Yaykoob 4:12 - Kuumeet Sinɔ Tɔɔnuk Ad Majaŋeeroŋk

¹² Sinɛ gaɓɛ higi ɛ pɛrɛdɛk Waakoyo dakɛɗa, Sɛɛn dakɛɗa sinɛ oolɛ a tin ebɔdɛ ɛ tin sɔɔkɛk. Anɛ iin wooɗ sinɛ pɛrɛdɛ etek?

Yaykoob 4:12 Iomraidhean Croise

Maatiyoos 10:28

Kat ɓurɛɛ joop sigɛ ɓokotur buusɛ ma kir oolɛ a ɓokotur wɛɛŋaŋɔŋk. Ma in ɓurɛɛ Waakoyo sinɛ oolɛ a sɔɔkɛ wɛɛŋa a buusɛ siioolek.

Lukaas 12:5

Yaaŋa kɔna iɗit sinɛ ɓurɛɛkiŋ Waakoyo sinɛ lak ɓaŋkawuka sinɔ ɓokotɗiiɗ nɛ ori maɗa goopanoŋkuk. Eekeer tona kɔna kɛ in ɓurɛɛ sɛɛn.

Roome 14:13

Agut sini koy ŋɔɗii pɛrɛɛdan ɛkanɛɛkɛ gaŋkik. Ɛ in nyɛyɛ iɗit sinɔ riiɓeeɗ manya any sinɔ gaŋiɗŋɔŋk maŋk tuutuk.

Roome 14:4

Iin wooɗ sinɛ pɛrɛdin laaŋoyente iɗit omuk? Ɛtɛŋ maŋk ɗiiriŋ suumiya nɛɛkaak kɛygun ɗiiriŋ. Nɛkoy ɛtɛ kɛkarŋ, agut sinɔ oolɛ a ari sɛɛn Suumi nɛɛkɛ a ɛtɛŋ.

Roome 2:1

Agut sini iin iɗit sinɛ pɛrɛdin ete omalteek kɛɛne any sinɔ kolɗun ɛɛkik, agut sinɔ saa pɛrɛdɛɛɗin ete omalteek, nɛ pɛrɛdin eek nookɛk. Pɛrɛdin ete maɓɔrɛ ijaagin any sinɛ ijaag iɗit sinɛ pɛrɛdɛɛɗinkiŋ.

Roome 9:20

Yakana iin wooɗ sinɛ tonun Waakoyota oko sinikik? Tonu suɓoy eta sinaana kɛnyiik kɛ, "Kɛnyin kɔtu oko sinik agut jikon?"

Ibirawiyaan 7:25

Agut sini oolɛ a ebɔdɛ nɔkoy nɔkoy joop sigɛ kurak son lak Waakoyok goy nɛɛkɛk agut sinɔ beeɗiɗ ɓɛɛnyɔwɛ gɛɛŋk baŋɛ kɛnɔ kalɛyiɗi agut sɛɛgik.

Yaykoob 5:9

Iinak manyaakak eeta sigɛ dooytaanakik, kat palalamiikɛɛ ɛkanɛɛkɛ goŋk kɛnɔ mokɔɔ kɔne pɛrɛdɛɛ. Iɗit sinɛkɔɔ kɔne pɛrɛdɛk mɛlkikɔ nɛ ɛtɛtɛr tugaat.