Yaykoob 3:17 - Kuumeet Sinɔ Tɔɔnuk Ad Majaŋeeroŋk

¹⁷ Mayakana ɗegerɔn sinɔ laŋɛɛ Waakoyotek mentanɓa a kiiɗɛ any sinɔ ŋɛɛwɛnŋɔŋk tuki, nɛ saadi poru bɔdɛ, ɛ mentan, ɛ tiiɗi, ɛ maariyɗi, ɛ lak taamɛ sigɔ mentaanaŋɔŋk. Ki pakaatɛ joop, ɛ kiiɗɛ tagay.

Yaykoob 3:17 Iomraidhean Croise

Maatiyoos 23:28

Iinak gayikari raŋana goŋk joopa a joop sigɔ mentaanaŋɔŋk, mayakana takana goŋk enya tagay a joop sigɔ mentaanaŋɔŋkuk a tikiyɛ.

Maatiyoos 5:8

Iinak joop sigɛ mentaana ɓayɛtunɛɛkɛ gɛŋkik, iinak geetitaanak, agut sinɔkoy dɛnɛrɗɔ Waakoyoŋɔŋk.

Maatiyoos 5:9

Iinak joop sigɛ ijaagir taakiyɛk, iinak geetitaanak, agut sinɔ ege Waakoyot Ɓaaɓa noŋk.

Lukaas 21:15

agut sinɔ gaɓaakoy kɔna pɛɛni a ɗegerɔn sinɔ kɛɛ iɗit sinɔ oolɛ a lɔsɛ a palamɗiik.

Lukaas 6:36

In iinak maariytaanak oko sinɛ ege Ɓaaɓa noŋk maariytank.

Yowanis 1:14

Nɛɓa gayɛ pɛɛnii a Iɗit nɛ enyɛɛri wookan a eekeer nɛ beeɗ eteŋkɛ kɔɔr. Nɛɓa dɛnii eemɛyɔn nɛɛkiŋ, oko eemɛyɔn Tɔɔn sinɔ omoŋɔŋk Ɛpɛneek, sinɛ ar sooy lak Ɛpɛnik.

Yowanis 1:47

Saaɓa Yeese dɛnɛɛɗ Naatinaeel a kus son lak sɛɛnik, nɛɓa tonu agut sɛɛn kɛ, "Ege sini iɗit Israeelik sinɔ eekerkank, ɛ kiiɗɛ koɓi sinɔ ŋɛɛwɛnŋɔŋk."

Ijaag Wosɛytaanakoŋk 11:24

Sɛɛnɓa iɗit sinɔ mentanŋɔŋk, sinɔ enya Wɛɛŋa sigɔ Geetitaanakik a ɓaŋkaawur ŋaadiyɛɛkɛk. Weeriikiɓa joop a ɓɔɔkaaŋ son lak Suumik.

Ijaag Wosɛytaanakoŋk 9:36

Lakɛɓa katamɛɛ Iyopeek nomtan sinɔ riyɛ kɛ Taabitaak, maŋk ad Giriikik Dorkaak, wooran tiriya gɛɛŋkik sinɔ kɛ moogunk. Sɛɛn jarti sinɔɓa ijajag any sinɔ mentanŋɔŋk, ɛɓa gigij sankaanak ɓɛɛnyɔwɛ gɛɛŋk baŋɛk.

Roome 12:18

Ɔkɔn kɔna gayɛ goy noŋkuŋ, nɛ in beeɗɛ a joop baŋɛ bɔdɛɛɗ.

Roome 12:9

Kat mɛyin noŋk lak tagay. In ɓooyɛɛ any sinɔ ŋɛɛwɛŋɔŋk, in gaagamikɛɛ a any sinɔ mentanŋɔŋk.

Roome 15:14

Eet ɔɗɔwa naaka eekerkan, iinak manyaakak eeta sigɛ dooytaanakik, sinɛ enyaɗɔ mentankaat, a sinɛ latukuɗɔ ɗegerɔn ɛɛkoŋk sinɔ enyaaŋɔŋk ɛ gayɛrɗɔ sinɔɔna rɔɔriyɗ iɗit omaay iɗit omk ɛkanɛɛkɛ.

Omoŋ Korontoosuk 12:8

Gaɓɛr Wɛɛŋa sigɔ Geetitaanakik sigɛ omaanakŋɔŋk eta omalta toni pɛɛni ɗegerɔn sinɔ dugaaŋɔŋk, ma eta omalta toni pɛɛni ɗegerɔn ɛɛkoŋk,

Pɛɛyeen Korontoosuk 10:1

Eet Paawuloos kalɛya kɔnu rikiteet ɛɛkoŋk a mentankaat Kereseek. Saa eet a iinakik agut omoŋ nɛti tonɛɛ kɛ leemkank, ma saa yowɛrkiɗa kɔnek nɛti tonɛɛ kɛ diirkank.

Pɛɛyeen Korontoosuk 6:6

a mentankaat ɛɛkoŋk, a ɗegerɔɔn ɛɛkoŋk, a ɓaŋkaawurɔɔn oolaanik, a mentankaat, a Wɛɛŋakɛ sigɔɔgɛ Geetitaanakik, a mɛyin sinɔɔnɛ eekerkank,

Pɛɛyeen Korontoosuk 7:11

Agut san sini ɓɛɛlɛ oko ɗɛyan Waakoyotoŋkuk sinɔkan ijaagiɗi iinakɛ kɔɔrk. Arikan ɓaŋkaawurɔn sinɔ ɛtɛ ɛkik, a jumuran sinɔ ɛtɛ ɛkik, a ŋadi sinɔ ɛtɛ ɛkik, a tuɓur sinɔ ɛtɛ ɛkik, a ŋɔɗɔkikeen sinɔ ɛtɛ ɛkik, a nyeken sinɔ ɛtɛ ɛkik, a tiijeet sinɔ ɛtɛ ɛkik. Nɛ yaaŋɛɛri ant sineene kɛ mentaanakari olaatɛ baŋɛ.

Pɛɛyeen Korontoosuk 9:10

Waakoyo sinɛ gaɓɛ eta sinaana soowuɗik wɛykon ma gaɓɛ kiiwu nɔ ɗamɛɛk, arikoy kɔna a obi wɛykon sinɛ ɗɛyɛɛrik, arikoy kɔnu a iinak worikaanak tigii noŋk.

Epesoon 5:9

Agut sinɔ gaɓɛ pɛɗɛrkaat mentanka baŋɛ, a mentanka taamɛkɛ Waakoyotoŋk, a eekeer.

Pilipisiyoos 4:8

Pediya iinak manyaakak eeta, in enya kalbiyɛ goŋk eekeerɛ a eemɛyɔɔn, a ɓɛɛlɛt kɛ ɗɔmk, a ola sigɔ mentaana, a yaagar, a porɛɛŋɔŋk. Ma ɓɔrɛ in koɓɛɛ sigɛ kaalɗiik baŋɛk sigɔ mentaanaŋɔŋk a pɔɔsiɗiigidɛɛŋɔŋk.

Kolasiis 1:10

ɛ ɗanɗamaakii kɛnɔ beeɗiir oko sinɛ ɗɛyɛɛɗ Waakoyotuk nɔ ariir Suumi a yaageeɗ olaatɛ baŋɛ, kɛnɔ kɔne laŋɛɛ taamɛ ijaag any sinɔ mentanŋɔŋk a ɓɔlɔɔrɛɛr a ɗegerari Waakoyo.

Omoŋ Tɛsɛlonkeek 2:7

Kɛygun aasi eteŋk nomtaanakiŋ ɔɔtɛ saagun kɔnu ooɗɛɛɗiik, nɛkan kɔne weeweriikii kɔɔr a rikitii ɛɛk oko sini lowiiɗ ɛmɛsa tɔɔna tɔɔn nɛɛkik.

Omoŋ Timotiyoosuk 5:21

Rɔɔrɔkaana kɛ ɗɔm taamɛkɛ Waakoyotoŋk a Yeese Kereseek, maɓɔrɛ wosɛytaanakɛ Waakoyotoŋk sigaagɛɓa daamɛɛk kɛnɔ koorun sekiyɛ sigi gaaŋk baŋɛ a moko arin iɗit om a kaalɛ mɛɛno a kat pakaatin joop.

Pɛɛyeen Timotiyoosuk 2:24

Ki ɗɛyɛ ijaagenta Suumiyoŋk a kaarŋ, ma ɗɛygeeɗ a mentan olaatɛ baŋɛ, ma lak oolan rɔɔriyɔɔnoŋk a ɓaŋkaawurɔn oolaanik,

Tiito 1:15

Joop sigɔ mentaanaŋɔŋk mentaana sɛɛga olaat baŋɛ, ma joop sigɔ somkaanakik ɛ kir ŋaadiɗiitik kɛɛ ara any sinɔ mentan sɛɛgak. Kɛygun koɓiɗak gɛŋk a kalbiyɛ gɛŋk ɓɛɛlɛr a somkaanak.

Tiito 3:2

Tonu sɛɛga kɛnɔ kat tonur any sinɔ ŋɛɛwɛnŋɔŋk ete omalte, nɛ kat ɗaaki a joop ɛ in mentaana a yaaŋɛr mentanka sinɔ ŋaarki ɓayaayk joopa baŋɛ.

Ibirawiyaan 12:11

Ki yaaka goopan ɔɔtɛya sinɔɔna balaŋɔŋk, ma yogukɛɛŋ. Mayakana saadi baŋiya gaɓɛ taamɛ mentankaatoŋk a bɔdɛɛɗoŋk joopa sigaagaɓa barɛrk tiyan goopanoŋkuk.

Ibirawiyaan 12:14

In arɛɛ any sinɛ kɔna gayɛ a beeɗirɗɔ a joop baŋɛ bɔdɛɛɗik, in ɓaŋkaawurɛɛ kɛnɔ iinak geetitaanak agut sinɔ kɛɛ oolɛ a dɛnɛɛ Suumi ma moko geeɗɛɛ geetitan,

Yaykoob 1:17

Ola sigɔ mentaanaŋɔŋk baŋɛ a geetiyɛ sigɔ pedtaanakik mɛlɛrkikoy sigi baŋɛ sooy lak Waakoyo sinɛɓa riiɓe pɛɗɛrkaatak sigɛ atu darik sinɛ kiiɗɛ weeweer ɛɛkoŋk a ito tipiik.

Yaykoob 1:5

Ɔkɔn lakɛ iinakɛ kɔɔr iɗit sinɔ bitakaaɗ ɗegerɔɔnkuŋ, in kalɛyi Waakoyo sinɛ gije joop baŋɛ yaakaat a ki worɛɛk gageeɗkɔɔŋ.

Yaykoob 2:13

agut sinɔ iɗit sinɔ ki maariyɗiitik pɛrɛdɛɗɛɛkoy a kɛɛ maariyeet, ma sɛŋk lɔsɛ maariyeet pirdi.

Yaykoob 2:4

nɛ moko ijaagiir pakaatan eek noŋk a pɛrɛdɛɛr any sinɔ ŋɛɛwɛnŋɔŋk?

Yaykoob 3:15

Degerɔn sinɔ ito sinik laŋɛɛkan ɗook raŋk a koɓiiɗ etoŋk, a setane, ma mokokan Waakoyote.

Yaykoob 4:8

In wideerɛɛ ɛɛk Waakoyota, widikikɔɔ ɓɔrɛ kɔna ɛɛkiŋ. Iinak tikitaanak, in ŋaɗɛɛ arin goŋk. Iinak walwaatikaanak, in ŋaɗɛɛ ɓayɛtun goŋk.

Omoŋ Petrosuk 1:22

Ŋaɗɛɛrkɔ ɛkan goŋk a tiiɗikari eekeera kɛnɔ latukari mɛyin sinɔ kiiɗɛ daraayɛ masookoyakaak. Agut sini in poporiikɛɛ ɛkanɛɛkɛ goŋk ɓayɛtun goŋk baŋɛ.

Omoŋ Petrosuk 2:1

Sisɔ in ŋɔɗɛɛ tikiyɛ baŋɛ a raamiyɛ baŋɛ a tagay a nyeken a laaganyɔnak sigɔ ɓɛɛlɛr kundiyaakɛk.

Omoŋ Petrosuk 2:18

Iinak laaŋoyeer, in tiiɗikɛɛ suumiyɛɛka goŋk eemɛyɔɔn, moko tiiɗigiɗɔ joop sigɛ mentaanak a joop sigɔ mentaana koɓiɗa gɛŋkik dakɛɛɗa. Kɛygun sɛɛk ŋɛɛwɛɛkɛɛŋ nɛ in sɛɛga tiiɗikɛɛ.

Omoŋ Yowanisik 3:18

Iinak tɔɔmɔk gaaŋk sigɛ kɔnu poraak, kat ar mɛyin naŋk ad a waasii dakɛɗa, ma in eekerkan ɛ in yaaŋɛ ɛɛk ijaag.

Omoŋ Yowanisik 3:3

Joop sigɛ ŋaadir kɛ gayɛkoy sini baŋɛ oko sinɛ mentankiɗ sɛŋkik, ijaag iɗit ɛɛk nɛɛk a mentan ɗuma.