Yaykoob 5:19 - Kuumeet Sinɔ Tɔɔnuk Ad Majaŋeeroŋk

¹⁹ Iinak manyaakak eeta sigɛ dooytaanakik, ɔkɔn iinakɛ iɗit omaay ŋaarki gopɛ eekeeroŋkuŋ, ɛ iɗit omaay jumurku sɛɛn gopana eekeeroŋkuŋ,

Yaykoob 5:19 Iomraidhean Croise

Maatiyoos 18:15

"Ɔkɔnnu tike masookooyuŋ, mak nɔ tonguɗun tikiyɛ gɛɛŋk ma iin a sɛɛn mowan. Nɛ ɔkɔnna tiyɛŋ nɛ arin a masookoy kɛkar.

Lukaas 22:32

Yakana saak ɗanɗamaaka kɔna kɛnɔ kat badɛr ŋaadiyɛ goonɛk. Saakɔɔ weerikiɗin tikiyɛɛkɛ Waakoyotak baŋiya, ari masookoyak a in ɓaŋkaawurar."

Gɛlatiyaa 6:1

Iinak manyaakak eeta sigɛ dooytaanakik, ɔkɔn lakɛ iɗit sinɔkɔ ijaag tikiyɛɛkiŋ, nɛ in jumurkɛɛ koɓiiɗ sinɔɔnɛ mentanŋɔŋk iinak dooytaanak sigɛ ɓaŋkaawakari ŋaadiyɛɛkɛk. Yakana seŋk kooru ɛɛk kɛnɔ kɔɔ kat ɗiiririn paariyɛɛka sigɔɔga ito sigik.

Omoŋ Timotiyoosuk 6:10

Agut sinɔ ege pori woriyoŋk tiltil any sinɔ ŋɛɛwɛnŋɔŋk. Ɗɛyɛrɓa joop a omoŋ omoŋ a laŋir wori nɛɓa wider ɛɛk ŋaadiyɛɛkɛ, ŋɔɗutarɓa ɛkan gɛŋk rakatɛya sanoŋk.

Omoŋ Timotiyoosuk 6:21

Joop a omoŋ omoŋ tonurɓa kɛ, lakii ɗegerɔn siniŋ, nɛɓa badɛr ŋaadiyɛɛkɛ. In wookan Waakoyotoŋk a iin agut omoŋ.

Pɛɛyeen Timotiyoosuk 2:18

Ŋɔɗarkan joop sigi eekeer nɛ ŋaararŋ. Nɛ arir joop a omoŋ omoŋ a kir ŋaadit Keresee a tonur kɛ, "Ɓɛɛlɛɓa ŋaarin ret walasak jeemɛ."

Ibirawiyaan 5:2

Oolɛ a sanɗi sɛɛna joop sigɛ kir ɗegerɔɔn ɛɛkik a sigɛ babadarkiŋ, agut sinɔ sɛŋk ɗegerɗi bɔɔlaakaŋɔŋk.

Yaykoob 1:16

Iinak manyaakak eeta sigɛ porɛɛk, kat kɔnu raaramɛɛ.

Yaykoob 1:19

Iinak manyaakak eeta sigɛ porɛɛk, kat monɗiikɛɛ sineene, joop baŋɛ in gorgoorar tiyaana, ma in aayɛr toniiɗa a ŋadiiɗa.

Yaykoob 3:14

Mayakana ɔkɔn kone ɓɛɛlɛ ɓayɛtunɛɛkɛ goŋk ɓaaykaat, a nyeken, a pori ɛɛkoŋkuŋ nɛ kat meriir ɛɛk, ɛ kat tonɛɛ nyon eekeerɛ raŋk.

Yaykoob 5:20

nɛ iɗit sinɛkɔ jumurku iɗit sinɛ tikitank gopɛ sinaanɛkɔ badɛɛɗik, in ɗeger kɛ ebɔdɛkɔ wɛɛŋa iɗit sinɛ tikitank ret ɛkɔ ari a laŋi tɔŋɔɗ tikiyɛ gɛɛŋk sigɔ ɓɔɔkaaŋɔŋk.

Pɛɛyeen Petrosuk 3:17

Agut sini, iinak sigɛti poriirik, agut sinɔkan ɗegerarkunɗɔ sini jeemɛŋɔŋk, in koorɛɛ ɛɛk kɛnɔ mokɔɔ kɔnu diiler tikiyɛɛk joop sigɔ kir tiiɗitik, kɛnɔ mokɔɔ ɗiirarkɔ saadikan ɛtɛrɗɔ a ɓaŋkawuŋɔŋk.

Yuuda 1:11

Durikoy sɛɛga! Kaarɗiɓa gopan sinɛɓa Kaayelik. Nɛɓa golɛrgeeɗ wori nɛ guugunyar tikiyɛɛka Bɛlɛaamuk, nɛɓa badɛr oko sinɛɓa Koore ɓooyiɗ ɓaŋkawuka Waakoyotoŋkuk nɛɓa ɓɔrɛ duri joopa sigeega agut ɓooyan nɛŋk.