa ɓartɛɛɗɛɛ sɛɛg Waakoyotek.

Omoŋ Yowanisik 5:1

Iɗit sinɔ ŋaadi kɛ ege Yeese Kereseek, nɛ sɛɛn tɔɔn Waakoyotoŋk. Iɗit sinɔ poru Ɛpɛnik nɛ ɓɔrɛ poru Tɔɔn nɛɛkiŋ.

Omoŋ Yowanisik 5:18

Ɗegerii iɗit sinɔ sɛɛn tɔɔn Waakoyotoŋkuk kɛ kɛɛ sɛɛne barɛ sinɔ ijaagiiɗ tikiyɛɛk, agut sinɔ sɛɛn koorɛɛɗ Tɔn Waakoyotoŋkŋɔŋk, ki ɓɔrɛ sɛɛn setan oolɛ.

Omoŋ Yowanisik 5:4

Agut sinɔ tɔɔmɔk Waakoyotoŋk baŋɛ lɔsɛr ijaag ɗookoŋkŋɔŋk. Lɔsii ijaag ɗookoŋk ŋaadiyɛɛkɛ gaŋk.

Dɛnɛɛ Pɛrka Yowanisik 3:14

"Taapar wargatɛ wosɛytaana Waakoyotoŋk gode Sambatɛyoŋk sinaana ar Lodokiyaakeek, Ege sigi pɛɛniyɛ Ameenik, iɗit sinɛ ŋaadɛɛ ɛ eekerkank sinɛ waasɛ eekeerik, ɛ ɓali riiɓ Waakoyotoŋkuk.