Yaykoob 3:15 - Kuumeet Sinɔ Tɔɔnuk Ad Majaŋeeroŋk

¹⁵ Degerɔn sinɔ ito sinik laŋɛɛkan ɗook raŋk a koɓiiɗ etoŋk, a setane, ma mokokan Waakoyote.

Yaykoob 3:15 Iomraidhean Croise

Lukaas 16:8

"Nɛɓa suumi nɛɛkɛ pɔɔsɛ ɔɗɔwen sinɛ ijaageeroŋk ɗɛgɛjik agut sinɔkan ijaagɗiiɗ ɗegerɔɔn ɛɛkoŋkuk. Joop ɗoo sinik ɗegerar ɛɛk a kaalɛr joop pɛɗɛrkaatoŋk lalaŋ sinaanɛ latu a joop sigɛ gayi a sɛɛgik.

Yowanis 3:17

Mokoɓa Waakoyot wosɛyki Tɔɔn nɛɛk ɗooka kɛnɔ kus pɛrɛdɛ joope ɗookoŋk, ma kɛnɔ bɔdɛr joop ɗookoŋk ɔɔtɛ nɛɛkɛɛk.

Yowanis 8:44

Iinak tɔɔmɔk ɓaaɓa noŋkuk, setanik. Ɗɛyɛɛr a ijaagiir any sinɛ ɗɛyɛ ɓaaɓa noŋkuk. Sɛɛnɓa sɛŋk iɗit sinɔ ɓokotɗiiŋɔŋk a tukiɗi tuki nɛɛkɛɛk. Kɛɛ sɛɛne lalaŋ a eekeerik agut sinɔ kiiɗɛ sɛɛne eekeerik. Saa toniiɗ nyonuk tonu any sinɔ boŋku aɗoy nɛɛkɛkik agut sinɔ sɛɛn nyonkan ɛ sɛɛn ɛpɛn nyonaak.

Ijaag Wosɛytaanakoŋk 13:10

"Iin tɔɔn diyabiloosuk, iin gumaaken eekeeroŋk baŋɛ siniɓa barɛ raamiyɛ a koɓi sinɔ ŋɛɛwɛnŋɔŋkuk. Kin toŋoɗ ruruŋ gopan Waakoyotoŋk sinɛ ɓɛɛlɛ kɛ sɛmk?

Roome 1:22

Tonur kɛ ɗegerii ɛɛk, mayakana sɛɛg gaagɛyɛ.

Omoŋ Korontoosuk 1:27

Mayakana daamɓa Waakoyot joop sigɛ ikomɛɛ ɗook raŋk a gaagɛyɛɛk kɛnɔ ari joop sigɛ ɗegerar ɛɛkik a latu keeny, ɛɓa daam joop sigɛ ikomɛɛ ɗook raŋk a bɔɔlakik kɛnɔ ari joop sigɛ ɓaŋkaawark a latu keeny.

Omoŋ Korontoosuk 2:14

Iɗit sinɔ moko dooytank ki oolɛ a boŋu any sinɛ kus Wɛɛŋakɛ Waakoyotoŋkuk, agut sinɔ mermenɗɛɛ Wɛɛŋakɛk Waakoyotoŋkuk nɛ kiigeeɗ mɛlɛ, gayigeeɗ aasi sɛɛna any sini a gaagɛyikeen.

Omoŋ Korontoosuk 3:19

Ege ɗegerɔn ɗoo sinik gaagɛyikeen taamɛkɛ Waakoyotoŋk. Agut sinɔ taapɛɛɓa Wargatɛɛ Waakoyotoŋk kɛ, "Kaŋi Waakoyot joop sigɛ ɗegerar ɛɛkik ɗegeej nɛŋk."

Omoŋ Korontoosuk 3:3

In ɓɔrɛ sisɔ iinak joop ɗookoŋk agut sinɔ a'ararɗɔ nyeken ɛ ɗaakiɗɔɔ ɛkanɛɛkɛ goŋkuk. Anɛ moko iinak joop ɗookoŋk? In aasi dakɛ sinɔ kɛ iinak joop Waakoyotoŋkuk, a moko iinak joop ɗookoŋku?

Pɛɛyeen Korontoosuk 1:12

Nɛ any sinɛ meriiɗii ɛɛkik sɛɛn sini. Yaaŋɛtina kalbi naŋk kɛ ege any sini eekeer, nɛ tin diile mentankaat a ɓɛɛlɛt kɛ ɗɔmk sinɛkan laŋii Waakoyotek lalaŋ sinaanɛkan lakii a joop ɔgɔɔk ma kɛ ɗɔm a iinak agut omoŋɔŋk, mokokan sini gayɛ ɗegerɔɔn etoŋk makan maariyeet a mɛyin Waakoyotoŋk.

Pɛɛyeen Korontoosuk 11:3

Kaɗiigiɗa any sinɔ sɔɔkiɗi kalbiyɛ goŋk nɛ kiir boŋiiɗ mentanka nyeken sinaanɛ latukari Kereseyaak oko sinɛɓa raamɛɛɗ kookoo Heewan nyonɛk.

Pilipisiyoos 3:19

Pedtankoy nɛŋk badɛ agut sinɔ jooh nɛŋk ɗɛyan nɛŋk taaroŋk, merirɗi ɛɛk any sinɔ lagiɗɛɛ keeny a keerɛɛŋɔŋk, koɓur ɓɛɛnyɔwɛ gɛɛŋk baŋɛ any ɗoo raŋan nɛɛkik.

Pɛɛyeen Tɛsɛlonkeek 2:9

Mɛlkikoy iɗit tikiyɛɛkoŋk a ijaagi sɔɔriyɛ sigɔ badɛɛɗɛɛŋɔŋk a ola sigɔ reemɗi ɓayɛk ɓaŋkawukaat setanik.

Omoŋ Timotiyoosuk 4:1

Tonur Wɛɛŋa sigɔ Geetitaanakik kɛ ɗɔm kɛ, "Emeyikɛ sigaagɛkoy pediyaak joop a omoŋ omoŋ ŋɔɗarkoy ŋaadiyɛ, nɛ nomɛrɗi wɛɛŋa sigɔ nyonkaanakik a rɔɔriyɔn diyabiloosuk."

Yaykoob 1:17

Ola sigɔ mentaanaŋɔŋk baŋɛ a geetiyɛ sigɔ pedtaanakik mɛlɛrkikoy sigi baŋɛ sooy lak Waakoyo sinɛɓa riiɓe pɛɗɛrkaatak sigɛ atu darik sinɛ kiiɗɛ weeweer ɛɛkoŋk a ito tipiik.

Yaykoob 1:5

Ɔkɔn lakɛ iinakɛ kɔɔr iɗit sinɔ bitakaaɗ ɗegerɔɔnkuŋ, in kalɛyi Waakoyo sinɛ gije joop baŋɛ yaakaat a ki worɛɛk gageeɗkɔɔŋ.

Yaykoob 3:17

Mayakana ɗegerɔn sinɔ laŋɛɛ Waakoyotek mentanɓa a kiiɗɛ any sinɔ ŋɛɛwɛnŋɔŋk tuki, nɛ saadi poru bɔdɛ, ɛ mentan, ɛ tiiɗi, ɛ maariyɗi, ɛ lak taamɛ sigɔ mentaanaŋɔŋk. Ki pakaatɛ joop, ɛ kiiɗɛ tagay.

Yuuda 1:19

Pakaatar sɛɛk joop, nomɛrɗi ɓɛɛlɛt nɛŋk. Sɛɛg joop sigɔ kɛɛ sɛɛge Wɛɛŋa sigɔ Geetitaanakik.

Dɛnɛɛ Pɛrka Yowanisik 12:9

Ɛkan orkɛɛ ɗooka wilaŋ sinɛ boobɛŋɔŋk. Sɛɛn kooko sinɛɓa ɗeeŋk sinɛ riyɛ kɛ diyabiloos maŋk setank, sɛɛn sinɛɓa ari joop ɗookoŋk a babadarŋɔŋk, orkɛɛɓa ɓɔrɛ wosɛytaanak gɛɛŋk a sɛɛn agut omoŋ.

Dɛnɛɛ Pɛrka Yowanisik 2:24

Sisɔ tona iinaka sigaagakan ŋayɗiikɔ Tiyatirooneek, iinak sigɛkan kiir nomɛ rɔɔriyɔɔn nɛɛkɛ, ɛkan kiir boŋiiɗ any setanik sinɛ dugaaŋɔŋk jɛtik. Kiira kɔna tuukɛ diil om sineena raŋana.

Dɛnɛɛ Pɛrka Yowanisik 9:11

Latukan suumi sɛɛge raŋk, sɛɛn wosɛytan utul sinɛ kiiɗɛ sukuk sinɔ riyɛ ad Ibiraysitik kɛ Abdoon, ma riyɛ ad Giriikik kɛ Apoliyon.