Yaykoob 2:23 - Kuumeet Sinɔ Tɔɔnuk Ad Majaŋeeroŋk

²³ Dusanɛɛ sineene any sinɛɓa tonɛɛ Wargatɛɛ Waakoyotoŋk kɛ, "Ŋaadiɓa Abraham Waakoyo, nɛɓa ikomguɗɛɛ ŋaadiyɛ gɛɛŋk a mentanka taamɛkɛ Waakoyotoŋkuk," nɛɓa tonɛɛ Abraham kɛ tekaan Waakoyotoŋk.

Yaykoob 2:23 Iomraidhean Croise

Markoos 12:10

Kiirɓa ambabɛɛt sinɛɓa taapɛɛ Wargatɛɛ Waakoyotoŋk kɛ, 'Giɗee sinɛɓa daraayɛr joop sigɛ kɛnyar godeyik giɗeekɛk, dakɛ a giɗee sinɛ obi giɗeekɛ baŋɛk.

Markoos 15:27

Saaɓak laalawɛɛɓa joop sigɔ sɔɔkɛr ɓɛɛlɛtik a pɛɛy a Yeesee agut omoŋ, om goyse ɗiɗikakɛk ma om goyse kantunakɛk.

Lukaas 4:21

Nɛɓa tonu sɛɛga kɛ, "Dusanɛɛ pɛɛnii sineene ɓenysek pɛɛni sinɛɓa taapɛɛk sini tiyɛɛr wenanɛ goŋkuk."

Ijaag Wosɛytaanakoŋk 1:16

"Iinak manyaakak eeta, gunkan dusanɛɛ pɛrka sigɛɓa tonur sɛɛg Wɛɛŋa sigɔ Geetitaanakik jeemɛ Daawite Wargatɛɛ sinɔɔnɛ Geetitank agut Yuudaa sinɛkan ɔɗɔwen joopa sigaagaɓa gaamur Yeeseekiŋ.

Roome 11:2

Ki oriiɗ Waakoyot joop sigɛɓa sɛɛg ɗeger jeemɛk. Kin ɗegerɔɔn kɛ tonu Wargatɛ Waakoyotoŋk ɛk agut Eeliyaas sinɛɓa wideer daari Waakoyota agut joop Israeelik?

Roome 9:17

Tonu Wargatɛ Waakoyotoŋk Pɛr'oona kɛ, "Agut any sini ɓɔŋgɔɔra kɔnu, kɛnɔ dɛnɛɛ ɓaŋkawuka naak iine ɛ waasɛɛ tiriya gaaŋk ɗoo baŋɛ."

Gɛlatiyaa 3:22

Yakana Yaaŋɛ Wargatɛ Waakoyotoŋk kɛ ege joop baŋɛ tikitaanak, agut sini kɛnɔ gaɓɛ joopa sigaaga ŋaadir pɛɛni kuumiyɛɛkoŋk sigɔ laŋɛɛ sɛɛg ma ŋaadɛɛ Yeese Kereseek.

Gɛlatiyaa 3:6

Oko sinɛɓa toniiɗɛɛ Wargatɛɛ Waakoyotoŋk kɛ, "Ŋaadiɓa Abraham Waakoyo, nɛɓa ikomguɗɛɛ ŋaadiyɛ gɛɛŋk a mentanka taamɛkɛ Waakoyotoŋk."

Pɛɛyeen Timotiyoosuk 3:16

Taapɛɛɓa Wargatɛyɛ Waakoyotoŋk baŋɛ ikekeɓ Wɛɛŋa sigɔ Geetitaanak, rɔɔriyaaɗ eekeer, a koykoyɛ joop sigɛ babadark, ɛ isiise any sinɛkɔ tikiɗiik, ɛ dilɗi beeɗita sinɔɔna mentanŋɔŋk,

Yaykoob 2:24

Sisɔ dɛnin a moko iɗit mentan taamɛkɛ Waakoyotoŋk ŋaadiyɛɛkɛ dakɛɗa, maɓɔrɛ mentan ijaagiŋ.

Omoŋ Petrosuk 2:6

Agut sinɔ taapɛɛɓa Wargatɛɛ Waakoyotoŋk kɛ, "Riiɓaakoy giɗee sinɛ obiik sinɛɓa daamɛɛk ɛ eemɛyɛɛk Siyoone, iɗit sinɔ ŋaadiɗi Sɛɛnek kiiɗɛ keeny adaktan."