Yaykoob 1:3 - Kuumeet Sinɔ Tɔɔnuk Ad Majaŋeeroŋk

³ Agut saa paariɗɛ ŋaadiyɛ goŋkuk nɛ ɗegerari kɛ laŋiirkɔɔ ɓaŋkaawurɔn oolaanik.

Yaykoob 1:3 Iomraidhean Croise

Lukaas 21:19

Baŋkaawurarkoy oolaan, nɛ ebɔdɛɛr wɛɛŋa goŋk.

Roome 15:4

Ola sigɛɓa taapɛɛ jeemɛ Wargatɛyɛɛkɛ Waakoyotoŋk tak baŋɛk taapɛɛɓa sɛɛg kɛnɔ tin rɔɔriyar, kɛnɔ koorii ŋaadiyɛ sigɛ kookoriik sigɛ tina mɛlɛrki ɓaŋkawurɔɔn a ɓaŋkawurɔɔn oolaanik.

Roome 2:7

Gaɓɛkoy sɛɛga bɔdɛ sinɛkoy nɔkoy nɔkoyk joopa sigaaga ɛtɛr a ɓaŋkawuŋɔŋk ijaaga any sinɔ mentanŋɔŋk ɛ ɗɛyɛr eemɛyɔn, a pɔɔsiyɛ, a any sinɔkoy ki badɛɛk,

Roome 8:25

Mayakana ɔkɔn lakii ŋaadiyɛ sigɛ kookoriik sigɛ in kii taantaakiŋ, nɛ kookorikii ɓaŋkawurɔɔn oolaanik.

Roome 8:28

Ɗegerii kɛ ola baŋɛ ijaag Waakoyot mentankaata a joop sigɛ porur sɛɛnik, sigɛkan riyɛɛ sɛɛg koɓiɗa nɛɛkaakik.

Pɛɛyeen Korontoosuk 4:17

Agut sinɔ rakatɛ naŋk sini tɛmŋɔŋk ɛ ɔɔtɛya sinɔɔna balaaŋɔŋk ɗɔku tina any sinɔ reemɗi ɓayɛk a eemɛyɔn sinɛkoy nɔkoy nɔkoyk sinɔ kaalɛ rakatɛ naŋkik.

Kolasiis 1:11

In kɔna gaɓɛ Waakoyot ɓaŋkaawurɔn ɓaŋkawukaat nɛɛkɛ sinɔɔnɛ obiiŋɔŋk enya eemɛyɔnk, in kɔnu ari a ragadiir ɛɛk yaakaat nɔ oolɛɛr any baŋɛ ɓaŋkaawurɔɔn oolaanik.

Pɛɛyeen Tɛsɛlonkeek 1:4

Agut sini merii ɛɛk iinakɛ kɛygun aasi arkaayii godeyikɛ Sambatɛyɛɛkoŋk Waakoyotoŋ ɔgɔɔkɛŋ, agut sinɔkan ɓaŋkaawurarɗɔ oolan epaayan a rakatɛyɛɛkɛ sigaagɛkɔ laŋirkɔɔk baŋɛ, ɛɓɔrɛ sinaanɛ ŋaarki ŋaadiyɛɛkɛ goŋkuk.

Pɛɛyeen Tɛsɛlonkeek 3:5

In kɔna ikekeɓi Suumii kɛnɔ ɗegerari mɛyin Waakoyotoŋk a ɓaŋkaawurɔn oolaanik Kereseek.

Ibirawiyaan 10:36

Ɗɛyɛ kɔna a ɛtɛɛr a ɓaŋkawuŋ a dusanɛɛr ɗɛyan Waakoyotoŋk kɛnɔkoy boŋiir kuumiyɛ gɛɛŋk.

Ibirawiyaan 12:1

Agut sini lakii joop sigɔ tina waasiɗiiŋɔŋk tookɛɛta a ito tiimanik. Koy orii ola sigɛ tina dakɛr a diilk a tikiyɛ sigɛ tina ɗaabiɗikik balatuŋɔŋk, ɛkoy reerii arampɛ reeranoŋk sinɛ tine ar taamɛkɛk oolaan a ɓaŋkaawurɔn.

Ibirawiyaan 6:12

Kii ɗɛyɛ a dɔtɛyɛɛriŋ, ma ɗɛyii kɛnɔ gayiikari a joop sigɛkoy boŋur kuumeet ŋaadiyɛɛkɛ a ɓaŋkawurɔɔn oolaanik.

Omoŋ Petrosuk 1:7

Laŋirkɔ paariit sini kɛnɔ ɗegerɛɛ ŋaadiyɛ goŋk kɛ eekeer. Ŋaadiyɛ goŋk kɛygun eemɛyɛɛ, a kaalɛ worke sinɔkoy badɛŋɔŋk, nɛ paarɛ sɛɛg oko sinɛ paariɗɛ worke maɗik. Nɛkoy laŋiir pɔɔsiyɛ a eemɛyɔn a tukuun saakoy yaaŋɛɛɗ ɛɛk Yeese Kereseek.

Pɛɛyeen Petrosuk 1:6

ma ɗegerɔɔna ɛɛkoŋk raŋana ikomiit ɛɛkoŋk, ma ikomiita ɛɛkoŋk raŋana ɛtɛɛ ɓaŋkaawurɔn oolaanik, ma ɓaŋkaawurɔɔna oolaanik raŋana beeɗit a gayikɛɛ a Waakoyok,