Yaykoob 1:5 - Kuumeet Sinɔ Tɔɔnuk Ad Majaŋeeroŋk

⁵ Ɔkɔn lakɛ iinakɛ kɔɔr iɗit sinɔ bitakaaɗ ɗegerɔɔnkuŋ, in kalɛyi Waakoyo sinɛ gije joop baŋɛ yaakaat a ki worɛɛk gageeɗkɔɔŋ.

Yaykoob 1:5 Iomraidhean Croise

Maatiyoos 11:20

Gɔɔnyɛɓa Yeese joop katamɛɛ sigɛɓa ijaag sɛɛga sɔɔriyɛ sigɔ ɓɔɔkaaŋɔŋkuk, agut sinɔɓa kirkiɗ weeriit tikiyɛɛkɛ Waakoyotak aɓa tonu sɛɛga kɛ,

Markoos 16:14

Yaaŋɛɓa Yeese ɛɛk nomtaanaka gɛɛna sigɔɔga aarin a pɛɛyk, saaɓa atukuɗ ɗamatik. Goopɓa sɛɛg agut sinɔɓa ŋaadirɗi a balaaŋɔŋk. Kilararɓa ɓayɛtun gɛŋk nɛ kir ŋaadiit any sinɛɓa sɛɛga tonur joop sigɛkan dɛnɛrkik.

Yowanis 14:13

Any sinɛ kalɛyiir tiriyaakɛ gaanɛkik baŋɛ ijaagaakɔɔ kɔnaŋ kɛnɔ eemɛyɛɛ Baabɛɛ eete Toomoy nɛɛkɛɛk.

Yowanis 15:7

Ɔkɔn beeɗiir eeteeŋ ɛ pɛɛni naakɛ beeɗ iinakɛɛŋ, any sinɛ kalɛyiirik baŋɛ laŋiirkɔɔŋ.

Yowanis 4:10

Nɛɓa Yeese tongeeɗ kɛ, "Ɔkɔnkɔ ɗegerin tigi Waakoyotoŋk a iɗit sinɛna tonu kɛ, 'Tigiti maawu sigɔ utaaŋɔŋk,' kɛ wooɗuŋ gunkɔ kalɛyin sɛɛn. Nɛgun kɔnu sɛŋk gije maawu sigɔ gaɓɛr wɛɛŋak."

Pɛɛyeen Korontoosuk 2:16

Eteŋk ŋaaka retoŋk sinɔ dilɗi retaak joopa sigaagakoy badɛrk, mayakana eteŋk ŋaaka wɛɛŋakoŋk sinɔ dilɗi wɛɛŋakaak joopa sigaagakoy bɔdɛrk. Anɛ wooɗ sinɛ gayɛ ijaaga sineenak?

Yaykoob 1:17

Ola sigɔ mentaanaŋɔŋk baŋɛ a geetiyɛ sigɔ pedtaanakik mɛlɛrkikoy sigi baŋɛ sooy lak Waakoyo sinɛɓa riiɓe pɛɗɛrkaatak sigɛ atu darik sinɛ kiiɗɛ weeweer ɛɛkoŋk a ito tipiik.

Yaykoob 3:17

Mayakana ɗegerɔn sinɔ laŋɛɛ Waakoyotek mentanɓa a kiiɗɛ any sinɔ ŋɛɛwɛnŋɔŋk tuki, nɛ saadi poru bɔdɛ, ɛ mentan, ɛ tiiɗi, ɛ maariyɗi, ɛ lak taamɛ sigɔ mentaanaŋɔŋk. Ki pakaatɛ joop, ɛ kiiɗɛ tagay.

Yaykoob 5:16

Agut sini in totonɛɛ tikiyɛ goŋk ɛkanɛɛkɛ goŋk, in iɗit ɗanɗama mɛŋka kɛnɔkɔɔ bɔdɛrkɔɔ. Ɗanɗamɔn iɗit sinɔ mentan taamɛkɛ Waakoyotoŋk lak ɓaŋkawuka sinɔ obiiŋɔŋk, sinɔ ijaag any sinɔ reemɗi ɓayɛk.

Omoŋ Yowanisik 3:22

Ɔkɔn dusanii sekiyɛ gɛɛŋkiŋ ɛ arii sɛɛn a yaageeɗiŋ, nɛ laŋiɗii any sinɛ kalɛyiɗiik baŋɛ.