Yaykoob 5:3 - Kuumeet Sinɔ Tɔɔnuk Ad Majaŋeeroŋk

³ Worke noŋk a awɛytiir ɔgɔ sigɛ obi gati nɛŋkik uuterkɔŋ. Nɛ uutan nɛŋk yaaŋɛ ɛɛk iinakɛ. Maɓɔrɛ buusɛɛ goŋk ɗam a ito maɗ. Tolɛɛrkɔ wori emeyikɛ sigeege pediyaak.

Yaykoob 5:3 Iomraidhean Croise

Ijaag Wosɛytaanakoŋk 2:17

Tonu Waakoyot kɛ, 'Wawuykɛ sigaagɛkoy pediyoŋk ɓɛɛlɛkoy oko sinik, gupatɛɛrakoy Wɛɛŋa gaaŋk joopa baŋɛ. Tɔɔmɔk goŋk sigɛ moojakik a sigɛ peetakik waasɛrkoy pɛrka, joop goŋk sigɔ atiinyiik dɛnɛrkoy pɛrkiyɛ, gutarɛyɛ goŋk pɛrkiɗiikoyŋ.

Roome 2:5

Yakana agut kilarɔn nook a ɓayɛ nook sinɛ kiiki weeriit tikiyɛɛkɛɛk, bobosun eek nookɛ raŋk goopan ɓɛɛnyɔ goopan Waakoyotoŋk saakoy yaaŋɛɛɗ ɛɛk pirdi sinɛ likik.

Pɛɛyeen Timotiyoosuk 2:17

ɛ bakaanyirar waasiyɛ gɛŋk a ito ŋayni sinɔ ki aaɗorɔnk. Ege joope sigeege kɔɔr ɔgɔɔk Hemenewoos a Pilatoos.

Pɛɛyeen Petrosuk 3:3

In ɗegerɛɛ sini olaatɛ baŋɛ ɔɗɔɔkɛ, mɛlɛrkikɔɔ emeyikɛ sigaagɛkoy pediyaak joop sigɔ anyaayikaanakik, sigɔ arir anyaayik sigɔ nomɛrɗi any sinɔ ŋɛɛwɛnŋɔŋkuk.

Dɛnɛɛ Pɛrka Yowanisik 17:16

Keegun sinɛ a kolbɛɛ sigɛkan dɛnink aarink ɓooyurkoy ruunykan sinɛŋ, karkararkoy sɛɛn nɛ ŋɔɗar konaan, ɗamarkoy buusɛ nɛɛkiŋ, ɛkoy moɗɛr maɗ.

Dɛnɛɛ Pɛrka Yowanisik 20:15

Nɛ ɔkɔn lakɛ iɗit sinɔkoy kiikɛ laŋiiɗ tiriya gɛɛŋk aɓa taapɛɛ wargatɛya sinaanɛ wɛɛŋakoŋkuk, nɛkoy oriirɛɛ gɔrɔwa sinaana maɗoŋk takana.

Dɛnɛɛ Pɛrka Yowanisik 21:8

Mayakana joop sigɛ ɓɔɔjakik, a sigɛti kir ŋaaditik, a sigɔ somkaanakik, a sigɔ ɓokootaaŋɔŋk, a sigɔ ruunykaanakik, a sigɔ ŋeytunuk, a sigɔ ugumer raŋaawotakaak, a nyonkaanak baŋɛ nyonkoy nɛŋk goroo sinɔɔnɛ obiiŋɔŋk moɗiŋɔŋk koon sinaanɛ moɗik tak. Ege sini rer pɛɛyeen nɛɛk.