Yaykoob 3:2 - Kuumeet Sinɔ Tɔɔnuk Ad Majaŋeeroŋk

² Babadii olaatɛ sigɔɔgɛ ɓɔɔkaaŋɔŋk eteŋk baŋɛ. Iɗit sinɔ ki badɛ waasiyɛɛkɛk, iɗit sinɔ daktan a oolɛ ikomiit ɛɛk nɛɛk baŋɛ.

Yaykoob 3:2 Iomraidhean Croise

Maatiyoos 12:34

Iinak sigi ŋɛɛwɛkari a ito iinak kookok! Saa iinak joop sigɔ ŋɛɛwɛɛŋɔŋk, oolɛɛr a toniir any sinɔ mentanŋɔŋk ɛk? Agut sinɔ tonu iɗit ad nɛɛkɛ any sinɛkɔ enyɛɛri ɓayaay nɛɛkɛkik.

Maatiyoos 12:37

Any sinɛ ŋaarki pɛɛni nookɛkik mentankinkoy taamɛkɛ Waakoyotoŋk, any sinɛ ŋaarki pɛɛni nookɛkik pɛrɛdɛɛkoyneŋ."

Roome 3:10

Agut sinɔ taapɛɛɓa Wargatɛɛ Waakoyotoŋk kɛ, "Kɛɛ iɗit sinɔ omoŋɔŋk mentan taamɛkɛ Waakoyotoŋkuk, kɛɛ aasi sinɔ omoŋɔŋk.

Roome 7:21

Mɛlɛkɔta kɛ ijajagi higi siniŋ. Saa ɗɛykɛɗa ijaaga any sinɔ mentanŋɔŋk, ma eet a any sinɔ ŋɛɛwɛnŋɔŋk agut omoŋ.

Omoŋ Korontoosuk 9:27

Saa waasɛɛɗa pɛɛni nɛɛkik baŋiya, nɛ ikoma ɛɛk naak a ara ata tiiɗiŋ, kɛnɔ maŋk daka reeraan nɛɛkɛ walas.

Gɛlatiyaa 3:22

Yakana Yaaŋɛ Wargatɛ Waakoyotoŋk kɛ ege joop baŋɛ tikitaanak, agut sini kɛnɔ gaɓɛ joopa sigaaga ŋaadir pɛɛni kuumiyɛɛkoŋk sigɔ laŋɛɛ sɛɛg ma ŋaadɛɛ Yeese Kereseek.

Gɛlatiyaa 5:17

Ɗɛyɛ taar any sinɔ kir ɗɛyɛ Wɛɛŋa sigɔ Geetitaanakik, maɓɔrɛ Wɛɛŋa sigɔ Geetitaanakik ɗɛyɛr any sinɔ ki ɗɛyɛ taark. Nɛ sigi ɗaaki ɛkanɛɛkɛ gɛŋk, nɛ agut sini kiir ijaagɛ any sinɛ ɗɛyɛɛrik.

Kolasiis 1:28

Waasii Keresee joopa baŋɛ a rɔɔrɔkaakii sɛɛga ɛ rɔɔriyii sɛɛg ɗegerɔɔn baŋɛ kɛnɔ joop baŋɛ ɓɔlɔɔrɛr Keresee.

Kolasiis 4:12

Digoyɛɛr nɔ kɔnu Epaapira sinɛ tekaan noŋkuk sinɛ ijaagen Kereseek. Ari sɛŋk ɗɔŋkɔɔlɛ ɓɛɛnyɔwɛ gɛɛŋk baŋɛ ɗanɗamɔɔn nɛɛkɛ jɛt agut iinak kɛnɔ ɛtɛɛr a ɓaŋkaawurari a ɓɔlɔɔrɛɛr wɛɛŋakɛ dooyanoŋk a dusanɛɛr ɗɛyan Waakoyotoŋk baŋɛ.

Ibirawiyaan 13:21

In kɔna Waakoyo sini kadiɗi ant sinɔɔnɛ mentanŋɔŋk baŋɛ kɛnɔ ijaagiir ɗɛyan nɛɛk, ɛ in tine ijaag any sinɛ yaageeɗik goy Yeeseek Kereseek. In dakɛ eemɛyɔɔn sɛɛna nɔkoy nɔkoyk. Ameen.

Yaykoob 1:26

Iɗit sinɔ tonu kɛ ara Waakoyo a yaageeɗiŋ ma ki ikomiit kaɗa nɛɛkik raamɛ ɛɛk nɛɛk, ege ŋaadiyɛ gɛɛnɛ kanysɛya.

Yaykoob 1:4

In dusanɛ ijaag nɛɛk, ɓaŋkaawurɔn noŋk oolaanik, nɔkɔɔ iinak daktaanak a kɛɛ any sinɔ kɔne bitakɗiik.

Yaykoob 2:10

Ɔkɔn iɗit sɔɔkɛ sekiyɛɛkɛ a omoŋ ma koorɛ sigɛ ŋayɗiik baŋɛŋ nɛ ikomɛ a kɔ sɔɔkɛ sɛɛg baŋɛ.

Omoŋ Petrosuk 3:10

Oko sinɛ toniiɗ Wargatɛ Waakoyotoŋk kɛ, "Iɗit sinɔ ɗɛyɛ beeɗit sinɔ yaaŋɔŋk, ɛ ɗɛyɛ a koy dɛnɛ emeyik sigɛkoy mentaanaŋɔŋk, in kol kaɗa nɛɛk ant sinɔɔnɛ ŋɛɛwɛnŋɔŋk, ɛ kol ato nɛɛk a kat toniiɗ ɗɛgɛ.

Omoŋ Petrosuk 5:10

Ɔkɔn boŋiir rakatɛ ɔɔtɛya sinɔɔna balaaŋɔŋk, Waakoyo sinɛ ɗumaat tigiyak baŋɛk sinɛɓa kɔnu riy eemɛyɔɔna sinaanakoy nɔkoy nɔkoyk goy Kereseek, gaɓɛkɔɔ kɔna any sinɛ ɗɛyɛɛrkiŋ, Sɛɛn titikekɔɔ kɔnuŋ, arikɔɔ kɔnu a ɓaŋkaawurariŋ, arikɔɔ kɔnu a ɛtɛɛriŋ.