Yaykoob 3:14 - Kuumeet Sinɔ Tɔɔnuk Ad Majaŋeeroŋk

¹⁴ Mayakana ɔkɔn kone ɓɛɛlɛ ɓayɛtunɛɛkɛ goŋk ɓaaykaat, a nyeken, a pori ɛɛkoŋkuŋ nɛ kat meriir ɛɛk, ɛ kat tonɛɛ nyon eekeerɛ raŋk.

Yaykoob 3:14 Iomraidhean Croise

Maatiyoos 27:18

Ɗegerɓa Pilatoos kɛ gaɓɛrgeeɗkan agut sinɔ porurɗu ɛkan gɛŋkik."

Yowanis 16:2

Boŋurkukoy kɔnu godeyikɛ tolɛɛɗoŋk Ayuuduk walasa nɛ kɔnu ɔɔyɛrŋ. Oko sinɛk mɛlkikoy ɔɔtɛ sinɔ joop sigɛ kɔnu ɓokootark baŋɛ arirɗi ɛɛk a ito joop sigɔ ijaagɗi Waakoyotaak.

Ijaag Wosɛytaanakoŋk 13:45

Saaɓa ɔɗɔweer joop Ayuuduk dɛnɛrɗi joop sigɔ ɓɔɔkaaŋɔŋkuk, nɛɓa ɛnyɛɛri nyeken, nɛɓa ɓooyur toni Paawuloosuk nɛ nyɔɔnarŋ.

Ijaag Wosɛytaanakoŋk 26:9

"Koɓakan saak kɛ gun ɓooya ŋaadiyɛ tiriya Yeesee Naajreetik oko sinɛ oolɛɗakiŋ.

Ijaag Wosɛytaanakoŋk 5:17

Ɔɗɔwen tapa ŋaadiyɛɛkoŋk a komoy joop Saaduukuk baŋɛ, sigɛɓa sɛɛg a sɛɛnik enyɛrɓa sɛɛg nyeken nɛ ŋaarar sɛɛga raŋana.

Ijaag Wosɛytaanakoŋk 7:9

"Epɛɛrarɓa tɔɔmɔk Yaykoobuk manya nɛŋk Yoosep, nɛɓa ɓalɗiɗ kɛnɔ kɛɛ dakɛ a laaŋoyin ɗook Gibsik, Yakanaɓa Waakoyo a sɛɛn agut omoŋ

Roome 1:29

Nɛ agut sini enya sɛɛge ŋɛɛwɛnkaata sigɔ ɓɛɛlɛr kundiyaakɛk, a any sinɔ ɓooyurɗu Waakoyok, a goltetikeen, a kalbi sinɔ ŋɛɛwɛŋɔŋk, a nyeken, a ɓokootan, a kaarin, a raamiyɛ, a ɗɛgɛ, ɛ laaganya,

Roome 13:13

Nɛkoy weeweriikii kɛ ɗɔm oko sinɛ weeweriiɗii waawuyk, a moko duubiyeet sinɔ badɛk a tɔpɔy, a moko ruunyikent a molkotɔɔn, a moko ɗaakan a nyeken.

Roome 2:17

Tonun kɛ eet iɗit Ayuuduk nɛ titiɗiikin higiya, ɛ merin ɛɛk lalaŋ sinaanɛ latukari a Waakoyok,

Roome 2:8

mayakanakoy mɛlki goopan sinɔ obiiŋɔŋk joopa sigaaga porur ɛkank, a sigaaga ŋɔɗar eekeer, nɛ nomɛr ant sinɔɔnɛ ŋɛɛwɛnŋɔŋkuk.

Omoŋ Korontoosuk 13:4

Mɛyin lak ɓaŋkaawurɔn oolanik, mentan, ki epɛɛrɛ any etoŋk, ki meriiɗ ɛɛk, ki ɓɔŋgɔɔrɛɛt ɛɛk,

Omoŋ Korontoosuk 3:3

In ɓɔrɛ sisɔ iinak joop ɗookoŋk agut sinɔ a'ararɗɔ nyeken ɛ ɗaakiɗɔɔ ɛkanɛɛkɛ goŋkuk. Anɛ moko iinak joop ɗookoŋk? In aasi dakɛ sinɔ kɛ iinak joop Waakoyotoŋkuk, a moko iinak joop ɗookoŋku?

Omoŋ Korontoosuk 5:2

Anɛ ɓɔŋgɔɔrɛɛr ɛɛk agut jikon ma lakɛ any sinɔ keerɛɛŋɔŋk iinakɛ kɔɔruk? Gunkɔ aasi ɓakɛyɗiikari agut iɗit siniŋ. Nɛ gunkɔ boŋiitaarɔ iɗit sinɛkɔ ijaag any sinik tolɛɛɗ noŋk walasaaŋ.

Omoŋ Korontoosuk 5:6

Ki mentanka meri noŋk ɛɛkoŋk ɛkanɛɛkɛ goŋk. A kiir ɗegerɔɔn irso sinɔ tɛmŋɔŋk kɛ ari malɛytan nɛɛk baŋɛ a gupuuyeŋ?

Pɛɛyeen Korontoosuk 12:20

Kaɗiigiɗa sinɔ kaɗɛɛŋ kiiɗa kɔnu laŋiiɗ oko sinɛ ɗɛyɛɛɗak, maɓɔrɛ kiirti laŋiiɗ oko sinɛ ɗɛyɛrɗɔk saakɔɔ kɔrurkuɗa son lak iinakik. Ɛɓɔrɛ omaay kaɗɛɛŋ lakɛ iinakɛ kɔɔr kaarin, a nyeken, a goopan, a giiman, a sɔɔkiyɛ tiriyaakoŋk, a laaganyɔn, a ɓɔŋgɔɔrɛt ɛɛkoŋk rakaayak, a any sinɔ kɛɛ ikomiit ɛɛkik.

Gɛlatiyaa 5:15

Yakana ɔkɔn kakawikari ɛ ɗaɗamari ɛkan goŋkuŋ, nɛ in koorɛɛ ɛɛk a kat babadariɗ.

Gɛlatiyaa 5:20

ugumeet raŋaawotaak, tɔrkiyɔn, gumakikeen, ɗaakan, nyeken, goopan, pori ɛɛkoŋk, pakakat, giiman,

Gɛlatiyaa 5:21

ŋɔɗɔkikeen anta etoŋk, tɔpɔy, duubiyeet sinɔ ŋɛɛwɛnŋɔŋk sɛɛg sigɔ ito sigik. Rɔɔrɔkaaka kɔna sisɔ kɛkar oko sinɛkan kɔna rɔɔrɔkaaɗa jeemɛk. Joop sigɛ ijaagir ola sigik kirkoy moonɛɛt burɛ Waakoyotoŋk.

Gɛlatiyaa 5:26

Kat ŋaaŋaarii raŋana ɛ arii nyeken ɛkanɛɛkɛ gaŋk nɔ merii ɛɛk kanysɛya.

Gɛlatiyaa 6:13

Ɗɛyɛr a kɔnu yayawɛɛ nɛ merir ɛɛk taarakɛ goŋk, ma sɛɛg sigɛkan yayawɛɛk kir dusanɛɛt higi.

Pilipisiyoos 1:15

Waasɛr joop ɔgɔɔk pɛɛni Yeeseek agut nyeken a lɔlɔs, ma joop ɔgɔɔk waasɛr koɓiiɗ sinɔɔnɛ mentanŋɔŋk.

Pilipisiyoos 2:3

In rikitɛɛ ɛɛk ɗooka, in arɛɛ joop ɔgɔ a dɔɔs sɛɛg iinaka, ma kat merɛɛ ɛɛk a pakaatɛ ɛɛk tekaanikent a poriiɗ ɛkanɛɛkoŋk.

Omoŋ Timotiyoosuk 2:4

Ɗɛyɛ sɛŋk Waakoyot kɛnɔ bɔdɛr joop baŋɛ, ɛ kɛnɔ kurak ɗegerɔɔna eekeeroŋk.

Omoŋ Timotiyoosuk 6:4

ege sini iɗit sinɔ ɓɔŋgɔɔrɛ ɛɛk rakayaak, kɛɛ any sinɔ ɗegerk ara. Lak sɛŋk ɗɛyan sinɔ ŋɛɛwɛnŋɔŋk a palamɛ a ɗaakan pɛɛniyɛɛkoŋk agut sini laŋɛ sineene nyeken a man a nyɔɔna a koɓi sinɔ ŋɛɛwɛnŋɔŋk.

Tiito 3:3

Eteŋkɓa ɓɔrɛ gaagɛɛ jeemɛ, kiiɓa tiiɗit Waakoyota, ɛɓa tin raaramɛɛ, ɛɓa eteŋk laaŋoyeer tikiyɛɛkoŋk, ɛɓa eteŋk ɗɛgɛjaak, ɛɓa eteŋk aabuurekaanak, ɛɓa tin ɓooyɛɛ, ɛɓa ɓooɓooyikii ɛkanɛɛkɛ gaŋk.

Yaykoob 1:18

Ariɓa tin Waakoyot a eteŋk tuktaanak Pɛɛnii eekeeroŋk kɛnɔ eteŋk taamɛ sigɛ tuktaanak olaatɛ sigaagɛɓa riiɓek baŋɛ.

Yaykoob 3:16

Soon lakiɗɛ nyeken a pori ɛɛkoŋkuk, nɛ lakɛ ɗaakan a ijaag sinɔ ŋɛɛwɛnŋɔŋk baŋɛ.

Yaykoob 5:19

Iinak manyaakak eeta sigɛ dooytaanakik, ɔkɔn iinakɛ iɗit omaay ŋaarki gopɛ eekeeroŋkuŋ, ɛ iɗit omaay jumurku sɛɛn gopana eekeeroŋkuŋ,