Yaykoob 4:8 - Kuumeet Sinɔ Tɔɔnuk Ad Majaŋeeroŋk

⁸ In wideerɛɛ ɛɛk Waakoyota, widikikɔɔ ɓɔrɛ kɔna ɛɛkiŋ. Iinak tikitaanak, in ŋaɗɛɛ arin goŋk. Iinak walwaatikaanak, in ŋaɗɛɛ ɓayɛtun goŋk.

Yaykoob 4:8 Iomraidhean Croise

Maatiyoos 12:33

Ɗegerɛɛ kɛɛt taamɛkɛ gɛɛnɛkik in aarɛɛ ɛɛk a kɛɛt sinɔ mentanŋɔŋk, kɛnɔkɔɔ laŋiir taamɛ sigɔ mentaanaŋɔŋk. Ma ɔkɔn ariir ɛɛk a kɛɛt sinɔ ŋɛɛwɛnŋɔŋk, laŋiirkɔɔ taamɛ sigɔ ŋɛɛwɛɛŋɔŋk.

Maatiyoos 15:2

"Kir nomtaanak goonɛk eemɛyɔɔn barɛ bɔɔlɔŋeeroŋk agut jikon? Ɗami a kir aadi arin."

Maatiyoos 27:24

Dɛnɛɓa Pilatoos any sini akɔɔ boŋku ooyan ma kiiɗɛ tɔkɔny, nɛɓa ari a diilagiɗɛ maawu nɛ aadi arin gɛɛŋk joope gɛɛnɛk taamɛkɛ nɛ tonu kɛ, "Moko eet ɔɗɔwen reta iɗit sini kiiɗɛ tikiyɛɛk. Ege ɔɗɔwikeen nɛɛkɛ noŋk."

Ijaag Wosɛytaanakoŋk 15:9

Kiɓatin pakaatɛ a sɛɛg, ijaagɓa ɓayɛtun gɛŋk a mentaanaŋ ŋaadiyɛɛkɛ.

Pɛɛyeen Korontoosuk 7:1

Sisɔ iinak sigɛ kɔnu poraak, agut sinɔɓa gaɓɛɛɗɛɛ ŋaadiyɛ sigɛ kookoriik agut eteŋkik, nɛ koy ŋaɗii ɛkan gaŋk olaatɛ sigaagɛ arir taar naŋk a wɛɛŋa gaŋk a somkaanakik, ɛ koy arii mentanka naŋk taamɛkɛ Waakoyotoŋk adaktan tuɓur Waakoyotoŋk.

Omoŋ Timotiyoosuk 2:8

Agut sini ɗɛya moojak sigɛ atu nyonitaakɛ baŋɛk kɛnɔ ɔɔyɛr ŋadi a ɗaakan, kɛnɔ ɓɔŋgɔɔrɛr arin gɛŋk sigɛ geetitaanakik kɛnɔ ɗanɗama.

Ibirawiyaan 10:22

Koy wideerii ɛɛk Waakoyota ɓayɛ baŋɛ, a ŋaadiyɛɛkɛ sigɔɔgɛ enyaaŋɔŋk, a tina wasanɗiikɛɛ ɓayɛtunɛɛka, ɛ aadii ɛɛk naŋk maawɛ sigɔɔgɛ mentaanaŋɔŋk kɛnɔ arii kalbiyɛ gaŋk a mentaanaŋ olaatɛ sigɔɔgɛ ŋɛɛwɛɛŋɔŋk.

Ibirawiyaan 7:19

Agut sinɔɓa higi nɛɛkɛ kiiɗ ariiɗ iɗit a kɛɛ any sinɔ bitakɗiiɗik, nɛ sisɔ mɛlɛrki ŋaadiyɛ sigɛ kookoriik sigɔ kaalɗiŋɔŋk sigɔ widerkiɗii ɛɛk son lak Waakoyok.

Yaykoob 1:8

Agut sinɔ lakiɗ koɓiiɗak a pɛɛyk nɛ ki gayɛ a ŋawite taamɛ takan gopɛ sinɔɔnɛ omoŋɔŋkuŋ.

Yaykoob 3:17

Mayakana ɗegerɔn sinɔ laŋɛɛ Waakoyotek mentanɓa a kiiɗɛ any sinɔ ŋɛɛwɛnŋɔŋk tuki, nɛ saadi poru bɔdɛ, ɛ mentan, ɛ tiiɗi, ɛ maariyɗi, ɛ lak taamɛ sigɔ mentaanaŋɔŋk. Ki pakaatɛ joop, ɛ kiiɗɛ tagay.

Omoŋ Petrosuk 1:22

Ŋaɗɛɛrkɔ ɛkan goŋk a tiiɗikari eekeera kɛnɔ latukari mɛyin sinɔ kiiɗɛ daraayɛ masookoyakaak. Agut sini in poporiikɛɛ ɛkanɛɛkɛ goŋk ɓayɛtun goŋk baŋɛ.

Omoŋ Petrosuk 3:21

Ege maawu sigi rɔmɛ aadiitoŋk sinɛ kɔnu ebɔdɛ sisɔk. Moko ege sini aadi turi ɛɛkoŋk, kalɛy sinɔ wideerɛɛ son lak Waakoyok kɛnɔ gaɓɛ kalbi sinɔ kɛɛ laaganyɛɛk. Ebɔdɛ kɔnu aadi sini goy ŋaarin Yeese Kereseek ret walasak.

Omoŋ Yowanisik 3:3

Joop sigɛ ŋaadir kɛ gayɛkoy sini baŋɛ oko sinɛ mentankiɗ sɛŋkik, ijaag iɗit ɛɛk nɛɛk a mentan ɗuma.