Yaykoob 2:18 - Kuumeet Sinɔ Tɔɔnuk Ad Majaŋeeroŋk

¹⁸ Mayakana ɔkɔn tonu iɗit omaay kɛ, "Lakin seŋk ŋaadiyɛɛŋ, ma saak laka ijaag sinɔ mentanŋɔŋkuŋ." Nɛ in tonguɗa kɛ, "Yaaŋita ŋaadiyɛ gooŋk ijaag nookɛ, maɓɔrana yaaŋa ŋaadiyɛ gaaŋk ijaag naakɛ."

Yaykoob 2:18 Iomraidhean Croise

Roome 14:23

Yakana ɔkɔn lakɛ iɗit sinɔ ɗami ma lak koɓiɗak a pɛɛykiŋ, nɛ pɛrɛdɛɛɗ Waakoyotuŋ, agut sinɔ moko ɗamiɗ ŋaadiyɛɛkɛɛk. Tikiyɛ any sinɛ kɛɛ ariɗ ŋaadiyɛɛkɛɛk baŋɛ.

Roome 3:28

Agut sini dusanii sinɔ kɛ mentan iɗit Waakoyote ma ŋaadiɗiiŋ dakɛɗa, ma moko ijaag sinɔɔnɛ sekɛ higiik.

Roome 4:6

Yaaŋɛ Daawit goy nɛɛkɛ kɛ geetitan a ɛtɛ ɛk iɗit sinɛ ari Waakoyot a mentan taamɛkɛ Gɛɛnɛ, ma kiiɗɛ ijaag sinɔ mentanŋɔŋkuk, nɛɓa tonu kɛ,

Roome 8:1

Agut sini kɛɛ goopan joope sigaagɛ sisɔ atu Yeese Kereseek,

Roome 9:19

Kaɗɛ kɔɔta tonu iɗit omaay iinakɛ kɛ, "Anɛ tin gɔɔnyɛ Waakoyot agut jikon? Agut sinɔ wooɗ sinɛ oolɛ a ɓooyu ɗɛyan nɛɛkik?"

Omoŋ Korontoosuk 13:2

Ɔkɔn laka tigi toni pɛrkaakoŋk ɛ ɔkɔnta mɛlɛ any sinɔ dugaaŋɔŋkuŋ, ɛ ɔkɔn ɓɔrɛ laka ɗegerɔn baŋɛŋ, ɛ laka ŋaadiyɛ sigɔ kɔɓɛr kurkum nyon omalte nyona omaltaaŋɔŋkuŋ, ma ɔkɔnte kɛɛ mɛyin, nɛ ɓɛɛla kanysɛya.

Pɛɛyeen Korontoosuk 5:17

Agut sini ɔkɔn iɗit ar Kereseeŋ, nɛ sɛɛn riiɓ sinɔ tɔɔnuk. Ɗoyukan sinɛ bɔɔlɔŋkuŋ, maɓɔ ɓɛɛlɛ riiɓ sinɔ tɔɔnuk.

Pɛɛyeen Korontoosuk 7:1

Sisɔ iinak sigɛ kɔnu poraak, agut sinɔɓa gaɓɛɛɗɛɛ ŋaadiyɛ sigɛ kookoriik agut eteŋkik, nɛ koy ŋaɗii ɛkan gaŋk olaatɛ sigaagɛ arir taar naŋk a wɛɛŋa gaŋk a somkaanakik, ɛ koy arii mentanka naŋk taamɛkɛ Waakoyotoŋk adaktan tuɓur Waakoyotoŋk.

Gɛlatiyaa 5:6

Ɔkɔn ijaagɗikari a Yeese Keresee agut omoŋ, kɛygun yayawiikaayɛɛŋ kɛygun kiikaayɛ yayawiitiŋ ki kɔnyɗiit. Ma kɔnyɗi ŋaadiyɛ sigɛ yaaŋɛɛ mɛyink.

Omoŋ Timotiyoosuk 1:5

Ege deran sekiyɛ sigik mɛyin sinɔ laŋɛ ɓayaay sinɔɔnɛ mentanŋɔŋk, a kalbi sinɔ kɛɛ laaganyɛɛk a ŋaadiyɛɛkɛ sigɔɔgɛ eekerkaanakik.

Tiito 2:7

Maɓɔre dak sɛɛga a rɔmɛ olaatɛ baŋɛ a ijaagin any sinɔ mentanŋɔŋk, yaaŋ sɛɛga eekeer rɔɔriyɔɔn a iin iɗit sinɔ ŋaadɛɛŋɔŋk.

Ibirawiyaan 11:31

Peet sinɛɓa kɛ Rɛaabuk sinɛɓa ruunykank kirɓa rerin ŋaadiyɛɛkɛ a joop sigɛ kir tiiɗitik agut omoŋ, agut sinɔɓa boŋiiɗ yaakaat joop sigɛɓa lɛɛwuɗik dugeeɗik.

Ibirawiyaan 11:33

Lɔsɛrɓa joop sigi ŋaadiyɛɛkɛ maŋgistiyɛ, lowurɓa joop kɛ ɗɔm, laŋirɓa kuumiyɛ sigɛɓa gaɓɛɛkiŋ, korurɓa atutun ɗɛpɛyikoŋkuŋ,

Ibirawiyaan 11:6

Kɛɛ iɗit sinɔ ari Waakoyo a yaageeɗŋɔŋk, ma kiiɗɛ ŋaadiyɛɛk. Agut sinɔ iɗit sinɔ wideer ɛɛk Waakoyotak ɗɛygeeɗ a ŋaadi kɛ ɓɛɛlɛ Waakoyot ɛkoy gaɓɛ gati nɛŋk joopa sigaaga ɗɛyɛr sɛɛnik.

Yaykoob 2:14

Iinak manyaakak eeta sigɛ dooytaanakik, ɔkɔn iɗit tonu kɛ, "Laka ŋaadiyɛɛŋ," ma ki yaaŋɛɛt ŋaadiyɛ gɛɛŋk ijaag any sinɔ mentanŋɔŋkuŋ nɛ kɔnyageeɗ jikon? Oolɛ a ebɔdɛr sɛɛn ŋaadiyɛ gɛɛnɛŋ?

Yaykoob 3:13

Ɔkɔn lakɛ iinakɛ kɔɔr iɗit sinɔ ɗeger ɛɛk ɛ lak koɓikiŋ, in yaaŋɛ beeɗit nɛɛkɛ sinɔɔnɛ mentanŋɔŋk a ijaag sinaanɛ ijaag ɗegerɔɔn sinɔɔnɛ rikiteeɗ ɛɛkik.