Yaykoob 4:1 - Kuumeet Sinɔ Tɔɔnuk Ad Majaŋeeroŋk

¹ Kurak eet kaarin a ɗaakan sigɛ kone atu kɔɔruk? Moko ɗɛyaan taaroŋk sinaanɛ enya kɔnek?

Yaykoob 4:1 Iomraidhean Croise

Maatiyoos 15:19

Ŋaaraki ɓayaay etoŋk koɓi sinɔ ŋɛɛwɛnŋɔŋk, ɓokotiit etoŋk, ibe, ruunyikeen, agɛy, waasiyɛ nyonoŋk a sɔɔkiyɛ tiriya etoŋkuk.

Yowanis 8:44

Iinak tɔɔmɔk ɓaaɓa noŋkuk, setanik. Ɗɛyɛɛr a ijaagiir any sinɛ ɗɛyɛ ɓaaɓa noŋkuk. Sɛɛnɓa sɛŋk iɗit sinɔ ɓokotɗiiŋɔŋk a tukiɗi tuki nɛɛkɛɛk. Kɛɛ sɛɛne lalaŋ a eekeerik agut sinɔ kiiɗɛ sɛɛne eekeerik. Saa toniiɗ nyonuk tonu any sinɔ boŋku aɗoy nɛɛkɛkik agut sinɔ sɛɛn nyonkan ɛ sɛɛn ɛpɛn nyonaak.

Roome 7:23

Yakana dɛna a lakɛ higi om sinɔ ijaagɗi nyonitaakɛ gaanɛ ɛɛkoŋk takik, a tima a higi kalbi naakik nɛti ari a eet korkortan higiya tikiyɛɛkoŋk sinɛ ijaagɗi nyonitaakɛ gaanɛ ɛɛkoŋk takik.

Roome 7:5

A inɓa ki rerin buusɛ naŋk sini tikitank nɛɓa ijaajagɗi buusɛɛ naŋk tak ɗɛyan tikiyɛɛkoŋk sinɛ ɓeeɓeski higiik kaakastaanakɛ ɛɛk naŋkik, nɛɓa gaɓii taamɛ retoŋk.

Roome 8:7

Nɛ agut sini ege riiɓ ɓayaayoŋk ant taaroŋk gumaakikeen a Waakoyok. Ki ɓalɗiit higiya Waakoyotoŋk, ki oolɛ a ɓalɗigeeɗiŋ,

Gɛlatiyaa 5:17

Ɗɛyɛ taar any sinɔ kir ɗɛyɛ Wɛɛŋa sigɔ Geetitaanakik, maɓɔrɛ Wɛɛŋa sigɔ Geetitaanakik ɗɛyɛr any sinɔ ki ɗɛyɛ taark. Nɛ sigi ɗaaki ɛkanɛɛkɛ gɛŋk, nɛ agut sini kiir ijaagɛ any sinɛ ɗɛyɛɛrik.

Kolasiis 3:5

In ɔɔyɛɛ tikiyɛ sigɛ laŋɛɛ beeɗit noŋk baŋɛ, sɛɛg sigi ruunyikeen, a somikeen, a molkotɔn, a ɗɛyan sinɔ ŋɛɛwɛnŋɔŋk, golɛ sinɔ ugumeeɗɛ raŋaawotakaak.

Pɛɛyeen Timotiyoosuk 2:23

Yowɛɛɗir gaagɛyikent a palamɛɛ sinɔɔnɛ ɓɛɛlɛ kanysɛyaak agut sinɔ ɗegerɗin kɛ ɗɔkukɔɔ kaarink.

Tiito 3:3

Eteŋkɓa ɓɔrɛ gaagɛɛ jeemɛ, kiiɓa tiiɗit Waakoyota, ɛɓa tin raaramɛɛ, ɛɓa eteŋk laaŋoyeer tikiyɛɛkoŋk, ɛɓa eteŋk ɗɛgɛjaak, ɛɓa eteŋk aabuurekaanak, ɛɓa tin ɓooyɛɛ, ɛɓa ɓooɓooyikii ɛkanɛɛkɛ gaŋk.

Tiito 3:9

Mayakana widi ɛɛk palamɛɛ sɔkɔnk, a ikomiit komoyɛɛkoŋk, a ɗaakan a kaarin sinɔ ŋaarki agut higi Muuseek agut sinɔ ola sigi kɛɛ sɛɛge tɔkɔny ɛ kɛɛ sɛɛge ɔɔtɛ.

Yaykoob 1:14

Mayakana iɗit a omoŋ omoŋ paarɛɛ sɛɛn saa puruuteɗ sɛɛn ɛ raamɛɛɗ sɛɛn ɗɛyan nɛɛkɛkik.

Yaykoob 4:3

Kalɛyɗikari nɛ kiir laŋiiɗ any sinɛ kalɛyiirik, agut sinɔ arirɗɔ yaaka taaroŋk ant sinaanɛ laŋiirik, nɛ ɗanɗamaakari koɓiiɗ sinɔɔnɛ ŋɛɛwɛnŋɔŋk.

Omoŋ Petrosuk 1:14

Oko sinɛ iinak tɔɔmɔk sigɔ tiiɗiŋɔŋkuk, kat nomɛɛ ɗɛyaan sinɔɔnɛ ŋɛɛwɛnŋɔŋk, sinaanɛkan latukari jeemɛ a inɓa kiir ɗegerɔɔn ɛɛkik.

Omoŋ Petrosuk 2:11

Iinak joop sigɛ kɔnu poraak, agut sinɔ iinak ɗook raŋk konan a woytataktaanak, nɛ kɔnu kalɛya kɛnɔ yowɛrkari ɗɛyaan taaroŋk sinɔɔnɛ kaarar a ɛkan goŋkuk.

Pɛɛyeen Petrosuk 2:18

Waasɛr pɛɛni sinɔ ɓɔŋgɔɔrɛrɗi ɛkan gɛŋk a pɛɛni sinɔ ɓɛɛlɛ kanysɛyaak a raamɛr joop sigɛkan ŋaararki kɛ gonyuŋ joope sigaagɛɓa badɛrk kɔɔruk a raamɛr sɛɛg ɗɛyaan taaroŋk a ruunyikent.

Pɛɛyeen Petrosuk 3:3

In ɗegerɛɛ sini olaatɛ baŋɛ ɔɗɔɔkɛ, mɛlɛrkikɔɔ emeyikɛ sigaagɛkoy pediyaak joop sigɔ anyaayikaanakik, sigɔ arir anyaayik sigɔ nomɛrɗi any sinɔ ŋɛɛwɛnŋɔŋkuk.