Yaykoob 3:1 - Kuumeet Sinɔ Tɔɔnuk Ad Majaŋeeroŋk

¹ Iinak manyaak eeta sigɛ dooytaanakik, kat kɔne rɔɔriytaanak joop a ɓɔɔkaaŋ, agut sinɔ ɗegerari kɛ eteŋk sigɛ rɔɔriytaanakik boŋiikoy pirdi sinɔ kaalɛ joope ɔgɔɔkɛŋɔŋk.

Yaykoob 3:1 Iomraidhean Croise

Maatiyoos 10:24

"Ki kaalɛɛt bartaan rɔɔriytan nɛɛk, ki kaalɛɛt ijaagent suumi nɛɛk.

Maatiyoos 23:13

"Durikoy kɔna, iinak rɔɔriytaanak higi Muuseek a joop Paarisik! Iinak joop sigɔ gayar joop sigɔ mentaanaŋɔŋkuk. Agut sinɔ korurɗɔ joope tuga kɛnɔ kat guugunyar burɛya dariyoŋkuk, iinak kiirkoy ɓɔrɔ guugunyɔn ɛkoy kiir ariiɗ a guugunyar joop sigɛ ɗɛyɛrkɛ guugunyɔnkuŋ.

Maatiyoos 23:14

[Durikoy kɔna, iinak rɔɔriytaanak higi Muuseek a joop Paarisik! Iinak joop sigɔ gayar joop sigɔ mentaanaŋɔŋkuk. Ariir godeyik jartiyatɔk sigɔɓa rɛrar sɛɛge babuyk a ɓɛɛlɛr sɔkɔn. Ɗanɗamaakari a jeeɗoŋ a gayari joop. Boŋiirkoy goopan sinɔ kaalɛŋɔŋk.]

Maatiyoos 9:11

Nɛɓa joop Paarisik dɛnɛr, nɛ tonur nomtaanaka gɛɛna kɛ, "Rɔɔriytan noŋk ɗami a joop sigɔ yayawar worik, a tikitaanak agut omoŋ agut jikon?"

Lukaas 16:2

Nɛɓa iɗit sinɛ lak worik riyiri sɛɛn nɛ kus tongeeɗ kɛ, 'Ege sini jikon tiya ɔɔtɛ nookɛkik? A tukiɗi ɓenyse kin oolɛɛ a dakin a ijaagen naakiŋ. Gaɓta wori sinɛkɔ ikomiiɗɛɛ ɓolaatuuru gaaŋkik.'

Lukaas 6:37

"Kat pɛrɛdɛɛ joope ɔgɔɔkɛ kɛnɔ mokoy kɔne pɛrɛdɛɛ. In ŋɔɗiirɛ kɛnɔkoy kɔne ŋɔɗiirɛ.

Yowanis 3:10

Nɛɓa Yeese jumurgeeɗ kɛ, "A iin rɔɔriytan Israeelik, nɛ kin sini ɗegerɔɔn?

Ijaag Wosɛytaanakoŋk 13:1

Godeey Sambatɛyoŋk sinɔɔnɛ ar Ansokiyaakek, lakɛɓa joop pɛrkaakoŋk a rɔɔriytaanak. Joop sigi, Barnabaas, a Simion sinɛ kɔjuk, a Lukiyoos sinɛ iɗit ɗoo Kɛrenaak, a Minahee sinɛ ɔɗɔwen woriya Herodis sinɛɓa ikomu pakattan ɗoo aŋaneen nɛɛkik, a Saaool.

Omoŋ Korontoosuk 12:28

Daamɓa Waakoyot godeey Sambatɛyoŋk joop a omoŋ omoŋ, tuki nɛɛkɛ wosɛytaanak, pɛɛyeene nɛɛkɛ joop pɛrkaakoŋk, jiiteene nɛɛkɛ rɔɔriytaanak, a joop sigɔ ijaagir sɔɔriyɛɛk, a sigɔ latu tigi ebɔdɛɛtoŋk, a joop sigɔ latu tigi sinɔ kɔnyɛɗɛɛ joopuk, a joop sigɔ latu oolan lowiiɗoŋk, pediya nɛɛka joop sigɔ latu oolan sinɔ tonɗiiɗɛɛ ad sinɔɔnɛ tɔɔnuk.

Pɛɛyeen Korontoosuk 5:10

Agut sinɔ wideeriikoy ɛɛk eteŋk baŋɛ taamɛka barsum pirdiyoŋk Kereseek. Nɛkoy boŋu iɗit a omoŋ omoŋ any sinɔ mentanŋɔŋk maŋk ŋɛɛwɛnŋɔŋk sinɛɓa ijaag buusɛɛ nɛɛkɛkik.

Epesoon 4:11

Sɛɛn sinɛɓa gaɓɛ tigiyak sigi joopa a omoŋ omoŋ nɛ ɔgɔɔk wosɛytaanak, ma ɔgɔɔk joop pɛrkaakoŋk, ma ɔgɔɔk joop sigɔ waasɛr Pɛɛni sinɔ Ɓɛlkɛɛstank, ma ɔgɔɔk koortaanak ŋaadtaanakoŋk, ma ɔgɔɔk rɔɔriytaanak.

Omoŋ Timotiyoosuk 1:7

ɗɛyɛr a sɛɛg rɔɔriytaanak higi Muuseek, ma kir ɗegerɔɔn any sinɛ tonurk maŋk kir koɓiiɗ any sinɛ palamɗigeeɗik.

Omoŋ Timotiyoosuk 2:7

Tona eekeer, ma moko tona nyon. Daamɛɛkanti a ito eet rɔɔriytan a wosɛytan kɛnɔ laaganya any sini joopa sigɔɔga moko Ayuuduk agut ŋaadiyɛ a eekeer.

Pɛɛyeen Timotiyoosuk 1:11

Daamɛɛkanti oko sinɛ eet wosɛytan a rɔɔriytan kɛnɔ waasa Pɛɛni sini Ɓɛlkɛɛstank.

Ibirawiyaan 13:17

In tiiɗikɛɛ ɔɗɔweera goŋk ɛ in sɛɛga ɓalɛɛ ɛɛk agut sinɔkoy sɛɛg kɔɔniyɗ Waakoyot agut ijaag nɛŋk nɛ lowur wɛɛŋa goŋk a kir imiiny. Ɔkɔn tiiɗikari sɛɛgaŋ, nɛ ijaagir ijaag nɛŋk yaakaat, ma ɔkɔn nɛ ijaagɗi a sanɗiŋ ɛ kɛɛ any sinɔkɔɔ kɔna kɔnyɛrkik.

Yaykoob 1:16

Iinak manyaakak eeta sigɛ porɛɛk, kat kɔnu raaramɛɛ.

Yaykoob 1:19

Iinak manyaakak eeta sigɛ porɛɛk, kat monɗiikɛɛ sineene, joop baŋɛ in gorgoorar tiyaana, ma in aayɛr toniiɗa a ŋadiiɗa.

Yaykoob 3:10

Ŋaararki pɔɔsiyɛɛk a lamɛ ad sinɔɔnɛ omoŋɔŋk. Iinak manyaakak eeta sigɛ dooytaanakik, ki ɗɛyɛ a ɓɛɛlɛ oko sinikiŋ.

Omoŋ Petrosuk 5:3

Maɓɔrɛ joop sigɛɓa kɔna gaɓɛɛ a adaratik moko lowiir sɛɛg a laaŋoyɛɛr sɛɛgiŋ, in yaaŋɛɛ rɔmɛ sinɔ mentanŋɔŋk jiŋkuyɛɛka gɛɛnaak.