Yaykoob 2:19 - Kuumeet Sinɔ Tɔɔnuk Ad Majaŋeeroŋk

¹⁹ Iin ŋaadin kɛ lakɛ Waakoyo a omoŋ. Nɛ mentan siniŋ, ŋaadir aasi ɓɔrɛ setana siniŋ, nɛ piiɗer a ɓuriiŋ.

Yaykoob 2:19 Iomraidhean Croise

Maatiyoos 8:29

Nɛɓa sɛɛk ooyɛr kɛ, "Iin Tɔɔn Waakoyotoŋk, ooɗun tin agut jikon? A in ki gayɛ ɔɔtɛ nɛɛkɛ kusunkɔ seena kɛnɔ tin goopun a ɓaŋkawuŋ?"

Markoos 1:24

nɛɓa sɛŋk ooyɛ kɛ, "Iin Yeese Naajireetik, ooɗun tin agut jikon? Kusunkɔ kɛnɔ tin sɔɔkun? Ɗegerii kɛ Iin Geetitan Waakoyotoŋk."

Markoos 12:29

Nɛɓa Yeese jumurgeeɗ kɛ, "Sekiyɛ sigɛ kaalɗi baŋɛk sigɔ tonur kɛ, 'Iin Israeel, tiyik. Suumi Waakoyo naŋk Suumi omoŋ dakɛɗa.

Markoos 5:7

Nɛɓa ooyɛ a ɗooruŋ a tongeeɗ kɛ, "Iin Yeesee, Tɔɔn Waakoyo sinɛ Obi Jɛtik, ooɗunti agut jikon? Kalɛyaani tiriyaakɛ Waakoyotoŋk, adarat katreeti laaŋoyin."

Markoos 7:9

Tonuɓa sɛɛga Yeese kɛkar kɛ, "Ŋɔɗari sekiyɛ Waakoyotoŋk agut koorɛɛt barɛ noŋkuk.

Lukaas 4:34

"Iin Yeesee Naajireetik, ɗɛyin jikon sooy lak eteŋkik? Kusunkɔ kɛnɔ tin sɔɔkun? Ɗegera kɛ iin wooɗuŋ. Iin Tɔɔn Waakoyotoŋk sinɛ Geetitank."

Yowanis 17:3

Wɛɛŋa sigɛkoy nɔkoy nɔkoyk ɗegerɔn nook iin sinɛ Suumi sinɛ omoŋɔŋk sinɛ eekerkank, a Yeesee Keresee sinɛkan wosɛykin ɗookak.

Ijaag Wosɛytaanakoŋk 16:17

Nɛɓa sɛŋk nomɛ Paawuloose a eteŋkɛ a oo'oy kɛ, "Ege joop sigi ijaageer Waakoyo sinɛ Obiik. Waasɛr kɔna gopan bɔdɛɗoŋk."

Ijaag Wosɛytaanakoŋk 19:15

Yakanaɓa wɛɛŋa sigɛ somkaanakik tonur sɛɛga kɛ, "Ɗegerii Yeeseeŋ, ɛ ɗegerii Paawuloos, ma sɔɔk iinak wooɗak?"

Ijaag Wosɛytaanakoŋk 24:25

Nɛɓa Paawuloos tonu ɔɔtɛ mentanka taamɛkɛ Waakoyotoŋkuk, a ɓali ɛɛkoŋkuk, a goopan sinɛkoy mɛlkik, nɛɓa Pilkis ɓuri nɛ tongeeɗ kɛ, "Ŋaari sisɔ, riyira kɔɔnu ɓɛɛnyɔ om saakɔɔta yaakiɗik.

Roome 3:30

Ege Waakoyot omoŋ, ɛ ari joop Ayuuduk a mentaanaŋ agut ɛɛk nɛɛk ŋaadiyɛ gɛŋkik. Maɓɔrɛ ari a mentaana joop sigɔ moko Ayuuduk ŋaadiyɛɛkɛ gɛŋk.

Omoŋ Korontoosuk 8:4

Tona sisɔ oko sinik agut taar sinɔkɔ uduŋɛɛ raŋaawotaak. Ɗegerii kɛ kɛɛ wɛɛŋa raŋaawotakɛ sigaagɛ atu ɗook sineene raŋk, ɛ ege Waakoyot omoŋ dakɛɗa.

Omoŋ Korontoosuk 8:6

Nɛ lakii Baabɛ naŋk Waakoyo sinɔ omoŋɔŋk dakɛɗa sinɛɓa riiɓe ola baŋɛk ɛ sinɛ eteŋk gɛɛŋkik, ɛɓɔrɛ lakii Suumi Yeese Keresee sinɔ omoŋɔŋk sinɛɓa riiɓɛɛ ola baŋɛ Sɛɛnek ɛɓɔre beeɗii Sɛɛnek.

Gɛlatiyaa 3:20

Mayakana iɗit sinɛ ki dakɛ a ɓɔɔrɔken eta sinɔɔna omoŋɔŋk dakɛɗak, mayakana ege Waakoyot omoŋ dakɛɗa.

Omoŋ Timotiyoosuk 2:5

Ege Waakoyot omoŋ dakɛɗa, maɓɔrɛ iɗit omoŋ dakɛɗa sinɛ ar ete a Waakoyote kɔɔrk kɛnɔ taakiɗiik. Sɛɛn Yeese Keresee sinɛ iɗitik.

Yaykoob 2:8

Ɔkɔn dusanɛɛr higi burɛ Waakoyotoŋkuŋ sinɛɓa taapɛɛ kɛ, "Poru iɗit sinɛ beeɗiir jɔkikentik oko sinɛ poriiɗin ɛɛk nookuk," nɛ ijaagiir any sinɔ mentanŋɔŋk.

Yuuda 1:4

Guugunyarkikan kɔna kɔɔra dugeeɗ joop sigɛɓa taapɛɛ agut sɛɛg ɔɔtɛ sinɔɔnɛ jeeɗoŋɔŋk jeemɛ Wargatɛɛ Waakoyotoŋk kɛ, goopɛɛkoy sɛɛgŋɔŋk a omoŋ omoŋ sigɔ kir ŋaadit Waakoyok, ɛ weerɛr wookan Waakoyotoŋk ruunyikeena, ɛ kaadɛr Suumi naŋk Yeese Keresee sinɛ tin ɓali sɛɛn dakɛɗaak.

Yuuda 1:6

Ɛɓɔrɛ in koɓukɛɛ wosɛytaanak sigɔɓa kir koorɛɛt nyon nɛŋk suumiikeenoŋkuk, maɓa ŋɔɗar nyon nɛŋk beeɗitoŋk, kookorkunɓa sɛɛg Waakoyot korkoɗɔɔn sinaanɛkoy nɔkoy nɔkoyk nyuugur, mɛlɛɛɗa ɓɛɛnyɔwa sinaana koy goopanoŋk Obiiŋɔŋk.

Dɛnɛɛ Pɛrka Yowanisik 20:10

Ɛkan oriirɛɛ diyabiloos sinɛkan ari sɛɛg a babadarŋɔŋk gɔrɔwa maɗoŋk koona sinaana paakɛŋɔŋk sinaanaɓa orurguɗɛɛ keegun sinɛ a iɗit pɛrkaakoŋk sinɛ nyonkank takanaak. Nɛkoy rakatɛr kaay a waawuy nɔkoy nɔkoyk.