Yaykoob 2:5 - Kuumeet Sinɔ Tɔɔnuk Ad Majaŋeeroŋk

⁵ Iinak manyaakak eeta sigɛ porɛɛk, in tiyɛɛ. A kiɓato Waakoyot daamɛ sankaanak ɗoo sinik kɛnɔ sɛɛg worikaanak ŋaadiyɛɛkɛ, ɛ kɛnɔkoy laŋir burɛ sinɛɓa kuumɗigeeɗ joopa sigaaga porur sɛɛnik?

Yaykoob 2:5 Iomraidhean Croise

Maatiyoos 11:5

Dɛnɗi motak, ŋawiiter nyɔŋtaanak, bɔdɛr joop sigɔ gorur dɔɔɓɔyk, tiiɗi joop sigɔɓa kir tiiɗitik, ŋaararki joop sigɔɓa rɛrarŋɔŋk ret walasa, waasɛɛ Pɛɛni sinɔ Ɓɛlkɛɛstank sankaanaka.

Maatiyoos 25:34

"Saakoyk tonukoy suumi nɛɛkɛ joopa sigaaga atu ɗiɗikakɛ gɛɛnɛkik kɛ, 'Iinak sigɛɓa kɔnu geeti Baabɛɛk, in kusɛɛ, nɔ moonɛɛ burɛ sinɛɓa kɔna ragadɛɛ a tukiɗi saaɓa riiɓeeɗɛɛ ɗook.

Maatiyoos 5:3

"Iinak joop sigɛ sankaanak wɛɛŋakɛɛk, iinak geetitaanak, agut sinɔ ege burɛ dariyoŋk noŋk.

Markoos 7:14

Riykɓa Yeese joop gɛɛŋk kɛkar son lak sɛɛnik nɛ tonu sɛɛga kɛ, "Inta geleewɛɛ iinak baŋɛ, ɛ in koɓɛɛ.

Lukaas 12:21

"Iɗit sinɔ tolɛ wori ɛɛka nɛɛkaakik, ma taamɛkɛ Waakoyotoŋk kiiɗɛ worik, pedi nɛɛk ɓɛɛlɛ oko sinɛk."

Lukaas 12:32

"Iinak pony sinɛ tɛmŋɔŋk, kat ɓuriikɛɛ agut sinɔ yaakiɗ Ɓaaɓa noŋk dariyoŋk kɛnɔ kɔna gaɓɛ Burɛ nɛɛkŋɔŋk.

Lukaas 16:22

Nɛɓa iɗit sinɛ sankank rɛrŋ nɛ diiler wosɛytaana Waakoyotŋk kokoma Abrahamuk. Nɛ ɓɔrɛ iɗit sinɛ lak worik rɛrŋ nɛ kɔɔwɛɛŋ,

Lukaas 16:25

"Nɛɓa sɛŋk Abraham tongeeɗ kɛ, 'Iin tɔɔn naak, ɗegeri kɛ emeyikɛ sigaagɛkan beeɗiɗin ɗook raŋk baŋɛ, laŋinɓa ola baŋɛ a ɓana yaa ɓɛɛlɛt maɓa sɛŋk Alaajar rakatɛŋ. Nɛ sɛɛna yaa seedi sisɔ, ma seŋk arkin rakatɛɛ tak.

Lukaas 22:29

Suumakoy kɔnu burɛɛ oko sinɛkanti suumeeɗ Baabɛɛk.

Lukaas 6:20

Mermenaɓa Yeese son lak nomtaanak gɛɛŋkik nɛ tonu sɛɛga kɛ, "Ege Burɛ Waakoyotoŋk noŋk, iinak joop sigɛ sankaanakik, iinak geetitaanak.

Yowanis 7:48

Lakɛ sɛɛn ɔɗɔweerɛ maŋk joope Paarisik joop sigɔ ŋaadir sɛɛnikiŋ?

Ijaag Wosɛytaanakoŋk 7:2

Nɛɓa Istipaanoos jumur kɛ, "Iinak manyaakak eeta a baabɛyak, inta geleewɛɛ. Waakoyo eemɛyɔɔnoŋk yaaŋɛɓa ɛɛk ɔrɛya naŋk Abrahama Mɛspetoomiyaake, a inɓa ki ŋaarin beeɗita Kaarana.

Roome 8:17

Ɔkɔn sisɔ eteŋk tɔɔmɔkuŋ, nɛ eteŋk joop sigɛkoy mooniik, eteŋk Waakoyotoŋk sigɛkoy mooniik a Keresee agut omoŋɔŋk. Ɔkɔn eteŋk kaastaanak rakatɛ nɛɛkik a sɛɛn agut omoŋ eekeerɛŋ, nɛɓɔrɛ eteŋk sigɛkoy kaasii eemɛyɔn nɛɛkik a sɛɛn agut omoŋɔŋk.

Omoŋ Korontoosuk 2:9

Tonu Wargatɛ Waakoyotoŋk kɛ "Ragadiɓa Waakoyot joopa sigaaga porur Sɛɛnik, any sinɛɓa ki taanta taama etoŋkuk, a sinɛɓa ki weenta weena etoŋkuk, a sinɛɓa kiiki koɓiiɗ ɓayɛ etoŋkuk."

Pɛɛyeen Korontoosuk 4:15

Ege ola sigi baŋɛ sigɔ kɔnyɛr kɔnuŋɔŋk. Oko sinɛ tutukurkuɗ mɛyin a maariyeet Waakoyotoŋk joop a ɓɔɔkaaŋɔŋk Kereseyaak nɛ gaɓɛr pɔɔsiyɛ a ɓɔɔkaaŋ sigɛ daker a eemɛyɔn Waakoyotak.

Pɛɛyeen Korontoosuk 6:10

Kɛygun sanɗikaayiŋ nɛ tina yaa ɓɛɛnyɔwɛ gɛɛŋk baŋɛ, a eteŋk giroykaanak nɛ arii joop a ɓɔɔkaaŋ a worikaanak, a tine kɛɛ any ara ma ege any baŋɛ naŋk.

Pɛɛyeen Korontoosuk 8:9

Agut sinɔ ɗegerii wookan Suumi naŋk Yeese Kereseekiŋ, kɛygunɓa sɛŋk Sɛɛn worikan, nɛɓa sɛŋk dakɛ giroykan agut iinak, kɛnɔ dakɛɛr a worikaanak goy nɛɛkɛk.

Epesoon 1:18

Ɗanɗamaaka kɛnɔ ɓuukiɗi kalbiyɛ goŋk ɛ kɛnɔ ɗegerari kɛ riygiɗɛɛkan kɔnu ŋaadiyɛ sigɛ kookoriik kɛ jikonak ɛ kɛnɔ ɗegerari kɛ obi geet sinɛkoy gaɓɛ Waakoyot joopa gɛɛnaakik a ɛtɛ ɛk.

Epesoon 3:8

Kɛygun aasi eet iɗit sinɔ balaakaaya joope Waakoyotoŋk baŋɛkiŋ, nɛɓata gaɓɛɛ wookan sini kɛnɔ waasa obiika sinɛ ar koɓiiɗ rakaayk joopa sigɔɔga moko joop Ayuuduk.

Omoŋ Tɛsɛlonkeek 2:12

Ɗegerar kɛ ariikan kɔna adarat a ɓaŋkaawurari ɛ kɔnu rɔɔriyii, kɛnɔ koy boŋiir Bbrɛ nɛɛk ɛ koy iinak kaastaanak eemɛyɔn nɛɛkik. Ɛ kɛnɔ beeɗiir beeɗiit sinɔ ari Waakoyo sinɛkan kɔnu riyk a yaageeɗŋɔŋk.

Pɛɛyeen Tɛsɛlonkeek 1:5

Yaaŋɛ sini sinɔ kɛ ɓɛɛlɛ pirdi Waakoyotoŋk kɛ ɗɔmk. Ɛɓɔrɛ iinak sigɛkan laŋirkɔ rakatɛ agut sɛɛnik oko sinik, gayɛɛrkɔɔ burɛya Waakoyotoŋkuŋ.

Omoŋ Timotiyoosuk 6:18

Seki sɛɛga kɛnɔ arir any sinɔ mentanŋɔŋk, kɛnɔ in sɛɛg worikaanak ijaag any sinɔ mentanŋɔŋk, ɛ sɛɛg ragadtaanak tigiya a wokaana any sinɛ latuk.

Pɛɛyeen Timotiyoosuk 4:18

Ebɔdɛkɔɔt Suumii ant sinɔɔnɛ ŋɛɛwɛnŋɔŋk baŋɛ, arkɔɔt a mɛla bɔdɛɛɗ burɛya dariyoŋk. In dakɛ eemɛyɔɔn Sɛɛna nɔkoy nɔkoyk Ameen.

Pɛɛyeen Timotiyoosuk 4:8

Seedi son kookorkuntu dooroy mentankaatoŋk taamɛkɛ Waakoyotoŋk, aɓa ragadkunɛɛŋ. Waawuy saakoyk gaɓɛkoyta Suumi sinɛ Pɛrɛdɛ kɛ ɗɔmk, ma ɓɔrɛ joopa sigaaga ɗɛyɛr sɛɛnik baŋɛŋ.

Ibirawiyaan 11:26

Koɓuɓa sinɔ kɛ a kaalɛŋ kaalɗi boŋii rakatɛyoŋk agut Keresee worii sinaanɛ ar Gibseek, agut sinɔ mermenɓa ruukiyɛ sigɛkoy boŋɛɛ ɔɗɔɔkaak.

Yaykoob 1:12

Geetitan iɗit sinɔ ɓaŋkaawur paariyɛɛkɛk agut sinɔ saakɔɔ paariɗɛ sɛɛnik baŋiya, nɛkoy boŋu dooroy eemɛyɔɔnoŋk wɛɛŋakoŋk sinɛkoy gaɓɛ Waakoyot joopa sigaaga poru sɛɛgik oko sinɛɓa kuumɗiiɗik.

Yaykoob 1:16

Iinak manyaakak eeta sigɛ porɛɛk, kat kɔnu raaramɛɛ.

Yaykoob 1:19

Iinak manyaakak eeta sigɛ porɛɛk, kat monɗiikɛɛ sineene, joop baŋɛ in gorgoorar tiyaana, ma in aayɛr toniiɗa a ŋadiiɗa.

Yaykoob 1:9

Dooytan sinɔ sankank in yaageeɗ, agut sinɔ sɛɛn Waakoyot ɓɔŋgɔɔrɛɗŋɔŋk.

Omoŋ Petrosuk 1:4

arikan tin kɛnɔkoy laŋii any sinɛɓa tina riiɓkun Waakoyot darik sinɛkoy ki badɛɛk ɛkoy ki sɔɔkiɗiitik a kiiki bɔlɔŋurɔŋk.

Pɛɛyeen Petrosuk 1:11

nɛ agut sini gaɓɛɛkɔɔ kɔna oolan sinɔ guugunyarɗɔ enyakaat burɛya Suumi naŋk ɛ Ebɔdtan naŋk Yeese Kereseek sinaanakoy nɔkoy nɔkoyk.

Dɛnɛɛ Pɛrka Yowanisik 2:9

Ɗegera rakatɛ a giroy nookkuŋ, mayakana iin worikan. Ɛ ɗegera kɛ sɔɔkɛrkan tiriya gooŋk joop sigɔ tonur kɛ sɛɛgnɔ joop Ayuuduk ma moko sɛɛg joop Ayuuduk, mayakana ege sigi joop sigɔ tolɛ setanik.

Dɛnɛɛ Pɛrka Yowanisik 21:7

Iɗit sinɛ lɔsiɗiik boŋukoy sini baŋɛ, ɛkoy dakigiɗa a Waakoyo, makoy ɓɔrɛ dakɛ a tɔɔn naak.

Dɛnɛɛ Pɛrka Yowanisik 3:18

Rɔɔriyaani kɛnɔ ɓalin worke sinɔ mentanŋɔŋk eete sinɔkan tamɛ maɗik, kɛnɔkɔɔ iin worikan. Ɛ ɓalin abii sinɔ tupeenyŋɔŋk nɔ kadin ɛɛka nookaak ɛ miinyin konaanikeen nook sinɛ keerɛɛk. Ɓali ɓɔrɛ korus nɔ gaɓun taamɛka goonaak kɛnɔkɔɔ dɛnɗiikin.